देश मा कोरोना कू कहर जारी, 24 घंटा मा 38 लोखुं की मौत
देश मा कोरोना कू कहर जारी च. पिछला 24 घंटा मा कोरोना का 1076 लोखुं मा संक्रमण, वखि 38 लोखुं की मौत. त अब देश मा कोरोना मरीजों की संख्या ह्व़े 11439 और कुल 377 लुखुं की मौत.
मौलाना साद पर गैर इरादतन हत्या कु मुकदमा
तब्लीगी जमात का प्रमुख मौलाना साद पर गैर इरादतन हत्या कु मुकदमा दर्ज. इं का अलावा जमात का 1900 लोखुं का खिलाफ लुक आउट नोटिस जारी.
आज बटी इं कामों मा मिलेली छूट
प्रधानमंत्री का ओर से 3 मई तक लॉकडाउन का आदेशा एक दिन बाद आज सरकार का ओर से जारी ह्व़े अधिसूचना. जेमा खेती, कृषि से सम्बन्धित दुकान और खाद कीटनाशक दवों ते मिलेली छूट. इंका अलावा मत्स्य पालन, निर्यात वला कम्पनी, सड़क निर्माण और सिंचाई मा भी सशर्त छूट जारी.
मजदूरों ते गुमराह कन्न वला विनय ते जेल
मुंबई का बांद्रा रेलवे स्टेशन पर प्रवासी मजदूरों की भारी भीड़ इकट्ठा मामला मा पुलिस न एक नौना विनय दुबे ते करी गिफ्तार, विनय पर आरोप च वेन मजदूरों ते गुमराह करी छो. आरोपी ते कोर्ट न 21 अप्रैल तक पुलिस हिरासत मा भेजी.
उत्तराखंड मा बढीं द्वी मरीज, कुल संख्या ह्व़े 37
ब्याली हरिद्वार का द्वी लोखुं मा कोरोना की पुष्टि ह्व़े. तेका बाद उत्तराखंड स्वास्थ्य विभाग मा हड़कम्प मची. द्वेयों ते आईसोलेशन मा भेजी गे. अब उत्तराखंड मा कोरोना मरीजों की संख्या पोंछी 37.
उत्तराखंड मा आर्थिक सुधार ते बणी कमेटी, इंदु कुमार बणीन हेड
प्रदेश मा लॉकडाउन का कारण ह्व़े आर्थिक नुकसान सुधरनों सरकार न करी उच्च स्तरीय सलाहकार समिति कु गठन. रिटायर्ड आईएएस इंदु कुमार पांडे बणीन हेड. ये समिति मौजुदा आर्थिक नुकसान कु करली आंकलन.
41 लोखुं ते घोर जाणे अनुमति
नैनीताल का टीआरसी क्वॉरेंटाइन सेंटर मा भर्ती 41 लोखुं ते आज मिली डिस्चार्ज. ये सभी अपणु घोर पोंछी गिन. बते दया कि ये सभी लोग जमातियों का सम्पर्क मा अयां छा.
रानीखेत मा मिली एक कोरोना संदिग्ध
उत्तराखंड मा अब तक कोरोना मरीजों की संख्या च 37. इं बीच अल्मोड़ा जिला का रानीखेत बटी एक कोरोना संदिग्ध मिन्ने खबर मिली. जेका बाद स्वास्थ्य विभाग न वेते आइसोलेशन वॉर्ड मा भर्ती करी.
कार मा लगी आग पोंछी खेतों पर, फसल जलकर ह्व़े ख़ाक
बाजपुर मा आज गेंहू का खेतों का पास खड़ी कार मा आग लग गी. कुछ ही देर मा आग कार बटी खेतों मा पोंछी. सूचना पर पोंछी दमकले टीम न आग पर काबू पे लेकिन तब तक खेतों मा फसल जलकर ह्व़े गी छे ख़ाक.
केसरे खेती से किसान बणी लखपति
गदरपुर मा केसरे खेती शुरू ह्व़े गी. जेका बाद लोखुं मा ख़ुशी कु माहोल च. यख केसरे खेती कन्न वला एक किसान विक्की सिंहे खूब होणी च कमे.
