भोल पीएम देश ते करला सम्बोधित, बड़ सकदु लॉकडाउन
देश मा अब तक 9152 लोखुं मा कोरोना संक्रमण, 308 आदिमों की मौत. भोल प्रधानमन्त्री नरेन्द्र मोदी सुबेर 10 बजि देश ते करला सम्बोधित. 14 अप्रैल लॉकडाउन कू आखिरी दिन च. त भोल पीएम कर सकदिन लॉकडाउन बड़ोडो एलान.
आज फिर ऐ भूकम्प, दहशत मा लोग
लगातार दुसरू दिन दिल्ली एनसीआर मा महसूस हव्या भूकम्प का झटका. भुक्म्पे तीव्रता 2.7 रिएक्टर रे. वखि, प्रदेश का बागेश्वर जिला मा भी 3 बजकर 19 मिनट पर ए भूकम्प. तीव्रता रे 3.6 रिएक्टर. जान माल कु नि ह्व़े नुकसान.
दिल्ली बटी 108 जमाती लोटिन मुजफ्फरपुर
दिल्ली का निजामुदीन बटी जमातियों कू कहर अभी नि थमी. खुफिया सूत्रों का मुताबिक, निजामुद्दीन बटी 108 जमाती मुजफ्फरपुर लोटिन. प्रशासन और स्वास्थ्य विभाग उन्की खबर मा लगीं च. अलर्ट जारी.
हल्द्वानी का बनभूलपुरा मा कर्फ्यू का आदेश जारी
उत्तराखंड का मुख्यमंत्री त्रिवेन्द्र सिंह रावत का आदेश पर हल्द्वानी का बनभूलपुरा इलाका मा कर्फ्यू का आदेश जारी. दरअसल, ब्याली मेडिकल टीम पर कुछ लोखुं करी छौ पथराव. जेका बाद से इलाम मा च तनाव.
हल्द्वानी जेल मा खूनी संघर्ष, एक कैदी मौत
लॉकडाउन का बीच हल्द्वानी जेल बटी बड़ी खबर, यख एक कैदी न दुसरु कैदी की करी हत्या. जेल प्रशासन न आरोपी कैदी का खिलाफ हल्द्वानी थाना मा दर्ज करी मुकदमा.
पति-पत्नी झगड़ा का मा आदिम न करी आत्महत्या
देहरादून का डालनवाला क्षेत्र मा एक .आदिम न आत्महत्या करी. पुलिस का अनुसार पति-पत्नी विवाद का बाद आदिम न उठे आत्मघाती कदम. वेन पंखा से लटकर करी आत्महत्या.
ईटीवी भारते खबर कु असर, किसानों ते राहत देली त्रिवेन्द्र सरकार
लॉकडाउन का कारण उत्तराखंड का किसानों ते फसल काटनौ नि मिन्ना छिन मजदूर, ईटीवी भारत न यू खबर प्रमुखता से दिखे छे. त अब त्रिवेन्द्र सरकार इं मामला मा जल्द ही ले सकदी बडू फैसला.
तीन दिन बाद बैंक खुलिन, लोखुं अपने सोशल डिस्टेंस
राजधानी देहरादून मा तीन दिन का अवकाश का बाद आज एक बार फिर बैंक खुलिन. लोखुं सोशल डिस्टेंस कू पालन करी. बैंक सुबेर 8 बजि से द्विपहर 1 बजि तक खुला रे.
उत्तराखंड मा फंसीं मनोज वाजपेयी और दीपक डोबरियाल
लॉकडाउन से पेहली शूटिंग ते उत्तराखंड पोंछिन मनोज वाजपेयी और दीपक डोबरियाल आज भी यखी छिन. लॉकडाउन का कारण यू लोग उत्तराखंड का एक गौ मा फंस गिन. लॉकडाउन खुलनौ च इंतज़ार.
रबी फसल कटनौ ते तैयार, लॉकडाउन और सोशल डिस्टेंस कु दिखी असर
बागेश्वर मा इं दिनों रबी की फसल कटनौ खेतों मा तैयार च. पर लॉकडाउन और सोशल डिस्टेंस न यख तस्वीर बिलकुल बदल ली. फसल काटनौ द्वी से ज्यादा लोग एक खेत मा नि दिखना छिन.
