1. उत्तराखंड बजट सत्र मा विपक्ष ना सदन का भैर करि प्रदर्शन: उत्तराखंड विधानसभा बजट की शुरुआत, ये बजट से आम आदिम थै छिन बहुत उम्मीदें, वखि गैरसैंण मा बजट सत्र ना करै जाणा से विपक्ष ना कार्यवाही शुरू हुण से पेली सदन का भैर करि धरना प्रदर्शन, नेता प्रतिपक्ष यशपाल आर्य ना बोली- गैरसैंण की अनदेखी कैरिकि सरकार कनि च जन भावनाओं से खिलवाड़.
2. मुख्यमंत्री ना बोली- जनता की उम्मीदों पर खरू उतरलु बजट: वित्त मंत्री प्रेमचंद अग्रवाल ना विधानसभा मा पेश करि 65 हजार करोड़ कू बजट, मुख्यमंत्री पुष्कर सिंह धामी ना बोली- विकास योजनाओं थै ये बजट से मिललि गति, जनता का सुझावों थै बजट में किये ग्या शामिल. प्रदेश की जनता की उम्मीदों पर खरू उतरलु बजट.
3. प्रश्नकाल मा विपक्ष ना सरकार कू करि घेराव: गैरसैंण मा बजट सत्र ना कराये जाणा पर विपक्ष ना सदन में करि हंगामा, प्रश्नकाल मा हरिद्वार ग्रामीण से विधायक अनुपमा रावत ना सिंचाई मंत्री सतपाल महाराज कू करि घेराव, अपणि विधानसभा मा भूमि कटाव और कृषि भूमि का नुकसान पर मांगी जवाब, वखि विधायक अनुपमा रावत का सवालों पर असहज दिखिन मंत्री सतपाल महाराज.
4. गोपेश्वर नगर पालिका अध्यक्ष पद पर बीजेपी की जीत: उधमसिंह नगर मा रुद्रपुर नगर निगम का द्वि वार्डों मा हुया उपचुनाव मा बीजेपी थै मिली हार, वखि किच्छा नगर पालिका का द्वि वार्डों मा हुयां उपचुनाव मा बीजेपी प्रत्याशियों की जीत. ऊनै, चमोली का गोपेश्वर नगर पालिका का अध्यक्ष पद पर हुया उपचुनाव मा बीजेपी ना द्वि दशक बाद जीत करि हासिल, पुष्पा पासवान ना ढाई हजार से ज्यादा वोटों से कांग्रेस प्रत्याशी नरेंद्र लाल भारती थै द्याई शिकस्त
5. अग्निपथ सेवा से रिटायर्ड जवानों थै दिये जालि प्राथमिकता: रक्षा मंत्रालय ना अग्निपथ स्कीम की करि शुरुआत, 17 से 21 साल का युवाओं थै चार साल सेना मा सेवा दिणा कू मिललु मौका, वखि केंद्र सरकार का ये फैसला की सीएम धामी ना करि सराहना, बोली- अग्निपथ सेवा का बाद रिटायर्ड हुयां जवानों थै उत्तराखंड पुलिस भर्ती मा दिये जालि प्राथमिकता.
6. पुलिस हिरासत मा हरीश रावत: नेशनल हेराल्ड मामला मा राहुल गांधी से ईडी की पूछताछ पर कांग्रेस कार्यकर्ताओं कू प्रदर्शन जारी, आज भी कांग्रेस नेताओं ना ईडी कार्यालय का भैर करि प्रदर्शन, पुलिस हिरासत मा कांग्रेस का वरिष्ठ नेता और उत्तराखंड का पूर्व मुख्यमंत्री हरीश रावत, हरदा ना बोली- केंद्र सरकार की तानशाही नि किये जालि बर्दाश्त.
7. दीपक बाली ना बीजेपी की सदस्यता करि ग्रहण: उत्तराखंड मा एक बार फिर आम आदमी पार्टी थै लगि बड़ू झटका, पार्टी का पूर्व प्रदेश अध्यक्ष दीपक बाली ना थामी बीजेपी कू हाथ, सीएम पुष्कर सिंह धामी ना बाली थै दिलाई बीजेपी की सदस्याता, मदन कौशिक ना दीपक बाली थै मिठाई खिलेकि पार्टी मा करि स्वागत.
8. ठगी कू आरोपी राजस्थान का भरतपुर से गिरफ्तार: बदरीनाथ मा होटल की फर्जी बुकिंग का नाम लौखु से लाखों की ठगी कन वला आरोपी थै पुलिस ना राजस्थान भरतपुर से करि गिरफ्तार, एसपी श्वेता चौबे ना प्रेस कॉन्फ्रेंस करि ठगी का मामलों कू करि खुलासा, आरोपी थै गिरफ्तार कन वलि पुलिस टीम थै 2500 रुपये इनाम दिणा की करि घोषणा.
9. प्रिया आहूजा ना तोड़ी गिनीज बुक ऑफ वर्ल्ड रिकॉर्ड: धर्मनगरी हरिद्वार मा आज अष्टवक्रासन योग मा गिनीज बुक ऑफ वर्ल्ड रिकॉर्ड बनाना खुण डॉक्टर प्रिया आहूजा ना ठोली ताल, प्रिया आहूजा ना 3 मिनट 29 सेकेंड तक अष्टवक्रासन कैरिकि बणाई नयु रिकॉर्ड, 2 मिनट 6 सेकेंड का पुरणा रिकॉर्ड थै प्रिया आहूजा ना करि ब्रेक, जल्द ही गिनीज बुक ऑफ रिकॉर्ड मा शामिल किये जालु प्रिया आहूजा कू नाम.
10. 15 जून का दिन कैंची धाम मंदिर कू स्थापना दिवस: 15 जून का दिन बाबा नीम करौली महाराज का कैंची धाम मंदिर कू मनै जालु स्थापना दिवस, कोरोना संक्रमण का चलदा पिछला द्वि सालों थै नि मनै ग्ये छाई कैंची धाम मंदिर कू स्थापना दिवस, रोजना हजारों की संख्या मा भवाली स्थित कैंची धामी पौंचणा छिन श्रद्धालु.
