अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

देशभर मां बड़ा ही उत्साह से मनौ गी महाशिवरात्रि कु महापर्व, ये मौका पर शिव मंदिरूं मां भक्ति कु सैलाब उमड़ी, देर रात बटी ही लोग भगवान शिव का दर्शनुं कु थै लैन मां लग्या छा, देश का सबी मंदिरूं मां भक्तों की भीड़े देखी की सुरक्षा का पुख्ता इंतजाम करे गिन.

देवभूमि उत्तराखंड मां भी दिखे महाशिवरात्रि पर्व धूम, यख शिवजी का मंदिरुं मां सुबेर बटी दर्शनु कु लगी भक्तों की लंबी-लंबी लैन. देहरादून का टपकेश्वर मंदिर मां केंद्रीय मंत्री वीके सिंह न करी पूजा अर्चना,बोली- मंदिर मां ऊं थै व्हे अद्भुत शक्ति कु एहसास

महाशिवरात्रि का पावन पर्व पर केदारनाथ धामा कपाट खुनै तिथि की घोषणा ह्वे गी. केदारनाथ धाम का कपाट 29 अप्रैलौ सुबेर 6 बजी 10 मिनट पर खोले जाला. या से पैली बाबा केदारै पंचमुखी चल विग्रह उत्सव डोली 26 अप्रैल थै अपणा शीतकालीन गद्दीस्थल ओम्कारेश्वर मंदिर ऊखीमठ बटी केदारनाथ धाम थै प्रस्थान करली .

शुक्रवारौ मुख्यमंत्री त्रिवेंद्र सिंह रावत न दिल्ली मां भाजपा का राष्ट्रीय अध्यक्ष जेपी नड्डा दगड़ि मुलाकात करी. ये दौरान मुख्यमंत्री ने जेपी नड्डा थै शिवरात्रि की शुभकामनाएं दिनी. बते जांणू च कि मंत्रिमंडल विस्तार थै लेकी मुख्यमंत्री त्रिवेंद्र सिंह रावत दिल्ली दौरा पर छन. सीएमन प्रदेश कार्यकारिणी का गठन थै लेके राष्ट्रीय अध्यक्ष जेपी नड्डा दगड़ि बात करि

प्रदेश मां राजनीतिक अस्थिरता तै ले कै केंद्रीय कैबिनेट मंत्री रमेश पोखिरियाल निशंक का बारा मां अमर्यादित भाषा कु इस्तेमाल कन वाला पोर्टल संचालका खिलाफ मुकदमा दर्ज ह्वे गी. ये मामला मा डालनवाला थाना पुलिस जांच मां जुट गी.

शुक्रवारौ पूर्व कैबिनेट मंत्री राजेंद्र भंडारी चमोली दौरा पर थराली पौछीनय ये दौरान उंन गैरसैंण का मुद्दा पर एक बार फिर राज्य सरकार पर निशाणा साधी. पूर्व कैबिनेट मंत्री न सरकार पर आरोप लगै कि भाजपा सरकार गैरसैंण का नौ पर लोगुं थै केवल सपना दिखौंणि च.

शुक्रवारौ गढ़वाल विश्वविद्यालय का पत्रकारिता एवं जनसंचार केंद्र मां अंतरराष्ट्रीय मातृभाषा दिवस समारोह पर एक कार्यक्रमौं आयोजन करे गी. ये मौका पर विभागा विभागाध्यक्ष प्रो.एआर डंगवाल ने दीप प्रज्वलित करी कार्यक्रमै शुरुआत करी. ये अवसर पर छात्र-छात्राउं से अपणी मातृ-भाषा-बोली थै संरक्षित कनौ आह्वान करे गी.

जलवायु परिवर्तन का कारण उत्तारखंड मां फरवरी मां भी कड़ाके की ठंड होंणी च. जैका कारण साइबेरियन पक्षी अब भी उत्तराखंड का जलाशयुं मां नजर औंणा छन. खटीमा का जलाशयुं मां यूं दिनुं खूब प्रवासी पक्षी दिखेंणा छन. आम तौर पर यू प्रवासी पक्षी ठंड खत्म होंद ही वापस अपना इलाकुं मां लौट जंदना.

पहाड़ों की रानी मसूरी मां एक बार फिर मौसमौ मिजाज बदले गी. यख सुबेर बटी लगातार बरखा होंण लगी च. जैका कारण तापमान मां गिरावट दर्ज करे गी. लगातार बरखा होंण से शहर मां एक बार फिर ठिठुरन बढ़ गी. जैका कारण स्थानीय लोगुं थै काफी परेशानी होंणी च.