भारतीय सेना कु 72वुं स्थापना दिवस
भारतीय थल सेनान धूमधाम से मनै 72वुं स्थापना दिवस, सेना प्रमुख जनरल मनोज मुकुंद नरवणेन ट्वीट करि दिनी इंडियन आर्मी का सभी सैनिकों थै बधै.
मुंबई मा उत्तराखंड भवन कु उद्घाटन
महाराष्ट्र क राज्यपाल और सीएम त्रिवेंद्र न मायानगरी मा करि उत्तराखंड भवन कु उद्धाटन, 39 करोड़ 73 लाख रुपया लागत से बणिक तैयार ह्वे भवन.
राज्यपाल और मुख्यमंत्रिन दिनि मकरैंणी की बधै
उत्तराखंड मा भी दिखै मकरैंणी की धूम , राज्यपाल बेबी रानी मौर्य और सीएम त्रिवेंद्र सिंह दिनि प्रदेश वासियों थै मकर संक्रांति की शुभकामनाएं.
हरकी पैड़ी मा उमड़ी श्रद्धालुओं की भीड़
मकर संक्रांति पर हरकी पैड़ी समेत गंगाघाटों पर श्रद्धालुओं न लगै आस्था की डुबकी, ठंड का बावजूद स्नान कन वाला श्रद्धालुओं मा दिखै उत्साह, देव डोलियों थै भि करै ग्या स्नान.
मंडी समितियुं का अध्यक्ष उपाध्यक्षों की लिस्ट जारि
उत्तराखंड शासनन जारी करि प्रदेश कृषि उत्पादन मंडी समिति का अध्यक्ष और उपाध्यक्षों की लिस्ट, पूर्व प्रधान राजेश शर्मा थै बणै ग्या देहरादून मंडी समिति कु अध्यक्ष.
एम्स मा स्थापित होलु लिंपोडिया सेंटर ऑफ एक्सीलेंस
एम्स ऋषिकेश मा होलु लिंपोडिया यानी हाथी पांव की बिमरी कु इलाज, कैलिफोर्निया का सहयोग से एम्स मा स्थापित किये जालु लिंपोडिया सेंटर ऑफ एक्सीलेंस.
महिला कु अज्ञात शव मिन से मची हड़कंप
सिडकुल थाना क्षेत्र मा अज्ञात महिला कु शव मिन से मची हड़कंप, शव की शिनाख्त मा जुटी पुलिस.
बर्फबारी का बाद अंधेरा मा डुबिन कई गांव
उत्तरकाशी की अस्सी गंगा घाटी मा बर्फबारी से जनजीवन अस्त-व्यस्त, कई गौ मा नौ दिन बटि विद्युत आपूर्ति बाधित, अंधेरा मा रैणा कु मजबूर ग्रामीण.
अजय भट्टन गीत गैकि करि लौखु कू मनोरंजन
उत्तरायणी मेला मा दिखै सांसद अजय भट्ट कु नै रंग, पहाड़ी गीत गैकि लौखु कू करि मनोरंजन, बीता दिन हल्द्वानी मेला मा हरीश रावतन भी महिलाओं दगणि करि छ्या डांस.
विधिविधान से खोले गिन आदि बदरी का कपाट
मकर संक्रांति का मौका पर पूरा विधि विधान से ब्रह्ममूहर्तम खोले गिन आदिबदरी का कपाट, अब 11 महीनों तक श्रद्धालु कैर सकदिन भगवान आदि बदरी का दर्शन.
