खबरां पहाड़ी: सड़का पर होई एयरफोर्स रे हेलिकॉप्टर री लैंडिंग, 7 प्राइवेट स्कूलां रे खिलाफ जांच रे आदेश

अंतर्राष्ट्रीय नशा निरोधक दिवस पर सीएम जयराम ठाकुर ने प्रदेश वासियां ते कीति अपील नशे जो जड़ा ते खत्म करने जो कने समाजा जो जागरूक करने रा युवा पीढ़ी जो लैणा चाइंदा संकल्प. अंतर्राष्ट्रीय नशा निरोधक दिवस रे मौके पर डीजीपी संजय कुंडू ने बोलया कि... पिछले कुछ सालां ते बदया सिंथेटिक ड्रग रा चलन..युवा पीढ़िया जो नशे ते बचाणे खातर चलाया जादा जागरूकता अभियान

• हिमाचल च 839 पहुंचया कोरोना रा आंकड़ा...हिमाचल च शुक्रवार जो 9 लोकां ने कोरोना ते जीती जंग... कोरोना रे एक्टिव मामले अब घटी ने होए 336.
• हिमाचल च बसां च 100 फीसदी सवारियां बैठाणे जो कैबिनेट ते मिली सैद्धांतिक मंजूरी... कैबिनेट च निजी बस ऑपरेटरां जो 20 लाख रुपये तक ऋण देने जो भी दीति सहमति.
• पूर्व मंत्री कौल सिंह रे घरा पर होई सीनियर कांग्रेस लीडरां री बैठका पर कांग्रेस अनुशासन कमेटी ने लितया संज्ञान, कमेटी रे अध्यक्ष कर्नल धनीराम शांडिल ने बोलया कि अनुशासनहीनता कतई बर्दाश्त नी होणी.
• बिजली रे रेट बदाणे पर नेता प्रतिपक्ष मुकेश अग्निहोत्री ने खड़े किते सवाल... नेता प्रतिपक्ष मुकेश अग्निहोत्री ने बोलया कि बिजली रे रेट बदाणे ते जनता पर पौणा बोझ.
• प्रदेश शिक्षा विभाग जो प्राइवेटां स्कूलां री मनमानियां री मिली करदी शिकायतां, शिकायत मिलणे ते बाद शिक्षा विभाग ने लितया बडा फैसला...राजधानी शिमला च 7 प्राइवेट स्कूलां रे खिलाफ दिते जांच रे आदेश.
• शिक्षा विभाग ने स्कूलां च दाखले करने रे दिते निर्देश... हिमाचल रे सरकारी स्कूलां च बच्चेयां जो 11वीं और 12वीं क्लासां च ऑनलाइन मिलणा दाखला.
• मिड डे मील वर्कर ने सीटू रे बैनर तले सरकार रे खिलाफ खोलया मोर्चा... यूनियन री राज्य महासचिव हिमी देवी ने बोल्या कि.. प्रदेश सरकार मिड डे मील वर्करां री करा दी अनदेखी.
• कुल्लू च गश्त के दौरान पुलिस ने एक आदमी ते पकड़ी 1 किलो 484 ग्राम चरस... पुलिस ने आरोपी जो गिफ्तार करी ने NDPS एक्ट रे तहत मामलया कितया दर्ज.
• भारत-चीन सीमा विवाद रे बीच सेना प्रमुख जनरल मनोज मुकुंद नरवणे ने रक्षा मंत्री राजनाथ सिंह ने कीति मुलाकात, इस दौरान सेना प्रमुख ने रक्षा मंत्री जो LAC रे ताजा हालातां री दीति जानकारी.
• हरियाणा रे सोनीपत च कुंडली गाजियाबाद पलवल एक्सप्रेस वे पर तकनीकी खराबी रे कारण वायु सेना रे हेलिकॉप्टर री कराई गई इमरजेंसी लैंडिग... हिंडन एयरबेस ते पहुंचे अधिकारी और मैकेनिक ने दूर कीति तकनीकी खराबी.
• अनंतनाग च CRPF री टीमां पर होए आतंकी हमले च इक जवान शहीद...आंतकी हमले च 9 साल रे बच्चे री भी मौत...इलाके च आंतकवादियां री तलाश जारी.
• अगले दो दिना तक हिमाचल रे इलाकयां च बरखा रा पूर्वानुमान...मौसम विभाग ने मानसून च सामान्य ते ज्यादा बरखा होणे री जताई संभावना