देश मा कोरोना कू कहर, 24 घंटा मा रिकॉर्ड 194 लोखुं मौत
देश मा कोरोना कू कहर लगातार बढ्नु च. आज बीजेपी पार्टी का प्रवक्ता संबित पात्रा मा कोरोना का लक्षण दिखिन. जेका बाद उन्ते अस्पताल मा भर्ती करी गे. देश मा कोरोना का अभी 86 हजार से ज्यादा एक्टिव केस छिन. जबकि मौत कू आंकड़ा 4500 पार पोंछ्गी.
सुरक्षाबलों न पुलवामा जन्न साजिश ते करी नाकाम
सुरक्षाबलों न आज पुलवामा जन्न साजिश ते करी नाकाम. कश्मीर मा आज करीब 40किलो विस्फोटक सेना न एक कार बटी करी बरामद. सेना का मुताबिक, हिजबुल और जैशे की छे योजना.
स्पीक अप इंडिया से कांग्रेस न मोदी सरकार पर साधी निशाना
आज कांग्रेस पार्टी न सोशल मीडिया का जरिया मोदी सरकार का खिलाफ स्पीक अप इंडिया प्रोग्राम शुरू करी. जेमा देश भर का कांग्रेस नेतों न फेसबुक का जरिया मोदी सरकारे कमियां गिने और हमला बोली. आजो दिन कांग्रेस न ऐतिहासिक करार दे.
उत्तराखंड मा कोरोना कू कहर
देवभूमि उत्तराखंड मा भी कोरोना कू कहर कम नि होणु च. शाम 4 बजि तक 11 नया मामला का साथ प्रदेश मा कोरोना मरीजों की संख्या ह्व़े गी छे 494. अब तक 79 मरीज ठीक ह्व़े गिन. सबसे ज्यादा नैनीताल मा कोरोना संक्रमितों कू आंकड़ा 138 च. दूसरा नंबर पर देहरादून मा कोरोना का 90 मरीज ह्व़े गिन.
विधायक अमनमणि का मामला मा नाराज ह्व़े हाई कोर्ट
उत्तर प्रदेश का विधायक अमनमणि त्रिपाठी और उन्का साथियों ते लॉक डाउन का दौरान पास देनो मामला मा हाई कोर्ट नाराज. कोर्ट न राज्य सरकार, अपर मुख्य सचिव ओम प्रकाश, विधायक अमनमणि त्रिपाठी व अन्य ते नोटिस जारी कर 10 दिन का अंदर मांगी जवाब.
पतंजलि ते नि मिली कोरोना दवे की क्लिनिकल जांचे परमिशन
कोरोना मरीजों पर पतंजलि की आयुर्वेदिक उपचार पद्धति प्रस्ताव ते लेकर बवाल मच गी. सोशल मीडिया मा हल्ला होणा बाद प्रशासन न पतंजलि की दवे कू क्लिनिकल जांचे परमिशन देनो ते करी इंकार.
दून अस्पताल मा कोरोना मरीजे मौत
दून अस्पताल मा कोरोना मरीज युवके मौत से हड़कंप. बते जाणु च कि वू 19 मई का दिन गाजियाबाद बटी उत्तरकाशी पोंछ्यु छौ. जख क्वारंटाइन का दौरान वेकि तबियत ख़राब ह्व़े छे. फिर वेते दून अस्पताल मा भर्ती करी गे. जख इलाज का दौरान वेकि मौत ह्व़े गी.
रामनगर मा कोरोना मरीजे मौत से हड़कंप
आज रामनगर मा कोरोना संक्रमित युवके मौत ह्व़े गी. वेते कैंसर छौ. वेकु दिल्ली का एक अस्पताल मा कैंसर कू इलाज चन्नू छौ. वू 25 मई का दिन रामनगर लौटी छौ.
कोरोना संकट का बीच बोर्ड परीक्षे तैयारी मा सरकार
उत्तराखंड मा कोरोना संकट का बीच त्रिवेंद्र सरकार न शुरू करी बोर्ड परीक्षे तैयारी. पूर्व निर्धारित परीक्षा केन्द्रों बटी राहत शिविर ते 31 मई तक खाली कन्नो आदेश.
टिक- टॉक ते टक्कर देनु मित्रों एप, आईआईटी रुड़की का पूर्व छात्रों न करी तैयार
चाइनीस एप टिक टॉक ते टक्कर देनो मित्रों एपे धूम च. येते आईआईटी रुड़की का पूर्व छात्रों न तैयार करी. यू एप युवाओं मा काफी पोपुलर भी ह्व़े गी.
