एयर इंडिया का 5 पायलट कोरोना संक्रमित
देश मा कोरोना कू कहर लगातार बढ्नु च. आज एयर इंडिया का 5 पायलटों मा कोरोना संक्रमण की पुष्टि ह्व़े. देश मा कोरोना संक्रमित लोखुं संख्या 62939 ह्व़े गी. त मन्न वलो की संख्या 2109 पोंछी. हालांकि अब तलक 19358 कोरोना पीड़ित ठीक भी ह्वे गिन.
भोल मुख्यमंत्रियों दगड़ी बातचीत करला प्रधानमन्त्री
प्रधानमंत्री नरेंद्र मोदी भोल वीडियो कांफ्रेंसिंग का जरिया सभी राज्यों का मुख्यमंत्रियों दगडी बातचीत करला. यन जानकारी मिली च कि बैठक सोमवार दिना वक्त 3 बजि होली. जेमा कोरोना वायरसे स्थिति पर चर्चा होली.
पहाड़ मा भी चढ़ी कोरोना, कुल संख्या पोंछी 68
उत्तराखंड का पहाड़ों मा चढ़ी कोरोना. आज उत्तरकाशी मा मिली कोरोना कू पेहलू केस. उधम सिंह नगर मा 4 और उत्तरकाशी मा एक केस मिन्ना बाद प्रदेश मा कोरोना पीड़ितों की संख्या पोंछी 68.
पंचतत्व मा विलीन ह्व़े नितेश कपिल कू पार्थिव शरीर
जम्मू कश्मीर का कुपवाड़ा मा तैनात लेफ्टिनेंट कर्नल नितेश कपिले की 7 मई का दिन हार्ट अटैक से मौत ह्व़े गी छे. आज उन्कू पार्थिव शरीर रामनगर पोंछी. जख सैन्य सम्मान का साथ उन्कू अंतिम संस्कार ह्व़े.
शांतिकुंज प्रमुख और उन्की पत्नी का खिलाफ मुकदमा
आज शांतिकुंज प्रमुख डॉ प्रणव पांड्या और उन्की पत्नी का खिलाफ हरिद्वार मा दुष्कर्म और धमकी देंनो मुकदमा दर्ज ह्व़े. इंसे पेहली यू केस दिल्ली मा जीरो एफआईआर मा दर्ज ह्वे छो. जू आज हरिद्वार ट्रान्सफर ह्वे.
टिहरी कू नौने बांग्लादेश मा मौत, घोर वलूं सरकार से मांगी मदद
टिहरी कू रोण वलू एक नौना की बांग्लादेश मा मौत ह्व़े गी. वेका घोर वलूं उत्तराखंड और केंद्र सरकार से शव वापस लोणे मांग करी. ताकि वेकू अंतिम संस्कार ह्व़े सकु.
मुंबई मा फंसी एक नौना न वीडियो जारी कर मांगी मदद
लॉकडाउन का कारण कई लोग अपणु घोर ओनो लगातार प्रयास कन्ना छिन. मुंबई मा ऋषिकेश कू एक नौना फ्न्स्युं च. वेन एक वीडियो जारी कर सीएम त्रिवेंद्र सिंह रावत से मददे मांग करी. वीडियो मा वेन बोली कि वू भारी परेशानी मा च. वेते और वेका दोस्तों ते खाणु भी नि मिन्नू च.
कलश यात्रा मा बिना अनुमति शामिल ह्व़े एक पुजारी
नरेंद्र नगर राजदरबार बटी गाड़ू घड़ा तेल कलश यात्रा मा बिना अनुमति एक पुजारी शामिल ह्व़े. जेका बाद प्रशासन मा हड़कम्प च. चमोली जिला का एसडीएम का मुताबिक, गौचर सीमा पर दर्ज रिकॉर्ड मा वेकू नाम नि च. अब वेकी खोज च चन्नी.
बे-मौसमे बरखा से डेंगू कू खतरा
प्रदेश मा कोरोना कू कहर का बीच अब डेंगू कू खतरा बढ़ी. बेमौसमे बरखा से डेंगू कू खतरा च. जेका बाद उत्तराखंड का स्वास्थ्य विभाग मा चिंता बढ़ गी.
उत्तराखंड का कई इलाकूं मा बरखा
मौसम विभागे चेतावनी सही निकली. प्रदेश का कई इलाकों मा आज दिन बटी खूब ह्व़े बरखा. कखी बरखा ह्व़े त कखी ढांडा पोड़ीन.
