देश मा कोरोना कू कहर जारी
देश मा कोरोना कू कहर जारी. भारत मा कोरोना संक्रमितों की संख्या 1 लाख 98 हजार का पार पोंछी. वखि, मौत कू आंकड़ा 5500 का पार पोंछगी.
सीआईआई की सालाना बैठक के पीएम न करि संबोधित
प्रधानमंत्री नरेंद्र मोदी न आज भारतीय उद्योग परिसंघ यानि सीआईआई की सालाना बैठक ते संबोधित करि. ऊन बोली कि ग्रामीण अर्थव्यव्स्था मा इन्वेस्टमेंट और किसानों का साथ पार्टनरशिप कू रास्ता खुन्ना बाद लोग येकू लाभ उठे सकदिन. पीएम न यू भी बोली कि सिर्फ तीन मेहना का भीतर ही पीपीई की सैकड़ों करोड़े इंडस्ट्री हमन खड़ी करदी.
दिल्ली बटि मनोज तिवारी आउट, बीजेपी न बदलिन तीन राज्यों का अध्यक्ष
भाजपा न तीन राज्यों का प्रदेश अध्यक्ष बदलिन. दिल्ली मा मनोज तिवारी की जगह पर आदेश गुप्ता होला नया प्रदेश अध्यक्ष. छत्तीसगढ़ मा पूर्व केंद्रीय मंत्री विष्णुदेव साय बढ़िन अध्यक्ष. त वखि, मणिपुर मा एस. तिकेंद्र सिंह ते बढ़े गे प्रदेश अध्यक्ष.
जेसिका लाल हत्याकांड कू दोषी मनु शर्मा ते मिली रिहाई
दिल्ली का उप राज्यपाल अनिल बैजल न मनु शर्मा की रिहाई ते दे मंजूरी. सजा समीक्षा बोर्डे अनुशंसा का बाद उपराज्यपाल न ले फैसला. मनु शर्मा ते 1999 का बहुचर्चित जेसिका लाल हत्या मामला का दोषी ठहरे गे छो.
भोल महाराष्ट्र और गुजरात पोंछलू निसर्ग
पश्चिम बंगाल और ओडिशा मा चक्रवाती तूफान अम्फाने तबेह का बाद अब साइक्लोन निसर्म कू आतंक. भोल 3 जून का दिन साइक्लोन निसर्म कू महाराष्ट्र और गुजरात मा ओंणे उम्मीद. एनडीआरएफे टीम तैनात.
उत्तराखंड मा एक हजार पार पोंछिन कोरोना केस, सात लोखुं मौत
उत्तराखंड मा कोरोना संक्रमितों की संख्या एक हजार पार पोंछीकी 1005 ह्वे गी. आज मुख्य सचिव उत्पल कुमार न प्रेस कांफ्रेंस मा बोली कि प्रदेश मा 7 मरीजों की मौत ह्वे. वखि, 243 मरीज ठीक होंणा बाद अपणु घौर लोटिन.
31 मई ते मिली लाश मा बड़ु खुलासा, साले न करि छै हत्या
रुड़की मा 31 मई का दिन अधेड़े लाश मिन्ना बाद पुलिस न करि खुलासा. साले न अपणु भै का मदद से करि छै जीजे हत्या. पुलिस न बतै कि जीजा न कुछ दिन पेहली उंकू घौर पोंछिकी बोली छो कि तुमन अपणि बड़ी नौनी त बेचीली अब छोटी नौनी ते कथा मा बेचला. जैका बाद गुस्सा मा आकर साले न अपणे भै का मदद से जीजा की करि हत्या. मामला मा द्वी आरोपी गिरफ्तार.
तीन पेटी शराब दगड़ी आरोपी गिरफ्तार, कार मा मिली बीजेपी कू झंडा
उत्तरकाशी मा आज पुलिस टीम न एक नौना ते तीन पेटी अवैध अंग्रेजी शराब का साथ करि गिरफ्तार. गिरफ्तार नौना का गाड़ी मा बीजेपी कू झंडा भी मिली.
युवा अब ऑनलाइन कर सकदिन सेवायोजन कार्यालय मा आवेदन
सेवायोजन कार्यालय देहरादून मा पंजीकृत युवौं ते राहत भरी खबर. विभाग का तरपां बटि ऑनलाइन नवीनीकरण कू मौका. 30 जून से पेहली लोग घौर बटि कर सकदिन ऑनलाइन अप्लाई.
गढ़वाली फिल्म से कोरोना का प्रति जागरुक
कोरोना महामारी बटि लौखुं ते सुरक्षित कन्नौ केदारघाटी का युवौ न एक फिल्म बणैं. यूट्यूब चैनल मा फिल्म करि रिलीज. यू फिल्म न सिर्फ लौखुं कू मनोरंजन कन्नी च. बल्कि कोरोना का प्रति लौखुं ते जागरुक भी कन्नी च.
