27 दिसंबर जो अपणा 3 साल रा कार्यकाल पूरा होणा
हिमाचल सरकार आगामी 27 दिसंबर जो अपणा 3 साल रा कार्यकाल पूरा करा दी...सीएम जयराम ए अधिकारियां ते आयोजन जो लेई ने चला दी तैयारियां पर चर्चा कीती कन्ने आगामी रूपरेखा तैयार कीती.
सड़क दुर्घटना पर सीएम जयराम ए जताया दुख
गुजरात च होई सड़क दुर्घटना पर सीएम जयराम ए जताया दुख...ट्वीट कर केहेया- ईश्वर दिवंगत आत्मां जो शांति कन्ने शोकाकुल परिवारां जो इस दुःख जो सहन करने री शक्ति प्रदान करे...
जमीन ट्रांसफर नी करने रे लगाए आरोप
सीयू रे स्थायी कैंपस रे निर्माण रे मुद्दे पर एक ही मंच पर सीएम जयराम कन्ने केंद्रीय वित्त राज्य मंत्री अनुराग ठाकुर रे बीच दिखी तल्खी...अनुराग ए अधिकारियां पर जमीन ट्रांसफर नी करने रे लगाए आरोप...
अनुराग ठाकुर ए कांग्रेस पर बोला हमला
गुपकार गठबंधन जो लेई केंद्रीय वित्त राज्य मंत्री अनुराग ठाकुर ए कांग्रेस पर बोला हमला...केहेया- कांग्रेस जो इक रे बाद इक हार मिला दी है..फिर भी कोई सबक नहीं लितेया...
चुनेश्वर ठाकुर पर कार्रवाई ते भड़की बार एसोसिएशन
कांग्रेस नेता सह वकील चुनेश्वर ठाकुर पर कार्रवाई ते भड़की बार एसोसिएशन...पुलिस प्रशासन रे खिलाफ जमकर कीती नारेबाजी...
नेरचौक मेडिकल कॉलेज च दो संक्रमितें तोड़ेया दम
हिमाचल च कोरोना संक्रमण रा प्रकोप लगातार बढ़ता ही जादा...बुधवारा जो कोरोना ते नेरचौक मेडिकल कॉलेज च दो संक्रमितें तोड़ेया दम...
जबलपुर सविल डिफेंस रे फंसे पांज इंजीनियरां जो पुलिस ए रेस्क्यू कितेया
तीन दिनां से सरचू च जबलपुर सविल डिफेंस रे फंसे पांज इंजीनियरां जो लाहौल-स्पीति पुलिस ए रेस्क्यू कितेया है... लेह ते वापस आदे टाइम सरचू च इनां री गड्डी फंसी गई थी...
गगरेट पुलिस ए नशे रे काले कारोबारा पर शिकंजा कसेया
ऊने री गगरेट पुलिस ए नशे रे काले कारोबारा पर शिकंजा कसेया है...पुलिस ए निजी होटल च दबिश देई ने अवैध शराब कीती बरामद....होटल प्रबंधक रे खिलाफ मामला दर्ज करी ने जांच च जुटी पुलिस...
मंडी जिला च पर्यटन गतिविधि बढ़ाने पर जोर
नई राहें नई मंजिलें कार्यक्रम रे तहत मंडी जिला च पर्यटन गतिविधि बढ़ाने पर जोर... करीब 19 करोड़ री लागत ते पर्यटकां लेई राफ्टिंग, पैराग्लाइंडिग रे कन्ने कन्ने बनाए जाणे टेंट, रेस्ट हाइस कन्ने इंटरपटेशन सेंटर...
मांग रे आधार पर बंडे जाणे पौधे
नौणी विश्वविद्यालय री ओर ते मांग रे आधार पर बंडे जाणे पौधे... पौधेयां लेई किसानां कन्ने बागवानां जो ऑनलाइन जमा कराणे होणे नाम पते रे कन्ने जमीन रे खसरा नंबर....
चीन जो दिया जाई सकां है कड़ा संदेश
द कोर ग्रुप फॉर तिब्बतन कॉज इंडिया ए केंद्र सरकार ते कीती तिब्बती धर्मगुरु दलाई लामा जो भारत रत्न देणे री मांग... ग्रुप ए केहेया... दलाई लामा जो सम्मानित कर चीन जो दिया जाई सकां है कड़ा संदेश...
मनाली ते केलांग नी पहुंची बस
सड़क पर बर्फ होणे रे चलदे मनाली ते केलांग नी पहुंची बस. कुल्लू च मौसम खुलने पर ट्रायल पर चलाई गई थी HRTC केलांग डिपो री दो बसां...
भारी संख्या च पर्यटन स्थलां पर पहुंचा दे पर्यटक
प्रदेश च बर्फबारी रे बाद भारी संख्या च पर्यटन स्थलां पर पहुंचा दे पर्यटक... मनाली प्रशासन ए सैलानियां लेई बंद किती अटल टनल रोहतांग...पर्यटकां जो सोलंगनाला तक जाणे री है अनुमति...
लाहौल स्पीति रे युवाएं शुरू कीती मुहिम
कोरोना संक्रमण रे बढ़दे मामलेयां जो देखदे होए लाहौल स्पीति रे युवाएं शुरू कीती मुहिम....गांव-गांव जाई ने घरां जो सेनिटाइज करा दे घाटी रे युवा...
दिल्ली च सार्वनिक जगहां पर छठ पूजा मनाणे पर रोक
दिल्ली च सार्वनिक जगहां पर छठ पूजा मनाणे पर रोक...कोरोना रे बढ़दे मामलेयां जो देखदे होए हाईकोर्ट ए इजाजत देणे ते इंकार करी दितेया है.
शादी समारोह च 50 ते ज्यादा लोक नी होई पाणे इकट्ठा
देश री राजधानी दिल्ली च हुण शादी समारोह च 50 ते ज्यादा लोक नी होई पाणे इकट्ठा...राज्य सरकार रे प्रस्ताव जो उपराज्यपाल ए दीती मंजूरी...
