प्लोर टेस्टम पास ह्वे गिन उद्धव ठाकरे
महाराष्ट्र विधानसभा मा मुख्यमंत्री उद्धव ठाकरे न पास करि फ्लोर टेस्ट, वखि बीजेपी विधायकों न अपण नेता देवेंद्र फड़नवीस दगणि सदन से करि वॉक आउट.
गैंगरेप और हत्या मामला थै लेकि जनता मा आक्रोश
हैदराबादम महिला डॉक्टर दगणि गैंगरेप और हत्या मामला मा जनता मा आक्रोश, पुलिस स्टेशनक भैर लौखुन करि विरोध प्रदर्शन, वखि राष्ट्रीय महिला आयोगक टीम पहुंची पीड़िता का घौर.
झारखंड मा पेलि चरणक मतदान संपन्न
झारखंड मा पहला चरणक मतदान प्रक्रिया शांतिपूर्ण ढंग से संपन्न, 62.87 फीसदी रै मतदान प्रतिशत, गुमला मा नक्सली हमला छोड़ी नि हुई कुई बड़ी घटना.
उपराष्ट्रपति पहुंचिन उत्तराखंड
उत्तराखंड दौरा पर छिन उपराष्ट्रपति वैंकेया नायडू, रुड़की पहुंची दै शहीद राजा विजय सिंह थै श्रद्धांजलि, वैका बाद देहरादून स्थित पेट्रोलियम यूनिवर्सिटी का दीक्षांत समारोह मा करि शिरकत.
एनएसए डोभाल कु श्रीनगर दौरा
उत्तराखंड का दिवसीय दौरा पर श्रीनगर पहुंचिन एनएसए अजीत डोभाल, भौल अजीत डोभाल एक कार्यक्रम मा करला शिरकत
राज्यपाल कोश्यारी की दीदी कु निधन
महाराष्ट्रक राज्यपाल भगत सिंह कोश्यारी की बड़ी दीदी पार्वती देवी कु निधन, धारचूला का काली गंगा घाट मा किये ग्या अंतिम संस्कार.
भ्यालम गिरी गाड़ी, डरेबर की मौत
पौड़ी-देवप्रयाग मोटरमार्ग पर सबदरखाल समड़ि अनियंत्रित ह्वेकि भ्यालम गिरी गाड़ी, डरेबरक मौका फर दर्दनाक मौत, घायल थै जिला अस्पताल मा करै ग्या भर्ती
कुमौ का निकायों मा पीएफ घोटाला
कुमौकि 18 नगरपालिका और तीन नगर निगमम बड़ू घोटाला ऐ समड़ि, निकायों का हजारों कर्मचारियों कु पीएफ हथियाणु कु आरोप, ईपीएफओ ना जारि करि कारण बताओ नोटिस
माउंटेन डे का पोस्टरम दिखेली देवभूमि की झलक
नैनाताल का युवा फोटोग्राफर अमित शाह की खींची फोटो कि संयुक्त राष्ट्रन करि सराहना, अंतरराष्ट्रीय माउंटेन दिवसक पोस्टर मा दिखेली तस्वीर, 11 दिसंबरा दिन जारी किये जालु पोस्टर
नौनी भी ले सकली सैनिक स्कूल मा दाखिला
अब सैनिक स्कूलम नौनी भी ले सकली दाखिला, अल्मोड़ा की रैण वलि छात्रान पत्र लिखकर कैरि छाई रक्षा मंत्रालय से मांग.
