- देश मा कोरोना कु कहर
देश मा लगातार कोरोना कु कहर बढ़दू जांणू च. अब तक देश मा कोरोना संक्रमितुं की संख्या 70,53, 806 पौछि गी. जबकि यां से मन्न वालौ की संख्या 1,08,334 पौंछि गी. स्वास्थ्य मंत्रालय का आंकड़ों का हिसाब से अब देश मा कोरोना कु कहर कम होंणू च. पिछला 8 दिनुं से लगातार कोरोना से 1000 से कम मरीजुं की मौत होंणी च
आज प्रधानमंत्री नरेंद्र मोदी न वीडियो कॉन्फ्रेंसिंग का जरिया भू-संपत्ति मालिकुं थै स्वामित्व योजना का अंतर्गत संपत्ति कार्ड वितरित करीन. ये दगड़ि ही आज ई योजना कु शुभारंभ ह्वे गी. या योजना ग्रामीण भारत थै सशक्त बणौण और बदलाव की दिशा में एक महत्वपूर्ण कदम च. या योजना पीएम डिजिटल इंडिया मिशन कु एक हिस्सा च.
सीबीआई न उत्तर प्रदेश का हाथरस मामला की जांच शुरू करेली. ये मामला मा सीबाआई न सबसे पैली एफआईआर करी. अब यां की जांच थै लेकी एक विशेष जांच टीम गठित करे गी. सीबीआई न उत्तर प्रदेश सरकार का अनुरोध पर यू मामला दर्ज करी. बथै द्वया कुछ दिन पैली हाछरस मामला खूब हल्ला ह्व छौ, ज्या मां प्रशाशन और पुलिस की कार्यप्रणाली पर सवाल उठये गी छा.
- BJP न विधानसभा उपचुनाव थै लेकी जारी करी सूची
भारतीय जनता पार्टी न 5 राज्यों मां होंण वाला विधानसभा उपचुनावुं थै उम्मीदवारुं की सूची जारी करेली. जौं राज्यों मा उपचुनाव होंण उमा छत्तीसगढ़, गुजरात, झारखंड, मणिपुर और ओड़िशा शामिल छन. यूं सभी राज्यों का उपचुनावुं थै कुल 16 उम्मीदवारुं की सूची जारी करे गी.
- आरे मेट्रो कारशेड मामला मां उद्धव ठाकरे कु बड़ू एलान
महाराष्ट्र का मुख्यमंत्री उद्धव ठाकरे ने आरे मेट्रो कारशेड का खिलाफ प्रदर्शन कन्न वाला सभी लोखुं पर लग्यां केस वापस लेणौं एलान करी. यां का साथ ही सीएम न आरे की 800 एकड़ जमीन थै भी वन भूमि भी घोषित करेली. सीएम न बोली कि शिव सेना न पैली भी यांकु विरोध करी छौ. यां का बाद अब कारशेड थै कंजूमार्ग पर शिफ्ट करे जालू.
- उत्तराखंड मा बढादा कोरोना का मामला
उत्तराखंड मां भी कोरोना कु कम लगातार बढ़दू जांणु च. प्रदेश में अब तक कोरोना संक्रमितुं की संख्यां 54,525 पौंछि गी. जबकि यां से मन्न वालौ की संख्या 734 च. प्रदेश मां लागातार बढदा कोरोना का मामलौ का बाद सरकार और स्वास्थ्य़ विभाग चिंतित छन, कोरोना की रोकथाम थै लेकी लगताार एहतियाती कदम उठये जांणा छन.
मुख्यमंत्री त्रिवेंद्र सिंह रावत ब्याली सपरिवार ऋषिकेश पौंछिन. यां का बाद वु बैराज रोड बटी राजाजी टाइगर रिजर्व पार्क का चीला रेंज में बण्या गेस्ट हाउस मा रैन. आज सुबेर सीएम त्रिवेंद्र सिंह रावत न चीला रेंज मा हाथ्य़ूं थै फल खिलैन. यां का बाद उन चीला रेंज की भ्रमण करी. पार्क की व्यवस्थाउं थै लेकी उन पार्क निदेशक डीके सिंह दगड़ि बातचीत भी करी.
ग्रीष्मकालीन राजधानी गैरसैंण का भराड़ीसैंण स्थित विधानसभा भवन और देहरादून विधानसभा भवन का बीच भी ई-ऑफिस कनेक्टिविटी कु काम पूरू ह्ले गी. यां जानकारी आईटीडीए का निदेशक अमित कुमार सिन्हा न दिनी.कनेक्टिविटी शुरू होंण से भविष्य मा विधानसभा सत्र या कैबिनेट बैठकुं थै लेकी देहरादून से गैरसैंण तक फाइलुं कु बोझ लिजाणै जरूरत नी होली.
राजधानी देहरादून मां लगातारक आईपीएल क्रिकेट मैचुं मा ऑनलाइन सट्टा लगौणा मामाल समंणि औणा छन. ब्याली दून पुलिस न ये मामला मा तीन लोखु थै गिरफ्तार करी छौ. उंकी निशानदेही पर आज पुलिस न द्वी और लोखुं थै गिरफ्तार करी. पुलिस का मुताबिक हरिओम जायसवाल अपणा भतीजों दगड़ि लंबा समय से आईपीएल का मैचुं मा सट्टा लगौणौ काम करदू छौ.
बदरीनाथ राष्ट्रीय राजमार्ग पर पीपलकोटी का नजदीक एक वाहन अलकनंदा नदी मा समै गी. मठ गौ का लोखुं न घटना की सूचना पुलिस थै दिनी, जैका बाद मौके पर पौंछि पुलिस और एनडीआरएफै संयुक्त टीम न सर्चिंग ऑपरेशन शुरू करी. अभी तक ये मामला मा कुछ भी पता नी चली.
