1. IAS भास्कर खुल्बे थै ओएसडी किये ग्या नियुक्त: पीएम मोदी का सलाहकार आईएएस भास्कर खुल्बे थै उत्तराखंड सरकार कू विशेष कार्याधिकारी किये ग्या नियुक्त, केदारनाथ और बदरीनाथ धाम का पुनर्निर्माण कार्यों की करला निगरानी, केंद्र और राज्य सरकार का समन्वयक का रूप मा भास्कर खुल्बे करला काम, उत्तराखंड मा चनि परियोजनाओं थै मिलिलि गति.
2. अग्निपथ योजना का विरोध मा पदयात्रा: अग्निपथ योजना का विरोध मा पूर्व मुख्यमंत्री हरीश रावत ना देहरादून चीड़बाग स्थित सैन्य धाम बटि पदयात्रा कू करि आगाज, हरदा की अगुवै मा वरिष्ठ नागरिकों ना सैन्य धाम पौंचिकी शहीदों थै अर्पित करि श्रद्धांजलि, जैका बाद प्रदर्शनकारियों ना अग्नि योजना का विरोध मा जिला प्रशासन का माध्यम से राज्यपाल थै सौंपी ज्ञापन.
3. उत्तराखंड मा मॉनसून की दस्तक: उत्तराखंड मा मॉनसून ना द्याई दस्तक, बीता 24 घंटा मा कुमौ का पिथौरागढ़, बागेश्वर और उधम सिंह नगर जिलों मा भारी बारिश, बागेश्वर मा दिखी बरखा कू कहर, कपकोट मा एएनएम सेंटर ह्वाई जमीदोंज, जिला की 25 सड़कों मा आवाजाही बाधित, नुकसान का आकलन मा जुटी प्रशासन.
4. सीएम धामी ना ल्याई आपदा प्रबंधन की बैठक: मुख्यमंत्री पुष्कर सिंह धामी ना मॉनसून का मद्देनजर सचिवालय मा आपदा प्रबंधन की करि समीक्षा बैठक, ये दौरान मुख्यमंत्री पुष्कर सिंह धामी ना अधिकारियों थै देनि निर्देश, आपदा की स्थिति मा राहत और बचाव कार्य मा नि हुण चैंदि देर, मॉनसून का अगला तीन महीना काफी महत्वपूर्ण, सबि कर्मचारियों की छुट्टी कैंसिल.
5. एई और जेई से रिकवरी कू आदेश: उत्तराखंड लघु सिंचाई विभाग मा जनहित मा प्रयोग हुण वलि धनराशि कू ह्वाई दुरूपयोग, हल्द्वानी मा स्वीकृत स्थान से पांच सौ मीटर दूर करि योजना कू निर्माण, जांच मा एई और जेई की लापरवाही ऐ समणि, शासन ना ये मामला मा लापरवाही बरतण वला एई और जेई से आठ लाख रुपया की रिवकरी का देनि आदेश.
6. उपचुनौ मा निर्दलीय प्रत्याशी चंदोला की जीत: लालकुआं विधानसभा क्षेत्र की जग्गीबंगर जिला पंचायत उपचुनौ मा निर्दलीय प्रत्याशी कमलेश चंदोला ना हासिल करि जीत, लालकुआं विधायक मोहन सिंह बिष्ट का भाई इंदर सिंह बिष्ट थै 1400 से अधिक वोटों से द्याई शिकस्त, निर्दलीय प्रत्याशी कमलेश चंदोला थै मिलिन 6399 वोट.
7. छात्र की मौत मामला मा स्कूल प्रबंधन थै सजा: नैनीताल का प्रसिद्ध शेरवुड स्कूल प्रबंधन थै छात्र की मौत मामला मा लगि बड़ू झटका, जिला कोर्ट ना स्कूल का प्रिंसिपल, वार्डन और एक अन्य कर्मचारी थै द्वि-द्वि साल की सजा समेत सुनाई 50-50 हजार कू जुर्माना, साल 2014 मा स्कूल प्रबंधन की लापरवाही से एक छात्र की इलाज का दौरान ह्वे ग्ये छाई मौत.
8. मलबा की चपेट मा आण से वाहन क्षतिग्रस्त: पहाड़ी क्षेत्रों मा मॉनसून की बारिश का दगड़ि बढ़ी भूस्खलन कू खतरा, केदारनाथ यात्रा का मुख्य पड़ाव मुनकटिया मा पहाड़ी से गिरयां मलबा की चपेट मा आण से यात्री वाहन क्षतिग्रस्त, ये घटना मा एक महिला की मौका पर ही दर्दनाक मौत, वखि अन्य 10 यात्री गंभीर रूप से घायल, अस्पताल मा चनु च सबि घायलों कू इलाज.
9. उदयपुर की घटना से उत्तराखंड मा अलर्ट: राजस्थान का उदयपुर मा ह्वे निर्मम हत्याकांड का बाद उत्तराखंड मा भी अलर्ट, सीएम पुष्कर सिंह धामी मा सभी 13 जिलों का डीएम और पुलिस अधिकारियों थै देनि निर्देश, सांप्रदायिक माहौल बिगड़न वलों का खिलाफ हुण चैंदि कड़ी कार्रवाई, सोशल मीडिया मा अफवाह फैलाण वलों पर भी कड़ी नजर रखणा का देनि निर्देश.
10. कांवड़ यात्रा की तैयारी शुरू: कोरोना संक्रमण काल का द्वि साल बाद 16 जुलाई से शुरू हुणि च कांवड़ यात्रा, इबर दा कांवड़ यात्रा मा 4 करोड़ से ज्यादा श्रद्धालुओं की पौंचणा की संभावना, वखि अभी से कांवड़ यात्रा की तैयारियों मा जुटी पुलिस प्रशासन, हरिद्वार मा आज बटि नयु ट्रैफिक प्लान लागू, अतिक्रमणकारियों का खिलाफ किये जाणी च कार्रवाई.
