एक दिन मा रिकॉर्ड 5242 कोरोना का नया केस
कोरोना कू खतरा देश मा लगातार बढ्नु च. पिछला 24 घंटा मा देश मा कोरोना का 5242 केस ऐ गिन. वखी 157 लोखुं मौत ह्व़े गी. फिलहाल देश मा कोरोना का कुल केस 96169 छिन. त मन्न वलो की संख्या 3029 ह्व़े गी.
श्रमिक ट्रेन ते पोंछिन हजार से ज्यादा लोग, लॉक डाउन कू उल्लघंन
गाजियाबाद और मेरठ मा आज लॉकडाउने धज्जियां उड़ींन. श्रमिक ट्रेन खुंण रजिस्ट्रेशन ते हजार से ज्यादा लोग गाजियाबाद का रामलीला मैदान मा पोंछ्या छा. मेरठ मा भी यन ही नजारा दिखी.
आज देहरादून मा मिली एक और कोरोना मरीज
कोरोना का मद्देनजर उत्तराखंड मा भी हालात लगातार चिंताजनक छिन. आज देहरादून मा एक नौन म कोरोने पुष्टि ह्व़े. जेका बाद प्रदेश मा कोरोना मरीजों की संख्या बड़की ह्व़े गी 93.
डंडा और पत्थरों से पीटी कर बुजुर्गे हत्या
आज मसूरी मा 26 सालक नौना न एक बुजुर्ग ते डंडों और पत्थरों से पीटी-पीटी कर मार दे. पुलिस न आरोपी ते गिरफ्तार करे ली, वखि घटना का बाद से इलाका मा हड़कम्प च.
एफएसएल मा तैनात पुलिस कू जवान गायब
देहरादून का फॉरेंसिक साइंस लैब मा तैनात पुलिस कू एक जवान पिछला 4 दिनों बटी संदिग्ध परिस्थितियों मा लापता च. वेका घोरवलूं की शिकायत पर पुलिस न रिपोर्ट दर्ज करे ली. पुलिसे जांच मा वू 14 मई का दिन हरिद्वार का चंदिघाट पर देखि गे छो. सीसीटीवी मा कैद ह्व़े वेकि तस्वीर.
पुलिस जवान पर हमला का आरोप मा 4 गिरफ्तार
काशीपुर मा एक पुलिस कांस्टेबल पर हमला का आरोप मा एक नौनी समेत कुल 4 गिरफ्तार. वखि, मामला मा 8 नामजद और 20 अज्ञात लोखुं पर च मुकदमा.
12 सालक एक नौना ते क्वारंटीन का नाम पर स्कूल मा करी बंद
हल्द्वानी का हल्दुचौड़ स्थित गंगापुर गौ मा ग्राम प्रधान का मदद से स्वास्थ्य विभाग का टीम न 12 सालक एक नौना ते गंगापुर प्राथमिक विद्यालय मा क्वारंटीन का नाम पर बंद करे ली और बाहर बटी तालु लगे ली. जब मामला मा हल्ला ह्व़े तब खोली गे तालु.
1400 प्रवासी लोखुं ते लेकी हल्द्वानी पोंछी ट्रेन
आज दोपहर मा 1400 प्रवासी मजदूरों ते लेकी श्रमिक ट्रेन अहमदाबाद बटी लालकुआं रेलवे स्टेशन पोंछी. जख उन्की थर्मल चेकिंग का बाद रोडवेज़ बस बटी घोरों ते करी गे रवाना.
भोल और परसी 4 श्रमिक ट्रेन बिहार ते होली रवाना
19 मई और 20 मई का दिन देहरादून रेलवे स्टेशन बटी चार ट्रेन बिहार ते रवाना होली. इं ट्रेन मा सवार 3500 लोग अपणु घोर जाला.
मजदूरों ते पुलिस न बांटी मास्क, सैनेटाइजर और भोजन सामग्री
लॉकडाउन 4 का साथ ही उत्तराखंड मा चारधाम यात्रा सड़क चौड़ीकरण कू काम शुरू ह्व़े गी. आज देवप्रयाग मा पुलिस टीम न काम मा ल्ग्यां मजदूरों ते मास्क, सैनेटाइजर और भोजन सामग्री का पैकेट बांटिन.
