एससी एसटी संशोधन कानून पर केंद्र ते सुप्रीम राहत
एससी एसटी संशोधन कानून ते सुप्रीम कोर्टन दे मंजूरी, केंद्र सरकार ते दे राहत, अब बिना जांच के ही ह्वे सकदी सीधा गिरफ्तारी, वखि एसटी एससी की वैधता ते चुनौती देंण वलि सभी अर्जियां खारिज.
सीएए का खिलाफ संसद मा मार्च
सीएए, एनआरसी और एनपीआर का खिलाफ फिर दिखी जन आक्रोश, दिल्ली का मंडी हाउस बटिं संसद तक लोखूं निकाली मार्च, सुरक्षा का मद्देनजर बड़ी संख्या मा मौजूद रयां पुलिस कर्मी.
शाहीन बाग पर सुप्रीम कोर्ट सख्त
दिल्ली का शाहीन बाग मा चन्न वलू विरोध प्रदर्शन पर आज सुप्रीम कोर्ट मा ह्वे सुनवै, कोर्टन बोली- प्रदर्शन कन्नो सड़क ते नि कर सकदा जाम, अनंतकाल तक ते नि कर सकदा प्रदर्शन, अब 17 फरवरी मा होली अगली सुनवै.
घौर मा बम धमाका, पांच आदिम घायल
बिहारे राजधानी पटना मा आज एक घौर मा बम धमाका से मचि हड़कंप, गांधी मैदान थाना क्षेत्र का सालिमपुर अहरा का गली नंबर एक मा ह्वे इ धमाका मा पांच आदिम घायल, यन जानकारी मिली च कि यख द्वी से तीन धमाका ह्वयां.
ई बार इंग्लैंड मा होलू भारत-ब्रिटिश आर्मी कू संयुक्त युद्धाभ्यास
भारत और ब्रिटिश आर्मी की सेनाओं का बीच इसी माह इंग्लैंड मा होलू अजेय वॉरियर-2020 कू आयोजन, भारत का ओर से सेना की 14 डोगरा बटालियन युद्धाभ्यास मा लेली हिस्सा.
त्रिवेंद्र सरकार का तीन साल, विपक्षे तैयारी शुरू
प्रदेश की त्रिवेंद्र सरकार का तीन साल पूरू होंण पर सरकार ते घेरने तैयारी मा कांग्रेस, नेता प्रतिपक्ष इंदिरा हृददेश कू बयान- लालटेने रोशनी मा नि दिंखणूं च त्रिवेंद्र सरकार का विकास कार्य.
सड़क हादसा मा छात्रे मौत
दिनेशपुर सड़क हादसा मा बीसीए का छात्रक मौत, घौरवलूं मा मचि कोहराम, पुलिसे जांच शुरू.
ट्रक हादसा मा चालके मौत
टिहरी मा एनएच 94 राजमार्ग पर ट्रक पलटी, ब्रेक फेल होंण से ह्वे हादसा, ट्रक चालके मौत.
एक ही रात मा तीन मंदिरों समेत एक घौर मा चोरी
चमोली मा अज्ञात चोरों कू आतंक, तीन मंदिरों समेत एक घौर मा पांच लाख से अधिके चोरी से मचि हड़कंप, पुलिसे जांच शुरू.
घौरवलूं की डांट से नाराज छात्रन खाई जहर
टिहरी मा घौरवलू की डांट से नाराज एक नौनन खाई जहर, जिला अस्पताल बौराड़ी मा भर्ती.
अब बिना अनुमति रेलवे स्टेशन मा नि घुस सकला टैक्सी और ऑटो
देहरादून रेलवे स्टेशन मा अब बिना अनुमति नि घुस सकला टैक्सी और ऑटो, जीआरपी और आरपीएफन ले फैसला.
दून अस्पताल मा पार्किंगे समस्या शुरू
दून अस्पताल मा बिल्डिंग मा जल्दबाजी मा त खोल दि गे मेडिसिन और सर्जरी ओपीडी, पर अब यख पार्किंगे समस्या ह्वे शुरू. परेशान ह्वयां तीमारदार.
एनएसयूआई कार्यकर्तों की बेरोजगार रजिस्टर बणोंणे मांग
बगेश्वर मा भी एनएसयूआई कार्यकर्तोंन शुरू करि प्रदेश का बेरोजगारी रजिस्टर बणोंणे मांग, अन्य युवों से भी करि अभियान से जुड़ने अपील.
चकराता मा भाजपा प्रदेश अध्यक्ष कू स्वागत
चकराता पौंछिन भाजपा का नया प्रदेश अध्यक्ष बंशीधर भगत, पार्टी कार्यकर्तोंन करि जोरदार स्वागत.
20 फरवरी तक कार्निवाले धूम
उधम सिंह नगर मा कार्निवाले धूम, 8 बटिं 20 फरवरी तक चललू आयोजन, ब्यालि कार्निवाल का दूसरा दिन कुमाऊंनी कलाकारोंन दे प्रस्तुति.
पलायन गीत कू विमोचन
उतराखण्ड मा पलायन कू दर्द बयां कन्न वाला गीत कू ह्वे विमोचन, कीर्तिनगर ब्लॉक का रोंण वला प्रवीन पिज्वालन अपणुं संगीत गोरुन उजाड़ खेती कू करि विमोचन.
टिहरी महोत्सव कू समापन
तीन दिनों तक चलि टिहरी महोत्सव कू ह्वे समापन, महोत्सव मा लोखूंन पहाड़ी संस्कृति और टिहरी की यादों ते करि ताजा.
यूपी का दिव्यांग क्रिकेटरोंन उत्तराखंड ते दे मात
उत्तराखंड व्हील चेयर क्रिकेट एसोसिएशन का तरपा बटिं यूपी और उत्तराखंड का दिव्यांग क्रिकेटरूं का बीच ह्वे क्रिकेट प्रतियोगिता, द्वी बार ह्वे मैच मा यूपी टीमन मारी बाजी, आयोजकोन विजेता टीम ते करि सम्मानित.
