आज थम गे चुनाव प्रचार
दिल्ली मा आज शाम 6 बजे थम गे चुनावी प्रचार, सभी पार्टियूं दिखे दम, गृह मंत्री अमित शाह और साइना नेहवालन करि रोड शो. बीजेपी का पक्ष मा मांगी वोट.
संसद मा पीएम मोदी- हम नि करदा हिंदू-मुस्लिम
लोकसभा सत्र का दौरान प्रधानमंत्री नरेंद्र मोदी कू संबोधन, विपक्षी पार्टियूं पर बोली हमला- हम नि करदा हिंदू-मुस्लिम, हमरी नजर मा सभी लोग हिंदुस्तानी.
राहुल गांधी कू आरोप, रोजगार और अर्थव्यवस्था पर नि च सरकार कू ध्यान
कांग्रेस का पूर्व अध्यक्ष राहुल गांधिन प्रधानमंत्री नरेंद्र मोदी पर साधी निशाना, बोली- पीएम मोदी ते संसद मा रोजगार, अर्थवस्यवस्था पर कन्न चेंणी छे बात, पर इ सरकार कू काम ही असल मुद्दों बटि लोखूं ते भटकौंण च.
निर्भया केस मा दोषियूं ते सात दिन मा सभी विकल्प इस्तेमाल कन्नो आदेश
निर्भया केस मा दोषी अक्षये याचिका ते राष्ट्रपतिन करि खारिज, दिल्ली हाई कोर्टन सभी दोषियूं ते सात दिन का भीतर सभी विकल्प इस्तेमाल कन्नो आदेश.
श्रीराम जन्मभूमि ट्रस्ट कू गठन, विपक्षन जते आपत्ति
श्रीराम जन्मभूमि तीर्थ ट्रस्ट कू गठन, ट्रस्ट गठन की टाइमिल पर विपक्षी पार्टियूं उठे सवाल, चुनाव आयोगन येमा आचार संहिता का उल्लंघन मनण से करि इंकार.
येदियुरप्पा कैबिनेट कू विस्तार
कर्नाटक सरकार मा आज ह्वे मंत्रीमंडल विस्तार, येदियुरप्पा कैबिनेट मा शामिल ह्वयां 10 नया चेहरा.
जल्द मौद्रिक नीति घोषित कल्ली आरबीआई
फरवरी और मार्च मेहनो ते मौद्रिक नीति की घोषणा कल्ली आरबीआई, अर्थशास्त्रियूं मा बढी उत्सुकता.
रेपो रेट मा नि ह्वे बदलाव
आरबीआईन रेपो रेट की दरों मा नि करि बदलाव, बजट का बाद पेहली मोद्रिक नीति समीक्षा बैठक मा बिना बदलाव करि 5.15 प्रतिशत रखी गे रेपो रेट दर.
दरी फैक्ट्री मा सात आदिमों की मौत
उत्तरप्रदेश का समस्तीपुर मा दरी फैक्ट्री मा गैस रिसाव, सात लोखूं की मौका पर मौत, मन्न वलों मा एक परिवार भी शामिल.
सुरक्षाबलों पर ग्रेनेड से हमला
जम्मू कश्मीर का लाल बाजार मा सुरक्षाबलों पर ग्रेनेड से हमला, एसएसबी कू एक जवान घायल.
देवस्थानम् बोर्ड कू गठन जल्द
चारधाम देवस्थान बोर्ड कू जल्द होलू गठन, उत्तराखंड शासनन मुख्यमंत्री त्रिवेंद्र सिंह रावत ते भेजी प्रस्ताव.
होमस्टे नियमावली में ह्वे बडू संशोधन
उत्तराखंड पर्यटन विकास परिषदन होमस्टे नियमावली मा करि बडू संशोधन, बिना पंजीकरण का चन्ना होमस्टे संचालकूं पर 10 हज़ारे जुर्माने कू करि गे प्रावधान.
सीएए का विरोध मा मुस्लिम महिला
सीएए और एनआरसी का विरोध मा सड़क पर उतरिन मुस्लिम महिला, बड़ी संख्या मा दरगाह शाह विलायत तिराहे पौंछिन, बच्चों का साथ देयी धरना.
बच्ची और पत्नी का बाद खुद ते भी मारी गोली
एक सुनारन अपणी तीन मेहने बच्ची और पत्नी ते गोली मारकर करि हत्या, वैका बाद खुद ते भी मारी गोली, तीन लोखूं की मौत से पुलिस विभाग मा मचि हड़कंप, बते जांणू च कि कर्ज लेंणा बाद से डिप्रेशन मा छौ सुनार.
जहरीला फल खांण से पांच बच्चों की तबीयत बिगड़ी
डोईवाला मा जहरीला फल खांण से बिगड़ी पांच बच्चों की तबीयत, सामुदायिक स्वास्थ्य केंद्र बटि करि गे हायर सेंटर रेफर.
अमणिं-समणिं अयां बीजेपी विधायक और मंत्री
गुरुकुल महाविद्यालय का बाहर अनशन पर बैठ्यां हरिद्वार ग्रामीण बटिं बीजेपी विधायक स्वामी यतिस्वरानंद, शहरी विकास मंत्री मदन कौशिक पर महाविद्यालये जमीन कब्जा कन्नो लगे आरोप.
सैनिके मौत से गुस्सा मा कांग्रेसी कार्यकर्ता, फूंकी रक्षा मंत्री कू पुतला
सैनिक रमेश बहुगुणा की सियाचीन मा ठंड का कारण मौत से प्रदेशभर मा गुस्सा, आज हल्द्वानी मा गुस्सायां कांग्रेसी कार्यकर्तोंन फूंकी केंद्र सरकार और रक्षा मंत्री राजनाथ सिंह कू पुतला.
पेंशन खुंण दफ्तरा चक्कर लगौंणो मजबूर बुजुर्ग महिला
कालसी मा पेंशन तो दर-दर भटकण कू मजबूर 73 साले बुजुर्ग महिला, बीता चार सालों बटिं नि मिली वृद्धावस्था पेंशन.
गौं वलू ते पांच करोड़े सड़क कू तोहफा
अल्मोड़ा जिला का दौलाघट मा राज्यमंत्री रेखा आर्यन द्वी सड़कूं निर्माण ते दे हरी झंडी, 5.62 करोड़ रुपया की लागत से होली तैयार.
दावानल खुंण सुरक्षा गोष्ठी कू आयोजन
दावानल रोकणूं ते धनोल्टी मा सुरक्षा गोष्ठी कू आयोजन, वन पंचायतों ते दे गे ऊंका अधिकारे जानकारी.
भूमाफियाओंन किसानों की उड़े नींद
कुटदर मा भूमाफिया कू आतंक, किसानों की उड़े नींद, जमीन पर अवैध कब्जा खुंण परेशान ह्वयां किसान, स्थानीय प्रशासन से करि मामला मा हस्तक्षेप कन्ने मांग.
कुमौं विवि का कार्यवाहक कुलपति की नियुक्ति पर उठे सवाल
कांग्रेसी नेता और पूर्व शिक्षा मंत्री मंत्री प्रसाद नैथानिन कुमौं विश्वविद्यालय मा कार्यवाहक कुलपति पर उठे सवाल, सरकार से करि जल्द स्थायी कुलपति की नियुक्ति कन्ने मांग.
गौं वलूं खुद ही खोली मार्ग
टिहरी जिला का सीमांत गौं गंगी मा भारी बर्फबारी का बाद सड़क मार्ग ह्वयां बंद, जैका बाद गौं वलूं खुद ही साफ करि सड़क, खोली मोटरमार्ग.
लीसा कर्मचारियूं की हड़ताल जारी
भुगतान न होंण से नाराज लीसा कर्मचारियूं और ठेकेदारों कू आंदोलन जारी, अब उत्तराखंड क्रांति दलन भी दे अपणुं समर्थन.
एक दिवसीय कार्यशाला कू आयोजन
जिला सभागार मा एक दिवसीय कार्यशाला कू आयोजन, डीएम मंगेश घिल्डियालन पंचायत प्रतिनिधियू ते दे जरूरी दिशा- निर्देश.
रामनगर का सोमांशन जीती इंडियाज टैलेंट शो
रामनगर का सोमांश डंगवालन जीती टीवी रियलिटी शो इंडियाज टैलेंट, शो का फाइनल मा पेहलू स्थान करि हासिल, प्रदेश कू बढ़े मान.
