भारत मा कोरोना से रिकवरी दर पौंछी 61.53 प्रतिशत
भारत मा कोरोना संक्रमितों की संख्या लगातार चिंता का कारण बणणिं च. अब तक देश मा 7 लाख 42 हजार से ज्यादा केस समणि ऐ गिन. जबकि यां से मन्न वलों की संख्या 20 हजार 642 ह्वे गी. स्वास्थ्य मंत्रालय का मुताबिक, अभी तक 1 करोड़ से ज्यादा लौखुं कोरोना जांच ह्वे गी. देश मा रिकवरी दर 61.53 प्रतिशत.
आज पीएम मोदी की अध्यक्षता मा कैबिनेट बैठक ह्वे. जेमा कई फैसला लिए गिन. केंद्रीय मंत्री प्रकाश जावड़ेकर न जानकारी दिनी कि प्रधानमंत्री गरीब कल्याण योजना का तहत हर मेहना हर आदिम ते पांच किलो चावल या गेहूं दिये जालू.
उत्तराखंड मा भी कोरोना का बढ़दा मामला चिंता बणोंणा छिन. कोरोना संक्रमितों कू आंकड़ा 3,230 ह्वे गी. वखि अब तक 2649 लोग ठीक होकी अपणु घौर चलगिन. वखि देहरादून मा एक मौत का साथ मन्न वलों की संख्या 43 ह्वे गी.
त्रिवेंद्र कैबिनेटः 21 प्रस्तावों पर मुहर
आज सीएम त्रिवेंद्र सिंह रावते अध्यक्षता मा देहरादून सचिवालय मा कैबिनेट बैठक ह्वे. जेमा कुल 22 प्रस्ताव पटल पर रखी गेन. जेमा से 21 पर मुहर लगी. मुख्यमंत्री राहत कोष मा 154 करोड़ से रुपया अधिक जमा ह्वेन.
उत्तराखंड कैबिनेट बैठक मा पास होंण वला प्रस्तावों मा अवैध खनन, भंडारण नियमावली 2005 मा संशोधन. स्टोन क्रशर, स्क्रीनिंग प्लांट और खनिज भंडारण का लाइसेंस प्रक्रिया मा बदलाव. उत्तराखंड अधीनस्थ सेवा चयन आयोगे नियमावली मा संशोधन. वखि इंजीनियरिंग डिप्लोमा खुंण शैक्षिक योग्यता स्थगित.
छात्रवृत्ति घोटाला मा आईटीआई का द्वी कर्मचारी गिरफ्तार
उत्तराखंड समाज कल्याण विभाग का छात्रवृत्ति घोटाले मा पुलिस ते मिली बड़ी कामयाबी.. पुलिस न आज हरिद्वार स्थित महर्षि दयानंद आईटीआई का द्वी कर्मचारियूं ते करी गिरफ्तार.
नेपाली पेंशनरों ते हप्ता मा तीन दिन खुललु अंतरराष्ट्रीय झूला पुल
भारतीय बैंकों बटि पेंशन लेंण वला नेपाली पेंशनरों ते बड़ी राहत. कोरोना महामारी का बंद ह्वयां अंतरराष्ट्रीय झूला पुलों ते हप्ता मा तीन दिन खुन्ने मंजूरी मिली. हालांकि इं दौरान अन्य लौखुं ते नि मिल सकदी एंट्री.
उत्तराखंडी कलाकार अशोक मल्ल कू निधन
उत्तराखंडी फिल्मों मा अभिनय और बेहतरीन काम का बल पर लौखुं दिलों पर राज कन्न वला अशोक मल्ल कू देहरादून मा निधन. ऊंते कैंसर छो.
रंग ले सुमिते मुहिम, बदली गौं की तस्वीर
रुद्रप्रयाग जिला का जखोली विकासखंड का रोंण वला सुमित राणा न एक नई मिसाल पेश करी. सुमित न इलाका का कुछ युवों का साथ मिलीकी अपणा अरखुंड गौं की तस्वीर बदल ली. सुमित चित्रकार च. जू गौं मा लौखुं घौरे दीवालुं पर चित्रकारी से पहाड़े संस्कृति जिंदा कन्न मा लग्यां छिन.
नंगा पैर परिवार का साथ बदरी-केदार यात्रा पर निकली गोपीनाथ
हरिद्वार हरकी पैड़ी बटि नंगा पैर गोपीनाथ अपणी पत्नी और तीन नौना-नौनियूं का साथ केदार-बदरी यात्रा पर च. इं दौरान वू रात का वक्त मंदिर मा सोंदा छिन और लौखुं से भिक्षा मांगीकी पेट भन्ना छिन.
