देश मा कोरोना का आंकड़ा 26 हजार पार
देश मा कोरोना कू कहर जारी च. भारत मा अब तक 26 हजार लोग कोरोना से संक्रमित. वखि 824 लोखुं मौत.
पीएम न जनता साथ करी मने बात
प्रधानमंत्री नरेंद्र मोदी न विशेष रेडियो कार्यक्रम 'मन की बात' मा आज फिर देशे जनता ते संबोधित करी. उन बोली कि कोरोना का खिलाफ लड़े मा एक क्वी एक कोरोना वॉरियर च. पीएम न कोरोना का खिलाफ लड़े मा हर भारतीय ते बते एक सैनिक.
पीएमे अपील, इं बार रमजान मा ज्यादा होण चेदी इबादत
मने बात मा पीएम न बोली कि पिछला साल रमजान का मौका पर केन सोची नि छो कि इं साल कोरोना ए जलु. पर हम लोखुं ते हिम्मत रखिकी इं साल रमजान मा ज्यादा से ज्यादा इबादत कन्न चेंदी. ताकि पूरी दुनिया कोरोना वायरस से मुक्त ह्व़े जाओ. पीएम न रमजान का दौरान रोजेदारों ते सोशल डिस्टेंसो पालन कन्ने भी बात बोली.
देहरादून मा द्वी नया कोरोना मरीज, प्रदेश मा अब कुल 50 पोंछी संख्या
आज राजधानी देहरादून मा एक मेहला निकली कोरोना पॉजिटिव, जिला मेहला अस्पताल मा चन्नू च वेकु इलाज. मेहला कु एक दिने बच्चा कु भी ले गे सैंपल. वखि ऋषिकेश एम्स मा एक नर्सिंग स्टाफ मा भी कोरोना. जेका बाद जिला प्रशासन मा हड़कम्प. प्रदेश मा कोरोना मरीजों की संख्या पोंछि 50.
आज खुलिन गंगोत्री -यमुनोत्री का कपाट, चारधाम यात्रा कु आगाज
आज अक्षय तृतीया का पावन पर्व पर गंगोत्री और यमुनोत्री धाम का कपाट खुल गिन. आज दिन मा 12.35 पर गंगोत्री और 12.41 पर यमुनोत्री धामे कपाट पूरा विधि-विधान से खोली गिन. गंगोत्री-यमुनोत्री कपाट खुन्ना बाद प्रदेश मा शुरू ह्व़े चारधाम यात्रा.
पीएम मोदी का नाम पर ह्व़े गंगोत्री धाम मा पेहली पूजा
गंगोत्री धाम का पुरोहितों न पीएम मोदी का नाम पर साले पेहली पूजा करी. बते दयां कि प्रधानमंत्री नरेंद्र मोदी न पेहली पूजा खुंण 1100 रुपए दक्षिणा ते भेजी छा. इं दौरान धाम मा मदिर समिति का अलावा नि छो क्वी मौजूद.
बाबा केदारे पंचमुखी डोली धाम खुंण रवाना
ओंकारेश्वर मंदिर मा भगवान भैरवनाथे विशेष पूजा का बाद आज बाबा केदारे पंचमुखी डोली उखीमठ बटी केदारनाथ थे ह्व़े रवाना. पेहला दिन डोली गौरीकुंड मा कल्ली रात्रि विश्राम. कोरोना महामारी का कारण डोली ते गाड़ी मा सवार करी एक ही दिन पोंछ्याई गे गौरीकुंड.
लॉकडाउन का कारण गंगा ह्व़े साफ
लॉकडाउन का कारण गंगा ह्व़े साफ़. गंगा नदी साफ़ होण से माछा भी साफ़ दिखेण लगिन. इं दिनों हरिद्वार मा गंगा का साफ़ पाणी मा माछा बढ़ी संख्या मा दिखेणी छिन.
रमजान मा प्रशासन सख्त, सोशल डिस्टेंसिंग कु उल्लंघन पर होली कारवे
लॉकडाउन का बीच रमजान कु मेहना भी शुरू ह्व़े गी. रमजान मा सोशल डिस्टेंसिंग कु क्वे उल्लंघन नि हो, ते खुंण प्रशासन च सतर्क. जिला प्रशासन न मुस्लिम समुदाय का लोखुं ते अपणु घोर पर ही नमाज पढ्न निर्देश दे.
बरखा और ढांडो न बर्बाद करी फसल
उत्तराखंड मा मौसम न बदली करवट. जेका बाद प्रदेश भर का कई इलाकों मा भारी बरखा ह्व़े और ढांडू पोड़ीन. जैका बाद खेतों मा गेहूं, सरसों और अन्य फसल ह्व़े गिन बर्बाद. फसल बर्बाद होण से किसानों मा मायूसी.
