युवा पीढ़ीया जो नशे ते दूर रखणे लेई सभी जो मिली ने काम करने री जरूरत: राज्यपाल
हिमाचल प्रदेश रे राज्यपाल राजेंद्र विश्वनाथ अर्लेकर (Governor Rajendra Vishwanath Arlekar) ए राजभवन च सामाजिक संगठनां रे कन्ने विभिन्न मुद्देयां पर चर्चा कीती. इस दौरान तिनें केहा कि समाज रा नेतृत्व सामाजिक संगठन (Social Organization) ही करां ए क्योंकि तिनां री गल ही समाज रे हर व्यक्ति तक पहुंचा ई. आज री परिस्थिति अहां जो कुछ करने लेई प्रेरित करां ई. यदि अहें इस दिशा च नी बढ़े तां अंहा रा अपणा ही नुकसान होणा.
पर्यटकां ने गुलजार होई पहाड़ां री रानी शिमला, 90 फीसदी होटल पैक
वीकेंड (weekend) पर बाहरी राज्यां ते काफी पर्यटक राजधानी शिमला पहुंचे हन कन्ने ऐथी रे सुहावने मौसमा (pleasant weather) रा मजा लेदे हन. त्औरा जो को भी रिज मैदान कन्ने मालरोड सैलानियां ने भरेया रहा. पर्यटक भी ऐथी खूब लुत्फ उठांदे दिखे. वहीं, पर्यटकां री संख्या बढ़ने ते कारोबारियां रे चेहरे भी खिली उठे हन. वीकेंड पर राजधानी रे होटलां च ऑक्युपेंसी 90 फीसदी तक पहुंची गई है.
भारत ए पीएम मोदी रे नेतृत्व च हर योजना च बनाए रिकॉर्ड : कश्यप
बीजेपी री राष्ट्रीय कार्यकारिणी री बैठक (BJP National Executive meeting) त्औरा जो दिल्ली बीजेपी मुख्यालय च आयोजित होई. इहा बैठका च सीएम जयराम ठाकुर, बीजेपी प्रदेश अध्यक्ष सुरेश कश्यप, पूर्व सीएम प्रो. प्रेम कुमार धूमल वर्चुअल जुड़े थे. बैठका रे बाद पत्रकारां ने चर्चा करदे होए सुरेश कश्यप ए केहा कि कोविड रे टाइम भी बीजेपी ए जनसेवा रे आयाम स्थापित किते. तिनें केहा कि इनां उपचुनावां च सभी कमियां जो पूरी करदे होए 2022 रे चुनावां लेई भाजपा तैयार है कन्ने अहें लक्ष्य पर अटल हन.
Down Dale Leopard Attack Case: पोस्टमार्टम च मिले जानवरा रे बाल
शिमले रे डाउन डेल क्षेत्रा (Shimla Down Dale Area) च दयालिया री राती खेलदे होए रहस्यमयी परिस्थितियां च लापता मासूम बच्चे रे शव रा पोस्टमार्टम करवाई दितेया गया है. पोस्टमार्टम रिपोर्ट रे अनुसार तीन महीने पहले कनलोग च तेंदुए बच्ची जो जिस तरीके ने नोची ने खादेया था, उसी तरह री स्थिति इस शवा री भी थी. पोस्टमॉर्टम रे दौरान हड्डियां रे बीच मिले बाला जो जांच लेई फॉरेंसिक लैब जुन्गा भेजी दितेया गया है.
हिमाचल च भ्रष्ट सरकारा रे पतन रा आगाज, जनते दिखाया आईना : महेश्वर चौहान
कांग्रेस रे प्रदेश महासचिव महेश्वर चौहान ए जयराम सरकारा पर तंज कसदे होए केहा कि प्रदेश री बीजेपी सरकारा जो पहला डोज प्रदेश री जनते लगाई दितेया है कन्ने हुण दूजा डोज 2022 रे आम चुनावां च लगणा. तिनें दावा कितेया कि जिस तरह कांग्रेस ए उपचुनावां च जीत हासिल कीती है उसी तर्ज पर 2022 रे चुनावां च कांग्रेस री ही जीत होणी कन्ने हिमाचल च कांग्रेस री सरकार बनणी.
शिमला डाउनडेल घटनाक्रम: नागरिक सभा ए नगर निगम कन्ने वन विभाग जो ठहराया जिम्मेदार
शिमला नागरिक सभा अध्यक्ष विजेंद्र मेहरा ए (Shimla Nagarik Sabha President Vijendra Mehra) डाउनडेल आले घटनाक्रम जो नगर निगम शिमला कन्ने वन विभाग री नाकामयाबी करार दितेया है. तिनें केहा है कि इस घटनाक्रम पर नगर निगम शिमला कन्ने वन विभाग री भूमिका संवेदनहीन रेही है. शिमला शहर च पिछले तीन महीनेयां च तेंदुआ दो बच्चेयां री जान लेई चुकेया है, लेकिन वन विभाग तेंदुए जो आदमखोर घोषित करने च आनाकानी करा दा है.
कॉन्स्टेबल बीना जो ड्यूटी रे दौरान मिली सोने री चेन
महिला पुलिस कॉन्स्टेबल बीना ठाकुर (Female Police Constable Beena Thakur) जो चौगान मैदान च सोने री चेन मिली है. बिना किसी लालच रे ईमानदारी रा परिचय देंदे होए कॉन्स्टेबल बीना ए इहा चेना जो यातायात प्रभारी रामलाल जो सौंपी दितेया. सही जानकारी देई ने यातायात प्रभारी ते मालिक चेन लेई सकां ए.
गिरिपार जो जनजातीय दर्जा देणे री मांग
गिरिपार इलाके जो जनजातीय क्षेत्र रा दर्जा दिलाणे री मांग पिछले 50 सालां ते हाटी समुदाय करा गा है, लेकिन हाले तक सरकारे इस पर कोई विचार नी कितेया. त्औरा जो केंद्रीय हाटी समिति ए नाहन च इक बैठक आयोजित कीती. इस च प्रदेश सरकार ते मंगी गई रिपोर्ट पर चर्चा कीती गई. बैठक च गिरिपार री तकरीबन 120 पंचायतां रे अलावा चंडीगढ़, सोलन व शिमला यूनिटां रे प्रतिनिधियें हिस्सा लितेया.
ठंडी च घाटी रे लोकां जो नी होणी बिजली री समस्या
रोहतांग अटल टनल होई ने 33 केवी बिजली री लाइन बिछाई करी ने लाहौल घाटी (Lahaul Valley) लेई बिजली आपूर्ति (Power Supply) शुरू होई गई है. हुण घाटी रे लोकां जो ठंड रे मौसम च बिजली लेई परेशान नी होणा पैणा. दरअसल, ठंडी रे मौसम च 33 केवी लाइन भारी बर्फबारी री वजह ते खराब होई जां थी. लाहौल स्पीति रे विधायक (MLA Lahaul Spiti) रामलाल मारकंडा ए (Ramlal Markanda) ट्वीट करी ने इसरा जानकारी दीती है.
ये भी पढ़ें- भारत ने पीएम मोदी के नेतृत्व में हर योजना में बनाए रिकॉर्ड, बीजेपी जन सेवा में नंबर वन: कश्यप
