नई दिल्ली
देश मनौणु च 70वां संविधान दिवस
देशभर मा धूमधाम से मनये जाणु च संविधान दिवस, संसद का सेंट्रल हॉल में पीएम मोदीन सासंदों दगणि संविधान मा वर्णित अधिकारों और कर्तव्यों कारि जिक्र, बोली- 70 साल पेलि हमन अपण महान संविधान केछा अंगीकृत.
मुंबई
महाराष्ट्र मा सियासी भूचाल
महाराष्ट्रम सियासी संकट बरकरार, उपमुख्यमंत्री अजीत पंवारक इस्तीफा का बाद, मुख्यमंत्री देवेंद्र फडणवीसन भी दै इस्तीफा, बोली- हम विपक्ष मा बैठणा कु तैयार, नै सरकार थै बधै.
नई दिल्ली
अयोध्या मामला मा अब सुन्नी वक्फ बोर्ड नि करलु अपील
अयोध्या भूमि विवाद पर सुप्रीम कोर्टक फैसलाम अब सुन्नी वक्फ बोर्ड नि करलु कुई अपील, पेलि 6 से 7 सदस्यों ना फैसला का खिलाफ पुनर्विचार याचिका दायर कना कि कैछा बात, जैकु 100 से अधिक मुस्लिम हस्तियोंन कारि छा विरोध.
हरिद्वार
मुस्लिम शिक्षकन पेश की मिसाल
हरिद्वारम स्थित एक मदरसाम मुस्लिम शिक्षकन पेश कारि मिसाल, कई सालों से छात्रों से पढ़ाणा छिन संस्कृत, राज्य मा संस्कृत भाषा थैच द्वितीय भाषा कु दर्जा प्राप्त.
देहरादून
15 दिन बाद हवाई सेवा शुरू
आज से देहरादून-पिथौरागढ़ और हिंडन एयरपोर्ट का बीच हवाई सेवा शुरू, मेंटिनेंस का कारण 15 दिनों से हवाई सेवा छै ठप, सेवा शुरु हुणा बाद यात्रियों थै मिली राहत.
रामनगर
कॉर्बेट मा मिलि बाघ कु शव
कॉर्बेट टाइगर रिजर्वक बिजरानी रेंज मा गश्त का दौरान कर्मचारियों थै मिली बाघ कु शव, वनाधिकारियों कु दावा- आपसी संघर्ष मा हुवे बाघ की मौत.
किच्छा
सड़क दुर्घटनम द्वि की मौत
किच्छा कोतवाली क्षेत्रमा ब्याल देररात सड़क हादम द्वी लोगु कि मौत, जबकि एक व्यक्ति गंभीर रूप से घायल च, घायल थै प्राथमिक उपचारका बाद हायर सेंटर रेफर करै ग्या, पुलिस मामला की जांच मा जुटी.
कोटद्वार
कालागढ़-कोटद्वार का बीच बस सेवा शुरू
कालागढ़ और कोटद्वार का बीच भौल बटि जीएमओयू शुरू करलु बस सेवा, सुबेर आठ बजि कालागढ़ बटि कोटद्वारा खुण बस होली रवाना.
देहरादून
देवभूमि मा मौसमन बदलि करवट
उत्तराखंड मा एक बार मौसमन बदलि करवट, उच्च हिमालयी क्षेत्रों मा बर्फबारी का बाद निचला इलाकों मा बढ़ि ठंडक, मौसम विभागन अगला 48 घण्टों मा जतै बारिशक संभावना.
रुद्रपुर
पूर्व क्रिकेटर कपिल देव पहुंचिन रुद्रपुर
भारत थै पेलि विश्वकप दिलाण वला कपिलदेव आज एक निजी स्पोर्ट्स स्टेडियम कु उद्घाटन कार्यक्रम मा रुद्रपुर पहुंचिन, जख ऊन कपिल देवे पवेलियन भवन कु शुभारंभ और स्कूली बच्चों दगणि मुलाकात करि
