पहाड़ां री रानी शिमले च लगेया पर्यटकां रा जमावड़ा
वीकेंड पर राजधानी शिमला पर्यटकां ने पूरी तरह गुलजार होई गई है. कोरोना रे मामले कम होणे कन्ने नियमां च ढील मिलदे ही बाहरी राज्येयां ते काफी तादाद च पर्यटक शिमला पहुंचा दे. राजधानी रे होटलां च ऑक्यूपेंसी 80 फीसदी पहुंची गई है, इस च मंदी री मार झेला दे पर्यटक कारोबारिएं भी राहत री सांस लीती है.
SIRMAUR: अनारदाना बणेया किसानां री एक्सट्रा इनकम रा साधन
सिरमौर रे नारग क्षेत्र च अनारदाना स्थानीय लोकां री आय रा इक बढ़िया साधन बणी ने सामणे आया है. नारग क्षेत्र च जंगली अनारदाना भारी मात्रा च पाया जां, जिसो लोकल बोलिया च दाडू भी केहा जां. इसरे पेड़ा रे विशेष रखरखाव री जरूरत नी हुंदी.
मंडी उपचुनाव: विक्रमादित्य सिंह दिल्ली होए रवाना, होली लॉज च जुटे समर्थक
उपचुनाव जो लेई ने प्रदेश च राजनीतिक गतिविधियां तेज होई गई हन. टिकटा जो लेई ने मंथन जारी है. इसी बीच शिमला ग्रामीण ते विधायक विक्रमादित्य सिंह (Shimla Rural MLA Vikramaditya Singh) दिल्ली रवाना होई गए हन. दिल्ली च तिनां पार्टी महासचिव केसी वेणुगोपाल कन्ने हिमाचल प्रदेश कांग्रेस प्रभारी राजीव शुक्ला (Himachal Pradesh Congress in-charge Rajeev Shukla) ने मिलणे रा कार्यक्रम है.
विक्रमादित्य रे बयाना पर गरमाई सियासत, CM जयराम ए संयमा ने काम लेणे री दीती नसीहत
सीएम जयराम ठाकुर ए शिमला ग्रामीण ते कांग्रेस विधायक विक्रमादित्य सिंह रे बयाना पर प्रतिक्रिया दीती है. सीएम जयराम ठाकुर ए केहा कि विक्रमादित्य पहली बार विधायक बणे हन, जबकि सैं केहा दे कि तिनें बहुत सरकारां देखी हन. सीएम जयराम ए तंज कसदे होए केहा कि जब सैं पहली बार विधायक बणे हैं तां इसते पहले जिन सरकारां जो देखणे री सैं गल करा दे तां शायद वह अपणे पिता रे समय री सरकारां री गल करा दे.
मेरे बयान को तोड़-मरोड़ कर पेश किया गया: विक्रमादित्य
विक्रमादित्य सिंह ए केहा कि तिनां रे बयाना जो तोड़ी मरोड़ी ने पेश करने कन्ने तिनां जो बदनाम करने री भाजपा री इक सोची समझी साजिश है. तिनें आईटी सेल समेत बीजेपी जो आड़े हाथ लेंदे होए केहा है कि यह वीडियो पूरी तरह ते कट- पेस्ट करी ने लोकां जो भ्रमित करने लेई भाजपा द्वारा जारी कितेया गया है.
NH-205 चंडीगढ़-मनाली नेशनल मार्ग पर सेब ने भरेया इक ट्रक पलटेया
एनएच 205 चंडीगढ़-मनाली नेशनल मार्ग पर देहनी च सेबां ने भरेया इक ट्रक बेकाबू होई ने पलटी गया. गनीमत ये रही कि हादसे च कोई जानी नुकसान नी होया लेकिन, आर्थिक नुकसान काफी ज्यादा होया. ट्रक ड्राइवरा रा कहणा है कि इस सड़क मार्ग पर चालक जगह-जगह पर गलत दिशा च अपणी गड्डियां जो खड़ी करी दें जिस कारण इस तरह रे हादसे होएं.
बिलासपुर: स्वारघाट च चोरें दुकानां च लगाई सेंध, जांच च जुटी पुलिस
चोरें स्वारघाट बीच बाजार तीन दुकानां च सेंधमारी करदे होए लगभग डेढ़ लाख रुपये पर हाथ साफ कितेया है. चोरी री वारदात किराने री दुकान च लगे सीसीटीवी कैमरे च कैद तां होई है, पर शातिर चोरें चोरी रे समय मुंहां पर मास्क लगाई रखेया था. जिसरे चलदे पहचान पाने च मुश्किल होदी. पुलिस ए अज्ञात चोरां रे खिलाफ मामला दर्ज करी ने छानबीण शुरू करी दीती है.
साढ़े तीन सालां ते जुब्बल कोटखाई क्षेत्र री अनदेखी: रोहित ठाकुर
शिमले रे जुब्बल कोटखाई रे पूर्व विधायक क्न्ने कांग्रेस रे संभावित उम्मीदवार रोहित ठाकुर ए जयराम सरकारा पर क्षेत्र री अनदेखी रे आरोप लगाए हन. रोहित ठाकुर ए केहा कि बीजेपी रे साढ़े तीन साल रे कार्यकाल च जुब्बल कोटखाई री पूरी तरह ते अनदेखी कीती गई. रोहित ठाकुर ए केहा कि जुब्बल कोटखाई सेब बहुल क्षेत्र है और इस बार सरकारा री अनदेखी रे चलदे बागवानां जो सेब रे सही दाम नी मिला दे.
सराहां अस्पताल च छत रा प्लास्टर गिरेया, 2 लोकां जो आई चोटां
सराहां सिविल अस्पताल च इक वार्ड री छत ते प्लास्टर रा हिस्सा भरभराई ने पेशेंटां पर पेई गया. हादसे च दो जनांना जो चोटां आई हन. हालांकि दोंनां री स्थिति बेहतर है, पर इस तरह री घटना ते अस्पताल प्रशासन रे कन्ने-कन्ने लोकां री चिंता भी जरूर बढ़ी गई है.
पर्यावरण संरक्षण जो लेई ने शिमला च शुरू होणी ग्रीन फिल्म फेस्टिवल
शिमले च सोमवारा ते ग्रीन फिल्म फेस्टिवल (Green film festival ) रा आयोजन कितेया जाणा. फिल्म फेस्टिवल 3 दिन तक चलणा कन्ने इस दौरान पर्यावरण ते संबंधित फिल्मां दिखाई जाणी. फिल्म फेस्टिवल रा उद्देश्य लोकां च पर्यावरण संरक्षण जो लेई ने जानकारी साझा करना है.
ये भी पढे़ं- पर्यावरण संरक्षण को लेकर शिमला में शुरू होगा ग्रीन फिल्म फेस्टिवल, यहां जानिए शेड्यूल
