1. उत्तरकाशी बस हादसा पर सीएम धामी कू बयान: उत्तरकाशी बस हादसा मा ह्वे कार्रवाई का बाद सीएम पुष्कर सिंह धामी ना दे बयान, ऊन बोली- सड़क हादसा मा सरकार और प्रशासन ना करि त्वरित कार्रवाई, प्रदेश मा व्यवस्थित ढंग से संचालित हुणि च चारधाम यात्रा, यन तरह का हादसा दुबारा नि हो, ये खुण सरकार का तरफा बटि किये जाणा छिन प्रयास.
2. हेलीकॉप्टर की हार्ड लैंडिग घटना कू प्रशासन ना ल्याई संज्ञान: केदारनाथ धाम मा हेलीकॉप्टर की हार्ड लैंडिग कू वीडियो वायरल हुणा का बाद डीजीसीए और प्रशासन ना ल्याई घटना कू संज्ञान, द्वि ना केदारनाथ धाम मा हेलीकॉप्टर संचालन खुण एडवाजरी करि जारी, पर्यटन सचिव दिलीप जावलकर ना बोली- हेलीकॉप्टर की हार्ड लैंडिग की घटना चिंताजनक, राहत की बात यच कि कुई हादसा नि ह्वाई.
3. खेलकूद एवं सांस्कृतिक समारोह मा सीएम ना करि शिरकत: विकासनगर का पंजीटीलानी मिनी स्टेडियम मा तीन दिवसीय खेलकूद एवं सांस्कृतिक समारोह कू समापन, मुख्यमंत्री पुष्कर सिंह धामी ना समापन समारोह मा करि शिरकत और खेलकूद मा शामिल खिलाड़ियों कू बढ़ाई उत्साह, सीएम धामी ना बोली- व्यस्तता का बावजूद वु ये कार्यक्रम मा ह्वेनि शामिल, खिलाड़ियों से वुकूं च विशेष लगाव.
4. वेब सीरीज आश्रम पर प्रतिबंध लगाणा की मांग: ओटीटी प्लेटफार्म मा रिलीज वेब सीरीज आश्रम-3 का खिलाफ हरिद्वार का साधु संतों ना खोली मोर्चा, वेब सीरीज का जरिये हिंदू धर्म थै बदनाम कना की साजिश कू लगाई आरोप, केंद्र सरकार से साधु संतों पर बण वलि वेब सीरीज पर प्रतिबंध लगाणा की करि मांग. केंद्रीय राज्य मंत्री साध्वी निरंजन ज्योति ना बोली- यन फिल्मों का जरिए खराब किये जाणी च साधु संतों की छवि.
5. हरकी पैड़ी पर वीडियो बनाण कू विरोध: हरिद्वार का तीर्थ पुरोहितों ना हरकी पैड़ी क्षेत्र मा इंटाग्राम रील्स बनाण का खिलाफ खोली मोर्चा, पुरोहित और ब्राह्मण समाज मा हरकी पैड़ी क्षेत्र मा वीडियो बनाण कू करि विरोध, तीर्थ पुरोहितों ना बोली- सोशल मीडिया मा कई वीडियो यन छिन जु धर्मनगरी की मर्यादा थै ठेस पहुंचाणा छिन. यना वीडियो पर रोक लगण चैंदि.
6. कांग्रेस नेता अकील अहमद ना बीजेपी पर साधी निशाना: उत्तराखंड मा मुस्लिम यूनिवर्सिटी की मांग थै लेकि चर्चा मा अयां कांग्रेस का पूर्व प्रदेश उपाध्यक्ष अकील अहमद ना बीजेपी सरकार का खिलाफ निकाली भड़ास, अकील अहमद ना बीजेपी सरकार पर देश कू माहौल खराब कना कू लगाई आरोप, ऊन बोली- जानबूझ कर सरकार मुस्लिम धार्मिक स्थलों थै कनि च टारगेट, बीजेपी देश मा दंगा कराणा की रचणि च साजिश.
7. विहिप मार्गदर्शक मंडल की द्वि दिवसीय बैठक: विश्व हिंदू परिषद मार्गदर्शक मंडल की द्वि दिवसीय बैठक, आगामी 11 और 12 जून का दिन निष्काम सेवा ट्रस्ट आश्रम हरिद्वार मा होली विहिप की बैठक, 300 से ज्यादा साधु संत बैठक मा होला शामिल, बैठक मा ज्ञानवापी, मथुरा, काशी, कानपुर, कश्मीर सहित बंगाल की स्थिति पर भी किये जाली चर्चा.
8. काशीपुर मा चार मोबाइल झपटमार गिरफ्तार: उधम सिंह नगर मा काशीपुर पुलिस ना चार मोबाइल झपटमारों थै करि गिरफ्तार, शातिर चोरों का पास से चोरी का 14 मोबाइल भी बरामद, गिरफ्तार द्वि आरोपियों का पास से तमंचा और चाकू भी बरामद, वखि आरोपियों का कब्जे से पुलिस ना वारदात मा प्रयुक्त दो बाइक भी करिन बरामद.
9. दिल्ली-हरिद्वार हाईवे पर दर्दनाक सड़क हादसा: दिल्ली-हरिद्वार हाईवे पर रुड़की का सोलानी पुल पर कार दुर्घटनाग्रस्त, ये हादसा मा कार सवार आठ साल का बच्चा समेत द्वि लौखु की मौत, कार मा दल्ली का रैण वला कुल पांच लोग छाई सवार, हादसा मा द्वि घायलों की हालत नाजुक, डॉक्टरों ना एम्स ऋषिकेश करि रेफर.
10. पर्वतरोही दल से पर्यटन मंत्री ना दिखाई हरी झंडी: पर्यटन मत्री सतपाल महाराज ना श्रीकंठ पर्वत पर्वतारोहण अभियान दल सदस्यों थै हरी दिखेकि करि रवाना, पर्वतारोहण अभियान दल मा गढ़वाल क्षेत्र का 12 युवा कना छिन प्रतिभाग, 20 दिनों मा श्रीकंठ पर्वत पर चढ़ाई करलु 20 सदस्यीय दल, जल्द ही सितंबर माह मा कुमौ मंडल का भी युवाओं कू दल छोटा कैलाश पर्वत पर करलु आरोहण.
