राखी की वीरता थै मिलि सम्मान
राष्ट्रपति भवन मा आयोजित राष्ट्रीय बाल पुरस्कार समारोह मा 22 होनहारों थै महामहिम रामनाथ कोविंदन करि सम्मानित, गुलदार का हमला मा अपण भुला की जान बचाण वलि पौड़ी की राखी थै मिली वीरता पुरस्कार.
पूर्व मुख्यमंत्रियों थै मिललि सुविधा
उत्तराखंडक पूर्व मुख्यमंत्रियों थै लेकि राज्य सरकार द्वारा लया विधेयक पर विधानसभाम लगी अंतिम मुहर, राज्यपालन भी दे विधेयक थै मंजूरी, अब मार्च 2019 बटि पूर्व मुख्यमंत्रियों थै मिललु सुविधाओं कू लाभ.
पूर्व मुख्यमंत्रियों का आवास भत्ता मामला मा सख्त HC
उत्तराखंडक पूर्व मुख्यमंत्रियों कू सरकारी आवासक किराया समेत अन्य भत्तों कू बिल जमा कन मामला मा नैनीताल हाई कोर्ट सख्त, राज्य सरकार थै नोटिस जारी कर जवाब पेश कना कू दे आदेश, भगत दा थै महाराष्ट्रक राज्यपाल हुणा का नाता हाईकोर्ट नि जारी करि नोटिस.
जनप्रतिनिधियों की संपत्ति की ह्वेलि जांच
पूर्व पंचायत प्रतिनिधियों और जनप्रतिनिधियों की संपत्ति की ह्वेलि जांच, पीएमओ का आदेश पर मुख्य सचिव उत्पल कुमारन सचिव पंचायती राज थै जारी करिन निर्देश, सामाजिक कार्यकर्तान पीएमओ थै ये विशै मा लेखि छया पत्र.
शहिदक पितान बोलीं- नौनक शहादत पर गर्व च
दक्षिणी कश्मीर का पुलवामा जिला क अवंतीपोरा मा आतंकियों से लोहा लिंददा राहुल रैसवाल ह्वेगे छया शहीद, राहुलक शहादत पर बोलीं पिताजी- अपण नौना की शहादत पर गर्व च.
कूड़ा लावा फ्रीम खाणु खावा
स्वच्छता सर्वेक्षण रैंकिंग मा अच्छा अंक लाणकु नगर निगम काशीपुरन कसी कमर, लुखु थै जागरूक कना का वास्ता करि अनूठी पहल, तीन किलो कूड़ा लावा और फ्रीम खाणु खावा.
पुलिस हिरासत बटि आरोपी फरार
पोक्सो एक्ट मा आरोपी अंकित ब्रह्मानंद पुलिस अभिरक्षा से ह्वे फरार, आरोपी थै देहरादून कोर्ट मा पेशी खुण लाणि छ्या मुंबई पुलिस, हरकी पैड़ी स्थित लॉज बटि पुलिस थे चकमा देकि ह्वे फरार.
दिनदहाड़े मां और बेटा की काटी गर्दन
काशीपरक सैनिक कॉलोनी मा दिनदहाड़े एक घार मा अज्ञात बदमाशोंन बुजुर्ग मां बेटा की गर्दनम धारदार हथियार से वार करि लहूलुहान, द्वियु थै गंभीर हालतम अस्पताल मा करै ग्या भर्ती, मामला कि जांचम जुटी पुलिस.
ईटीवी भारतक खबर कू असर
लक्सर मा ईटीवी भारत कि खबर कू ह्वे बड़ू असर, रेलवे फुटओवर ब्रिज मा जलभराव की खबर थै प्रमुखता से करि छ्या प्रकाशित, खबर दिखणा बाद हरकत मा ऐ विभाग, शुरू किये ग्या मरम्मत कू कार्य.
धर्मनगरी मा चनि च 'हसीन दिलरुबा' फिल्मा की शूटिंग
धर्मनगरी मा इनदिनों हसीन दिलरुबा मूविक चनि च शूटिंग, फिल्म मा अभिनेता विक्रांत मेस्सी और अभिनेत्री तापसी पन्नू निभाणा छिन मुख्य किरदार, करीब ढाई मैना तक चललि हरिद्वार मा फिल्मा की शूटिंग.
