14 अप्रैल का बाद भी जारी रह सकदु लॉकडाउन
देश मा कोरोना की संख्या पोंछी 5194, 149 लोखुं मौत. वखि, प्रधानमन्त्री नरेन्द्र मोदी न कोरोना वायरस का कारण देशव्यापी लॉक डाउन से उत्पन्न हालत पर विचार कन्नो लोकसभा और राज्यसभा का विपक्षी नेतो का साथ बात करी. बीजद नेता पिनाकी मिश्र न पीएम का साथ मीटिंग का बाद मीडिया मा बोली कि पीएम न स्पष्ट करी कि 14 अप्रैल का बाद एक साथ नि खुल्लू लॉकडाउन.
हरिद्वार मा आज द्वी जमाती कोरोना पॉजिटिव
आज हरिद्वार मा द्वी जमाती निकलीन कोरोना पॉजिटिव, अब हरिद्वार जिला मा कोरोना मरीजों की संख्या पोंछी 3. वखि, प्रदेश मा कोरोना पीड़ितों की संख्या ह्व़े 33.
त्रिवेन्द्र कैबिनेट बैठक, विधायक निधि मा से एक करोड़ रुपए कटौती
उत्तराखंड सरकार की कैबिनेट बैठक मा लिए गिन अहम फैसला, सभी विधायक और मंत्रियों की सैलरी मा होली 30 प्रतिशते कटोती. वखि, विधायक निधि मा से एक करोड़ रुपए कोविड 19 फंड मा दे जाला.
ट्रेवल हिस्ट्री छिपौण वला जमातियों का खिलाफ मुकदमा
त्रिवेन्द्र सरकारे कैबिनेट बैठक मा फैसला, लॉक डाउन कू उल्लंघन कन्न वलो का खिलाफ होली सख्त कारवे. अपनी ट्रेवल हिस्ट्री छिपौण वला जमातियों का खिलाफ दर्ज होलू आपराधिक मुकदमा.
कोरोना का खिलाफ जंग मा तैयार त्रिवेन्द्र सरकार
उत्तराखंड कैबिनेट बैठक मा कोरोना का खिलाफ लड़े मा स्वास्थ्य तैयारियों पर भी ह्व़े चर्चा. कोरोना संक्रमितौ ते 823 बेडों कू आइसोलेशन वार्ड बंडे जाला, क्वॉरंटाइन ते 16 हजार 449 बेड, 455 आईसीयू, 151 वेंटिलेटर, 8 हजार 695 पीपीई कीट और 31 हजार 77 N95 मास्कों की करे जाली व्यवस्था.
लॉकडाउन मा डोबरा चांठी पुल कू काम जारी
देश मा कोरोना का खिलाफ लड़े जारी च. सिर्फ प्रदेश ही नि पुरु देश मा सारा काम ठप छिन और लॉक डाउन लागु च. पर टिहरी झील पर डोबरा चांठी पुल कू काम नि रुकी. यख मजदूरों से जबरदस्ती काम करे जाणु च.
मजदूरों पर रोजी रोटी कू संकट
कोटद्वार मा जसोधपुर स्टील फैक्ट्री का मजदूरों पर रोजी रोटी कु भारी संकट. द्वी मेहना से वेतन ना मिन्न से नाराज श्रमिकों न पुलिस थाना जाकर लगे मद्दे गुहार. पर आरोप च कि पुलिस न भी उनते लॉक डाउन का हवाला देकर भगे.
देहरादून बटी दिल्ली ते द्वी स्पेशल ट्रेन शुरू
लॉकडाउन का बीच राहत वली खबर, मुरादाबाद रेल मंडल का ओर से 9 और 15 अप्रैल का बीच देहरादून बटी दिल्ली ते द्वी स्पेशल ट्रेन चल्ली. जेमा देहरादून, हरिद्वार, पथरी, सहारनपुर और मेरठ का व्यापारी अपणु व्यापारिक सामान भेज सकदिन.
बुजुर्ग मेहला न अपनी जिन्दगी भरे कमे करी दान
चमोली जिला का गौचेरे रोण वली बुजुर्ग देवकी भंडारी न पीएम केयर फंड मा अपनी जीवन भरे कमे दान करी. उन कोरोना का खिलाफ राहत फंड मा दे 10 लाख रुपया.
क्वारंटाइन जमातियों ते पुलिस न भेंट करी कुरान
रुड़की का पिरान कलियर मा पुलिस न पेश करी एकता की मिसाल. रुड़की का कई गेस्ट हाउस मा क्वारंटाइन मा रख्या जमातियों के पुलिस टीम न भेंट करी कुरान.
