अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

तमिलनाडु का तिरुप्पूर मा बस और ट्रक का बीच टक्कर, हादसा मा 20 आदिमों की मौत, वखि 31 लोग घायल. वखि राज्य का सलेम इलाका मा ह्वे एक और हादसा मा गे छह लोंखू जान, केरल का मुख्यमंत्री पिनाराई विजयन पीड़ितो ते आपातकालीन चिकित्सा देंणो पलक्कड़ जिला कलेक्ट्रेट ते दिनी आदेश.

द्वी बसों की टक्कर मा 11 आदिम घायल

रामनगर-हल्द्वानी राष्ट्रीय राजमार्ग पर आज सुबेर द्वी बसों की अमणीं-समणीं टक्कर, हादसा मा 11 आदिम घायल. हादसा का वक्त बस मा छा कुल 40 लोग सवार. सभी घायलों ते रामनगर का संयुक्त चिकित्सालय मा करि गे भर्ती.

शादी समारोह बटिं देर रात वापस ओंण वला भाईयों की कार ट्रक मा घुसी, हादसा मा एके मौत. वखि तीन अन्य घायल, यू हादसा देर रात अल्मोड़ा का ब्राइट इन कार्नर का पास ह्वे.

निर्भया कू दोषी खुद ते बचौंणो अपनोंणा छिन अलग-अलग तरीका. अब इं गुनाहगारूंन एक और चाल चलि. सुप्रीम कोर्ट बटिं तमाम हथकंडा फेल होंणा बाद ऊंन ले चुनाव आयोगे शरण. दोषी विनय का वकीलन वेकी तरपां बटिं चुनाव आयोग मा दाखिल करि याचिका. बोली कि आचार संहिता लागू होंणा बावजूद विनये याचिका ते केजरीवाल सरकार मा मंत्री सत्येंद्र जैनन भेजी छे केंद्रीय गृह मंत्रालय मा. जबकि वू उस वक्त नि छा मंत्री. यू असंवैधानिक च.

अरुणाचल प्रदेश का स्थापना दिवस का मौका पर आज गृह मंत्री अमित शाह पौंछिन अरुणाचल प्रदेश. वखि अमित शाह की अरुणाचल प्रदेश यात्रा पर चीन न जते आपत्ति. बोली कि यू हमरी क्षेत्रीय संप्रुभता कू उलंघन. चीन की तरपां बटिं ए बयान. कि भारत कू यू कदम आपसी राजनैतिक विश्वास पर प्रहार.

तलाक से नाराज पतिन मेहला का घौर मा लगे आग

राजधानी मा एक मेहला ते तलाक लेंणों पड़ी भारी. नाराज पतिन पीड़िता का घौर मा लगे आग. मेहलान पुलिस थाना मा दर्ज करे रिपोर्ट. फिलहाल मामला मा जांच मा जुटी पटेलनगर थाना पुलिस.

यमुने सफै खुंण गंगा मा छोड़ी गे पाणि

यमुने नदी की सफाई खुंण हरिद्वार मा छोड़ी गे पाणिं. दरअसल, अमेरिकी राष्ट्रपति डोनाल्ड ट्रंप का दौरा का कारण गंगा नदी मा 17 फरवरी बटिं रोज छोड़ी जांणू च साढ़े दस हजार क्यूसेक पाणिं. ईटीवी भारत से खास बातचीत मा हरिद्वार एसडीओन बोली कि गंगा मा पाणिं छोन्न से यमुना मा नि होली पाणि कमी. साथ ही आगरा का ताजमहल का पिछने बेंहणि गंगानजर आली साफ. वखि टिहरी बांध का अधिकारियूं का मुताबिक, अभी हम ते इं बाते नि च अधिकारिक जानकारी. किलेकि यन बहुत कम होंदू कि गंगा पाणिं यमुना मा छोड़ी जांद.

सुब्रमण्यम स्वामी- 21 सदीं कू सबसे बडू पागलपन छो जीएसटी

भारतीय जनता पार्टी का वरिष्ठ नेता और राज्यसभा सांसद सुब्रमण्यम स्वामी का मोदी सरकार पर बडू हमला. एक कार्यक्रम का दौरान सुब्रमण्यम स्वामिन बोलि कि 21 सदी कू सबसे बडू पागलपन छो जीएसटी. ऊंन यू भी बोलि कि देश ते 2030 तक महाशक्ति बणनों सालाना 10 प्रतिशत का वृद्धि का साथ अग्ने बन्न बेहद जरूरी.

अगर आपते बैंक से जुडु कुछ काम च. अब आपते थोड़ा लंबा इंतजार कन्न पौंड़ सकदू. किलेकि अगला तीन दिनूं तक बंद राला सभी बैंक. किलेकि भोल महाशिवरात्री का कारण अगला द्वी दिन बंद राला बैंक. फिर परसी रविवार च. त अब आपते सोमवार तक कन्न पोड़लू इंतजार.

देहरादून रेलवे स्टेशन बटिं जनता, उपासना और उज्जैनी एक्सप्रेस पूरू मार्च का मेहना राली रद्द. अब यात्रियूं की बढ़ सकदीं मुश्किल. उत्तर रेलवे का अधिकारियूं का मुताबिक, क्वेडू का कारण ले गे यू फैसला.

स्विजरलैंड का एक जोड़ न भारतीय रीति रिवाज से राजा दक्षे नगरी कनखल मा ले सात फेरा. ऊंका साथ ऊंको पूरू परिवार भी हरिद्वार पौंछि छो. ऊंका साथ सात समंदर पार बटिं अयां विदेशी मेहमानोन ऊंते आशीर्वाद दे और ऊंकी उज्जवल भविष्ये कामना भी करि.

धनौल्टी का थौलधार ब्लॉक मा सरोट गौं का रेंण वला अर्जुन सिंह राणे मुहिम ते गौं वलू कू मिली साथ. अर्जुन न अपणी नौनी शादी का दिन कॉकटेल पार्टी का जगह भजन संध्या कू करि आयोजन. नौनी शादी मा शराब कू करि बहिष्कार. अर्जुन सिंह का मुताबिक, गौं का अन्य लोग भी ऊंका साथ छिन. अर्जुन न बोली कि आजकल लोग कॉकटेल पार्टी मा करदा छिन बिजां खर्च. जू हमरी संस्कृति का खिलाफ च.