कोरोना कू प्रकोप बड़ी
देश मा कोरोना कू प्रकोप लगातार बडणु च. महाराष्ट्र मा रोगियों की संख्या पोंछी 900. आज पुणे मा कोरोना से तीन और लोखुं मौत. देश मा मौत कू आंकड़ा पोंछी 114.
शहीद देवेन्द्र सिंह ते दे गे श्रद्धांजलि
जम्मू कश्मीर का कुपवाड़ा बटी शहीद ह्व़े हवलदार देवेन्द्र सिंह कू पार्थिव शरीर पोंछी गुप्तकाशी. यख सीएम त्रिवेन्द्र सिंह रावत भी पोंछिन. ऊन शहीद ते दे श्रद्धांजलि. उन्का साथ गढ़वाल सांसद तीरथ सिंह रावत भी छा. सीएम न बोली कि इं दुःख का घड़ी मा सरकार शहीद का परिवार का साथ छिन. तेका बाद सेना का वाहन मा पार्थिव शरीर रुद्रप्रयाग उन्कू गांव पोंछी. जख उन्कू अंतिम संस्कार ह्व़े.
शहीद अमित अन्थवाल ते सीएम न दे श्रद्धांजलि
आतंकवादियों दगड़ी लड़े मा शहीद ह्व़े जवान अमित अन्थवाल कू पार्थिव शरीर सैन्य सम्मान साथ उन्कू गौ पौड़ी पोंछी. जख सीएम और गढ़वाल सांसद तीरथ सिंह रावत न शहीद ते नम आँखों से श्रद्धांजलि दे. फिर सैन्य सम्मान का साथ ह्व़े अंतिम संस्कार.
द्वी जमातियों का खिलाफ गैर इरादतन हत्या कू मुकदमा
लॉकडाउन का बीच अभी भी कई जमातियों न पुलिस का पास नि करी च सरेंडर. त अब उत्तराखंड पुलिस न सख्त रुख अपणए. ब्याली सोमवार का दिन पुलिस कू अल्टीमेटम पुरु ह्व़े गी. पर अभी भी कई जमाती राज्य मा छिपा छिन. अब पुलिस न जमातियों ते पकड़न जनता से सहयोग मांगी च और सूचना देनौ हेल्पलाइन नम्बर जा री करी. इं कड़ी मा देहरादून पुलिस न द्वी जमातियों का खिलाफ गैर इरादतन हत्या कु मुकदमा दर्ज करी.
गदरपुर मा तीन कोरोना संदिग्ध मिन्न से हड़कंप
प्रदेश मा कोरोना पीड़ितों कि संख्या मा लगातार इजाफा होंडू च. गदरपुर का मजरा सिला गौ मा तीन कोरोना संदिग्ध मिन्न से हड़कम्प मची. लोखुं अपणु गौ ते सुरक्षित कन्नो भेरे लोखुं एंट्री पर लगे बैन. प्रदेश मा अब तक 31 लोखुं मा कोरोना की पुष्टि.
कांग्रेस न त्रिवेन्द्र सरकार पर उठे सवाल
लॉकडाउन का बीच कांग्रेस न त्रिवेन्द्र सरकार पर उठे सवाल. बोली कई इलाकों मा भी नही पोंछी राहत सामग्री.
विधानसभा अध्यक्ष न दे अपनी एक मेहने सैलरी
कोरोना महामारी का खिलाफ जंग मा हर क्वे अपनी तरपा बंटी मदद कन्नू च. इं कड़ी मा उत्तराखंड विधानसभा अध्यक्ष और ऋषिकेश बटी बीजेपी विधायक प्रेम चंद अग्रवाल न अपनी एक मेहने तनखा दान देनो एलान करी.
चिड़ियाघर मा लगिन 300 सीसीटीवी कैमरा
कोरोना खतरा का बीच राज्य सरकार न सिर्फ इंसान बल्कि वन्यजीवों पर भी ख़ास निगरानी रखडी च. ए वास्ता कुमों का 5 वन प्रभाग म सरकार का आदेश पर 300 सीसीटीवी कैमरा लगे गिन. कैमरा का मदद से अन्य जीवों का मुकाबला खासकर बाघ और तेंदुए हरकतों पर नजर रखे जाली. वन्य इलाका की सीमा भी करी गे सील.
लॉकडाउन मा खूब बिकड़ी च शराब, द्वी लोग गिरफ्तार
लॉक डाउन का बावजूद प्रदेश मा अवैध शराब कू धंधा खूब चन्नू च. इं कड़ी मा नैनीताल जिला का काठगोदाम मा पुलिस टीम न द्वी लोखुं ते 20 पेटी अवैध शराब का साथ करी गिरफ्तार.
गरीबों ते बांटी गिन 5 हजार मुख्यमंत्री आपदा रहत राशन किट
लॉक डाउन का बीच प्रदेश सरकार गरीबों ते राहत सामग्री लगातार पोंचेड़ी च. खटीमा मा प्रशासन न गरीब लोखुं ते 5 हजार मुख्यमंत्री आपदा राहत राशन बांटीं. ध्याड़ी मजदूरों ते बगेर राशन कार्ड मा भी फ्री मा राशन बांटी गिन.
