आज देश पुलवामा आतंकी हमलै पैली बरसी मंणौणू च. देशवासी ये हमला मां का शहीदौं थै नम आंखों न याद छन कना. ये हमलै बरसी का मौका पर पुलवामा का लेथपुरा कैंप में एक शहीद स्मारक बणौये गी, जैकु आज उद्घाटन करे गी. ये का दगडा पीएम मोदीन भी ट्वीट कर शहीदुं थैं श्रद्धांजलि दिनी.
'आप' न पीएम मोदी थै दिनी न्यौता
आम आदमी पार्टी न अपणा होंण वाला शपथग्रहण समारोह मां प्रधानमंत्री नरेंद्र मोदी थै आमंत्रित करी. पार्टी का मुखिया अरविंद केजरीवालन पीएम मोदी थै ये कार्यक्रम मां शामिल होंणू न्यौता दे. बथै द्या अरविंद केजरीवाल लगातार तीसरी दौं दिल्ली का सीएमै शपथ छन लेण लग्या. 11 फरवरी का बाद से ही आम आदमी पार्टी लगातार शपथग्रहण समारोह की तैयारियूं मां जुटी च
SC न निर्भया क दोषी विनै की याचिका करी खारिज
सुप्रीम कोर्ट न निर्भया मामला मां दोषी विनै की याचिका खारिज करेली. कोर्ट न बोली मेडिकल रिपोर्ट का हिसाब से दोषी विनै की मानसिक हालत बिल्कुल ठीक च. सुप्रीम कोर्ट न साफ तौर पर बोली कि मेडिकल रिपोर्ट से साफ पता चनुं च कि विनै की न सिर्फ शारीरिक हालत ठीक च, बल्कि वु मानसिक रूप से भी ठीक च.
त्रिवेंद्र सरकारा 'मंथन' पर कांग्रेसु हमला
औंण वाला 17 मार्च कु त्रिवेंद्र सरकारा तीन साल पूरा होंण वाल छन, जैथे मुख्यमंत्री आवास मां मंथन कार्यक्रमौ आयोजन करे गी. ये कार्यक्रम मां जनप्रनिधियुं दगड़ि राज्य का विकास पर मंथन करे गी. वखी विपक्षी दल कांग्रेसन ये कार्यक्रम मां उंना विधायकु थै न बुलौंण पर सरकारै कार्यप्रणाली पर सवाल उठैंन.
मुस्लिम धर्मगुरुओं न केंद्रीय मंत्री का बयान तै बथै निंदनीय
कुछ दिन पैली केंद्रीय मंत्री गिरिराज सिंहन दारुल उलूम देवबंद थै आंतकवाद कु गंगोत्री बोली छौ. जै पर मुस्लिम समाज मां काफी रोष च. मुस्लिम धर्मगुरुओं न केंद्रीय मंत्री का ये बयान थै निंदनीय बथै, ऊंन बोली मंत्री जी का बयान मां दिल्ली की हारै बौखलाहट दिखेंणी च.
विधायकै अगुवाई मां किसानुन करी प्रदर्शन
काशीपुर का कुंडा क्षेत्र का दर्जनुं किसानु न फसल बर्बाद होंणा बाद राज्य सरकार से मुआवजै मांग करी छै. मगर प्रशासन और जिम्मेदार अधिकारियूं का गैरजिम्मेदाराना रवैया का कारण मुआवजा की गलत रिपोर्ट बंणी, जैका कारण आज किसानुन विधायक आदेश सिंह चौहान का दगड़ा मिली की विरोध प्रदर्शन करी. ये दौरान किसानुन जल्द से जल्द मुआवजा देंणे मांग करी.
रेफर सेंटर बण्यूं च सतपुली राजकीय संयुक्त चिकित्सालय
प्रदेश का पर्वतीय क्षेत्रों मां स्वास्थ्य सेवाओं का हाल बदहाल छन अस्पतालुं मां डॉक्टरौं की कमी का कारण लोगुं थै बड़ी दिक्कत होंणी च. कोटद्वार और वे का आसपास वाला क्षेत्रुं मां स्वास्थ्य सेवा मुहैया करौंण वालु सतपुली राजकीय संयुक्त चिकित्सालय यां कु बडू उदाहरणच, जुकी आजकर रेफर सेंटर बण्यू च. यू अस्पताल 2016 मां बण गी छौ मगर आज तक यख डॉक्टरौ का पद नी भरै गेनी. आज भी यख द्वी डॉक्टर तैनात छन.
स्कूली छात्र-छात्रौन निकाली जन जागरुकता रैली
पौड़ी मां कोरोना वायरस जन गंभीर बीमारी से बचणौं गुरु राम राय पब्लिक स्कूल का बच्चोंन जागरुकता रैली निकाली. ये दौरान यूं बच्चों न वायरस से बचणां दगड़ि बचाव की भी जानकारी दीनी. छात्र-छात्राओं न बोली आज जै हिसाब से या बिमारी पूरे विश्व मां फैंन लगी, वे हिसाब से हम सभ्यूं था सतर्क होंण जरुरी च.
IGNOU सेंटर बंद होंणा विरोध तेज
पिथौरागढ़ का लक्ष्मण सिंह महर महाविद्यालय बटी इग्नू (IGNOU) सेंटर बंद होंण लग्यू च. जैका विरोध मां यख प्रदर्शन होंण छन लग्या. शुक्रवारौ .यूथ कांग्रेस और छात्र संघन डीएम कार्यालय परिसर मां ये का विरोध मां प्रदर्शन करी. ये दौरान ऊन बोली यख इग्नू स्टडी और एग्जाम सेंटर बणौंय जौ, दगड़ा मां ऑनलाइन फॉर्म भनौं सुविधा भी महाविद्यालय मां दिये जौ.
कुमाऊं आयुक्त न लिनी अधिकारियूं की समीक्षा बैठक
कुमाऊं आयुक्त राजीव रौतेला न वीडियो कांफ्रेसिंग करी जिला योजना, राज्य सेक्टर, केन्द्र सहायतित योजनाऊ का तहत खर्च धनराशि की समीक्षा करी. आयुक्त राजीव रौतेला न जिला मां संचालित हौंण वाली योजनाओं के तहत मार्च तक शत प्रतिशत बजट खर्च कन्ना निर्देश दिनी
आज वैलेंटाइन डे
आज दुनियाभार मां वैलेंटाइन डे धूमधाम से मन्यै जांणू च. आज कु यू दिन प्यार कन वालौ थै बहुत ही खास दिन होंदू. ये दिनौ प्रेमी जोड़ा बड़ी बेसब्री से इंतजर करदू. आज ये मौका पर बाजारुं मां विशेष रौनक दिखे गी.
