अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

सुप्रीम कोर्टन मंगलवार का दिन भगोड़ा शराब कारोबारी विजय माल्या की याचिका टाली. अब होली का बाद होली सुप्रीम कोर्ट मा सुनवै. दरअसल, विजय माल्यान भारत मा अपणि संपत्ती जब्त का खिलाफ डाली छे याचिका. आपते मालूम होलू कि लगभग छह महीना पेहली अपणुं और अपणां रिश्तेदारूं का संपत्ति जब्त पर रोक लगोंणो विजय माल्यन खटखटे छो सुप्रीम कोर्ट कू दरवाजा. इंसा पेहली बाम्बे हाई कोर्टनन खारिज करि छे माल्ये याचिका.

दिल्ली की साकेत कोर्टन देशद्रोह का मामला मा गिरफ्तार शरजील इमाम ते जामिया हिंसा का एक और मामला मा दे छे एक दिने पुलिस हिरासत. आज शरजिल ते दिल्ली का साकेत कोर्ट मा पेश करि गे और चार्जशीट भी ह्वे दाखिल. जैका कोर्ट कू आदेश पर शरजिल ते भेजी गे 14 दिने न्यायिक हिरासत मा.

चुनावी रणनीतिकार प्रशांत किशोरन बते बिहार का मुख्यमंत्री नीतीश कुमार से अपणां मतभेदूं की असल वजह. बोली कि गांधी और गोडसे का तरह ही हमरी विचारधारा भी अलग. पीकेन बोली कि जन गांधी और गोडसे नि रह सकदा साथ, वनि हम भी नि रह सकदन एकसाथ

बीता दिन गंगोत्री हाईवे पर नालूपानी का समीप कार हादसा मा मन्न वलूं संख्या पौंछी सात. ब्यालि पांच लोखूं की मौका पर ह्वे छे मौत और एक बच्चिन अस्पताल मा इलाज का दौरान तोड़ी छे दम. बते जांणू च रेस्क्यू टीम ते एक और बच्चा की मिली लाश.

पुलवामा अटैक का बदला का दौरान शहीद ह्वे देहरादून निवासी मेजर विभूति ढौंडियाले पेहली पुण्यतिथि. आज ही का दिन मेजर विभूति ढौंडियाल ह्वे छा शहीद. ईं मौका पर उत्तराखंड समेत पूरू देशन ऊंते नम आंखों से करि याद. ऊंकी पत्नि नितिका अपणां पति का देश प्रेम से प्रभावित होकर जल्द सेना मा होंण वलि छिन भर्ती.

नैनीताल हाईकोर्ट का आदेश न मन्न केंद्रीय संयुक्त सचिव सड़क परिवहन ते पड़ी भारी. हाई कोर्ट का मुख्य न्यायधीशे खंडपीठन केंद्रीय संयुक्त सचिव सड़क एवं परिवहन का खिलाफ जारी करि बेलेवल वारंट. साथ ही नैनीताल एसएसपी ते 24 फरवरी का दिन सुबेर साढ़े दस बजे तक कोर्ट मा ऊंते पेश कन्नो दे आदेश. बते जांणू च कि नैनीताल हाईकोर्टन उत्तराखंड मा रोडवेज कर्मचारियों ते लंबा समय से वेतन और अन्य भत्ता न देंण मामला मा केंद्रीय संयुक्त सचिव सड़क एवं परिवहन ते आज हाई कोर्ट मा पेश होंणो दे छो आदेश. पर वू नि ह्वयां कोर्टम पेश.

गंगा संरक्षण खुंण 65 दिनूं बटिं हरिद्वार का मातृसदन मा अनशन पर बैंठी साध्वी पद्मावति ते तबीयत खराब होंण पर दिल्ली एम्स मा करि गे भर्ती. बते जांणू च कि ऊंते हरिद्वार बटिं करीब 60 किलोमीटर तक ग्रीन कॉरिडोर बणेंके 28 मिनट मा पौंछ्याई दिल्ली एम्स.

कुमौं का सबसे बड़ी हल्द्वानी नगर निगम एक बार फिर हाउस टैक्स खुंण ए सुर्खियूं मा. कांग्रेसन एक तरफ मेयर पर चुनावी वादा का बावजूद जनता का धोखा कन्नों लगे आरोप, वखि मेयरन अपणा बचाव मा दिखां. दरअसल, नगर निकाय चुनाव का दौरान बीजेपिन हल्द्वानी नगर निगम का 34 गौं वलूं ते अगला 10 साल तक हाउस टैक्स से राहत देंणे करि छे घोषणा. पर अब नगर निगम ऊं गौं वलूं पर एक बार फिर हाउस टैक्स लगोंणो करणूं च तैयारी.

एक दिवसीय कार्यक्रम मा छात्रूं ले स्पेसे जानकारी

राजकीय महाविद्यालय डाकपत्थर मा एप्लीकेशन ऑफ सेटेलाइट रिमोट सेंसिंग फॉर नेचुरल रिसोर्स मैनेजमेंट विषय पर एक दिनी कार्यशाला कू आयोजन. छात्रूंन विशेषज्ञों और वैज्ञानिकूं से ले कई जानकारी. इं मौका पर स्थानीय विधायक मुन्ना सिंह चौहान छा मुख्य अतिथि.

स्वच्छ भारत अभियान का तहत अल्मोड़ा मा भारत सरकार और उत्तराखंड शहरी विकास विभाग का ओर से तीन दिवसीय कार्यशाला कू ह्वे आयोजन. कार्यशाला मा कुमौं मंडल का सभी नगर निकायूं का महापौर, अध्यक्ष और अधिकारी-कर्मचारी छां मौजूद. सब्यूं ते स्वच्छता और कूड़ो बेहतर प्रबंधन का सिखें गयां गुर.