एक दिन मा 31 लोखुं मौत
कोरोना कू कहर देश मा कम होन्डू नाम नि लेणु च. पिछला 24 घंटा मा 1200 से ज्यादा लोखुं मा संक्रमण, वखि एक दिन मा 31 लोखुं की मौत. अब संक्रमण की संख्या पोंछी 10363 और कुल 339 लोखुं की मौत.
19 दिन और बड़ी लॉकडाउन
आज सुबेर 10 बजी प्रधानमंत्री नरेंद्र मोदी न देश ते फिर संबोधित करी. उन कोरोना वायरस का कारण देशव्यापी लॉक डाउन ते 19 दिन और बढ़ाकर 3 मई तक करी. उन फिर लोखुं से सोशल डिस्टेंस और अपणु घोरों पर ही रेनो अपील करी.
20 अप्रैल का बाद कुछ जिलों ते दे जा सकदी छूट
प्रधानमंत्री न अपणु संबोधन मा यु भी बोली कि 20 अप्रैल तक हर इलाका ते देखे जालू. अगर इं जगहों पर एक भी कोरोना कू मरीज नि मिली, त यख दे जा सकदी कुछ छूट.
कुछ जिलों ते राहत दे सकदी उत्तराखंड सरकार
उत्तराखंड सरकार दुसरू लॉकडाउन मा कुछ जिलों ते राहत देनो पर विचार कन्नी च. यन संकेत मिन्ना छिन कि जिन जिलों मा अभी तक एक भी कोरोना कू मरीज नि मिली, वख दे जा सकदी कुछ छूट, पर केंद्र सरकारे गाइडलाइन का आधार पर.
श्रद्धालु कर सकला धामा ऑनलाइन दर्शन, तैयारी शुरू
उत्तराखंड मा होण वलि चारधाम यात्रा अपनी डेट पर फिक्स च. पर भक्तों का ओण पर अभी भी संशय च. त ए वास्ता गढ़वाल कमिश्नर रविनाथ रमन न बोली कि श्रद्धालुओ ते ऑनलाइन धामे दर्शन तैयारी मा जुटी च सरकार.
पैरा मिलिट्री फ़ोर्स का पास सुपुर्द ह्व़े बनभूलपुरा
मुख्यमंत्री त्रिवेन्द्र सिंह रावत का आदेश पर हल्द्वानी का बनभूलपुरा इलाका मा कर्फ्यू लग्युं च. इं कड़ी मा आज सुरक्षाबलों न पूरा इलाका मा फ्लैग मार्च निकाली. साथ ही पूरु इलाका पैरा मिलिट्री फ़ोर्स का पास सुपुर्द करी. इलाका का करीब 20 से ज्यादा एंट्री प्वाइंट सील.
उधारी पड़ी ग्राहक पर भारी, दुकानदार न मारी गोली
लक्सर मा उधार का रुपया पर दुकानदार और ग्राहक का बीच विवाद बढ़ी. आरोप च दुकानदार न ग्राहक ते मारी गोली. अस्पताल ले जांदा वक्त ग्राहके मौत. पुलिस गिरफ्त मा आरोपी दुकानदार.
राशने कालाबाजारी मा बीजेपी नेता कु पति गिरफ्तार
अल्मोड़ा मा ईटीवी भारत की खबर कु असर. सरकारी दुकान बटी राशने कालाबाजारी मा बीजेपी नेता कु पति ह्व़े बेनकाब. पुलिस और जिला प्रशासने छापामारी मा सच निकली बात. आरोपी गिरफ्तार.
सानी और आस्थे शादी मा दिखी सोशल डिस्टेंस
टिहरी का जाखणीधार तहसील का मिंग्वाली गौ मा आस्था और सानी की शादी ह्व़े. कोरोना लॉक डाउन का कारण शादी मा बराती और घरातियों न अपने सोशल डिस्टेंस. शादी मा दूल्हा-दुल्हन समेत कुल 10 लोग हव्या शामिल.
आज मने गे बाबा साहबे जयंती
आज पुरु देश मा बड़ी सादगी का साथ मने गे बाबा भीमराव अम्बेडकरे 129वीं जयंती. सुबेर प्रधानमंत्री नरेन्द्र मोदी न संबोधन का दौरान दे छे उन्ते श्रद्धाजलि. त वखि, प्रदेश मा भी कांग्रेस और भारतीय दलित साहित्य समाज न मने बाबा साहबे जयंती.
