देश मा कोरोना कू कहर
देश मा कोरोना कू प्रकोप लगातार बढ्नु च. अब तलक देश मा कोरोना का 112359 केस समणी ऐ गिन. वखि, 3435 लोखुं मौत ह्व़े गी. जबकि 45300 लोग ठीक ह्व़े गिन.
अम्फान कू कहर, भारत- बांग्लादेश मा 37 से ज्यादा मौत
चक्रवाती तूफ़ान अम्फान कू कहर ब्याली बटी बरकरार च. कोलकाता और ओडिशा मा अम्फान न भारी कहर बरपे. भारत और बांग्लादेश मा 37 से ज्यादा लोखुं मौत ह्व़े गी. उधर, इं मामला मा गृह मंत्री अमित शाह न पश्चिम बंगाले सीएम ममता और ओडिशा सीएम नवीन पटनायक दगड़ी करी बात.
25 मई बटी शुरू होली हवाई सेवा, सरकार न तय करी गाइडलाइन
करीब द्वी मेहना बाद लॉक डाउन का बीच 25 मई बटी देश मा शुरू होली हवाई सेवा. आज उड्डयन मंत्री हरदीप पूरी न बोली की सरकार का तरपा बटी टिकट दामें अधिकतम सीमा तय च. एयरलाइन्स ते सभी नियमों कू पालन कन्नो अनिवार्य होलू.
आज उत्तराखंड मा कोरोना का 10 नया केस
उत्तराखंड मा कोरोना संक्रमितों की संख्या लगातार बढ़नी च. आज प्रदेश मा कोरोना का 10 नया केस समणी एन. जेका बाद प्रदेश मा कोरोना का कुल 132 केस ह्व़े गिन.
उत्तराखंड मा कमर्शियल वाहनों कू 3 मेहना रोड टैक्स माफ़
आज देहरादून सचिवालय मा ह्व़े त्रिवेंद्र कैबिनेट न 15 मा से 14 प्रस्तावों पर मुहर लगे. जेमा मुख्य रूप से ट्रांसपोर्ट मा फैसला लिए गिन. लॉक डाउन का कारण कमर्शियल वाहनों कू 3 मेहना रोड टैक्स माफ़. सरकार ते होलू 14 करोड़ 23 लाख कू नुकसान
कैबिनेट मा मुख्यमंत्री कृषि योजना ते मंजूरी
आज त्रिवेंद्र कैबिनेट मा कई मुद्दों पर फैसला लेय गिन. जेमा वित्त निकाय मा संशोधन, चकबन्दी एक्ट मा बदलाव, उत्तराखंड सेवा नियमावली मा संसोधन शामिल छिन. इंका अलावा मुख्यमंत्री राज्य कृषि योजना ते मंजूरी मिली.
1 जून बटी उत्तराखंड मा चल्ली द्वी ट्रेन
1 जून बटी रेल मंत्रालय न रोज 200 यात्री ट्रेन चन्न परमिशन देय ली. देहरादून बटी भी द्वी ट्रेन चल्ली. जेमा एक देहरादून-दिल्ली जनशताब्दी और दूसरी देहरादून-काठगोदाम जनशताब्दी एक्सप्रेस च.
16 आईएस और 5 पीसीएस अधिकारियों कू ट्रांसफर
आज उत्तराखंड शासन मा बड़ा फेरबदल ह्वेन . जेमा 16 आईएएस और 5 पीसीएस अधिकारियों का विभागों मा फेरबदल करी गिन. अपर मुख्य सचिव ओमप्रकाश ते लोक निर्माण विभाग बटी हटे गे. त वित्त सचिव अमित नेगी ते आपदा प्रबंधन विभाग बटी हटेकी स्वास्थ्य विभाग कू जिम्मा दे.
स्वास्थ्य विभाग मा भी तबादला, डॉ बीसी रमोला दून का नया सीएमओ
उत्तराखंड स्वास्थ्य विभाग न देहरादून का विभिन्न महत्वपूर्ण पदों पर बेठ्या डॉक्टर्स का भी तबादला करिन. जेमा डॉ. मीनाक्षी जोशी का जगह पर डॉ बीसी रमोला ते बणे गे देहरादून कू नयु सीएमओ .
होम क्वारंटाइन मा दंपती ते शादी मा जाण पडू महंगू, मुकदमा दर्ज
हरिद्वार जिला का लक्सर मा सिमली मोहल्ला का एक दंपती ते शादी मा जाण महंगू पड़ गी. उप जिलाधिकारी का शिकायत पर पुलिस न द्वीयों का खिलाफ दर्ज करी मुकदमा.
