LIVE VIDEO: चंद सेकेंडां च रूड़ी गया सात मंजिला मकान
राजधानी शिमले री कच्ची घाटी च 7 मंजिला मकान धराशायी होई गया. इस च कोई जानी नुकसान तां नी होया, पर बाकी मकानां जो खतरा पैदा होई गया है. रूड़णे आले मकाना च वीरवारा री प्यागा ही दरारां आईं गई थी, जिसदे बाद मकाना जो खाली करवाई दितेया गया था कन्ने कुछ घंटेयां रे बाद ये मकान रूड़ी गया.
Kullu International Dussehra Festival: 332 देवी-देवतेयां जो दितेया जाणा निमंत्रण
कुल्लू अंतरराष्ट्रीय दशहरा महोत्सव च पंजीकृत 332 देवी-देवतेयां जो निमंत्रण दितेया जाणा. वहीं, बाहरी राज्यां ते आणे आले लोकां जो आरटीपीसीआर रिपोर्ट लेई ने आणा पौणा. कारदार संघ, देवलुआं कन्ने बजंतरियां जो भी 15 अक्टूबर ते पहले कोरोना री दोनों डोज लगाणे जो केहेया गया. सुरक्षा रे लिहाज ते 400 जवानां री तैनाती कीती जाणी. दशहरा उत्सव री तैयारियां री समीक्षा बैठक च ये फैसला लितेया गया.
मंडी सीट से प्रतिभा सिंह री टिकट दावेदारी पर कुलदीप राठौर रा बड्डा बयान: पार्टीया च व्यक्तिगत महत्वकांक्षा री जगह नी
प्रदेश च उपचुनाव रे प्रत्याशियां रे नामा री घोषणा कांग्रेस री तरफ ते जल्द ही कीती जाई सकां ई. 2 अक्तूबर जो कांग्रेस प्रदेश चुनाव समिति री बैठक शिमला च आयोजित होणी. प्रदेश प्रभारी राजीव शुक्ले रे निर्देश पर पीसीसी चीफ कुलदीप राठौर री अध्यक्षता च ये बैठक होणी. हमीरपुर च वीरवारा जो मीडिया ने गल करदे होए कुलदीप सिंह राठौर ने ये जानकारी दीती है. पीसीसी चीफ ए केहा कि शिमले च 2 अक्तूबर जो आयोजित होणे आली प्रदेश चुनाव समिति री बैठक च इस विषय पर विस्तार ते चर्चा होणी कन्ने जल्द ही प्रत्याशियां रे नामां री घोषणा भी कीती जाणी. प्रतिभा सिंह ए मंडी लोकसभा रे उपचुनाव च रुचि जो लेई तिनें केहा कि प्रतिभा सिंह ते तिनां री बातचीत होई है कन्ने तिनांरा ये मत है कि पार्टी हाईकमान री तरफ ते जो भी निर्णय लितेया जाणा उस पर वह सहमत हैं.
हमीरपुर च सरकार कन्ने संगठन च तालमेल री कोई कमी नी: राजिंद्र गर्ग
हमीरपुर रे प्रभारी मंत्री कन्ने खाद्य आपूर्ति मंत्री राजिंद्र गर्ग (Food Supplies Minister Rajinder Garg) जिला भाजपा री बैठक च शिरकत करने पहुंचे. इस दौरान जाली कैबिनेट मंत्री ए हमीरपुर च वर्तमान जयराम सरकार कन्ने भाजपा संगठन रे तालमेल जो लेई ने सवाल कितेया गया तां तिनें केहा कि जिले च सरकार कन्ने भाजपा संगठन च तालमेल री कोई कमी नी है.
32 KM तक दो डेडबॉडियां जो स्ट्रेचर पर चकी ने ले आए ITBP रे जवान
खंमीगर ग्लेशियर च फंसे पर्वतारोही दल रे दो सदस्यां रे डेडबॉडियां वीरवारा जो काजा पहुंच गए हन. डेडबॉडियां रे कन्ने चार पोटर भी काजा पहुंची गए हन. आईटीबीपी (Indo-Tibetan Border Police) रे जवानें 32 किलोमीटर तक इनां डेडबॉडियां जो स्ट्रेचर पर चकी ने लदेयां. काजे ते चंडीगढ़ तक डेडबॉडियां जो गड्डिया च भेजेया जाणा इसते बाद दिल्ली भेजेया जाणा.
हिमाचल में अफवाह फैलाने की कोशिश, कोई भी बॉर्डर नी है सील
हिमाचल च बॉर्डर सील जेही कोई सूचना नी है. इस तरह री फिलहाल कोई अधिसूचना जारी नी कीती गई है. हिमाचल कन्ने पंजाब जो सील करने री अफवाहां रे बीच डीसी ऊना राघव शर्मा ए किसी भी प्रकार री नौईं व्यवस्था ते मना कितेया है. तिनें केहा कि कोविड-19 री रोकथाम लेई हिमाचल प्रदेश सरकार री तरफ ते 2 महीने पहले जारी कीती गई गाइडलाइंस रे अनुसार ही प्रदेश रे बॉर्डरां पर नाकेबंदी कीती गई है.
SIRMAUR: पझोता घाटी च भारी बरखा कन्ने तेज हवा ने उड़ी मकाना री छत
राजगढ़ विकास खंड री पझोता घाटी रे तीर गनोह गांवां च भारी बरखा कन्ने तेज हवा ते इक मकाना री छत उड़ी गई. जानकारी रे अनुसार पझोता क्षेत्र च शामी रे टाइम रोज बरखा होदी है कन्ने बरखा रे कन्ने-कन्ने तेज हवाआं भी चला दी हन जिसरी वजह ते तीर गनोह गांवां च बसीया राम रे मकाना री छत उड़ी गई.
हुण डिपुआं च पैकेटा च मिलणी चीनी
प्रदेश रे डिपुआं च हुण प्लास्टिक पैकिंग पैकेट च चीनी मिलणी. खाद्य आपूर्ति मंत्री राजिंद्र गर्ग ए दसेया बरखा कन्ने मॉश्चर रे कारण काफी नुकसान होदा था. सीएम जयराम ठाकुर ने गल करने रे बाद अक्टूबर ते पैकेटा च चीनी उपभोक्तां जो देणे रा फैसला लितेया गया है.
सोलन के एरिया हॉस्पिटल च नी मिला दा टिटनेस रे इंजेक्शन
कांग्रेस रे प्रवक्ता कुशल जेठी ए प्रदेश रे स्वास्थ्य मंत्री पर निशाना साधेया. वीरवारा जो प्रेस कॉन्फ्रेंस रे दौरान तिनें केहा कि स्वास्थ्य मंत्री सिर्फ भाषण देई ने वाहवाही लूटने रा काम करा दे. सोलन रे क्षेत्रीय अस्पताल च मरीजां जो टिटनेस रा इंजेक्शन तक उपलब्ध नी होई पादा.
'भाजपा सरकार रे कार्यकाल च कफना पर भी टैक्स, गरीब आदमीए रा जीणा मुश्किल'
कांग्रेस अनुसूचित जाति विभाग रे जिलाध्यक्ष नरेश चौहान ए मंडी रे सुंदरनगर च आयोजित प्रेसवार्ता च केहा कि भाजपा रे शासनकाल च कफन पर भी टैक्स लगाई दितया गया है. तिनें केहा कि भाजपा सरकार रे कार्यकाल च गरीब आदमीए रा जीणा मुश्किल होई गया है. महंगाई अपनी चरम सीमा पर पहुंची चुकी है. बेरोजगारां री संख्या लगातार बढ़ती जादी.
ये भी पढ़ें- LIVE VIDEO: शिमला में चंद सेकेंड में ढह गई सात मंजिला इमारत
