BJP आले शराब री जगह पेट्रोल-डीजल या फिरी कड़वा तेल ही बंडी देंदे: विक्रमादित्य सिंह
रामपुर च बीते दिन शराब री खेप पकड़ने पर कांग्रेस विधायक विक्रमादित्य सिंह लगातार सरकारा पर निशाना साधा दे हन. वहीं, सोशल मीडिया पर विक्रमादित्य सिंह ए पोस्ट पाई ने बीजेपी पर तंज कसदे होए लिखेया कि शराब री जगह पेट्रोल डीजल या कड़वा तेल ही बंडी देंदे, कम से कम लोकां री दुआवां तां लगदियां.
कुल्लू रे मलाणा च अगी रा 'तांडव', 12 मकान जली ने होए राख
कुल्लू री मणिकर्ण घाटी रे मलाणा गांव च देर राती अचानक आग लगी गई. दसेया जादा है कि आग लगणे रे कारण 3 मंजिल रे करीब 12 मकान पूरी तरह ते जली ने नष्ट होई गए हन. वहीं, आग लगणे री सूचना मिलदे ही मौके पर लोग इक्ठ्ठा होए कन्ने तिनें अगी पर काबू पाणे रा प्रयास कितेया. ग्रामीणां इस री सूचना फायर विभाग कन्ने जिला प्रशासना जो दीती, पर गांव तक सड़क न होणे रे चलदे फायर बिग्रेड री गड्डियां मौके पर नी पहुंची पाई. कर्मचारियां री टीम पैदल गांव पहुंची कन्ने ग्रामीणां रे कन्ने मिली ने अगी पर काबू पाणे रा प्रयास किते जादा.
पहाड़ां पर सेहत री सांस फूंका दी बाइक एंबुलेंस, मौके पर चिकित्सा देई ने 68 फीसदी मरीज होए ठीक
हिमाचल प्रदेश री कठिन भौगोलिक परिस्थियां रे बीच बाइक एंबुलेंस मरीजां लेई किसी वरदान ते घट नी है. हिमाचल च ये सुविधा इसलिए कारगर साबित होदी है क्योंकि ऐथी पहाड़ी रास्तेयां पर कई जगह एंबुलेंस रोड भी नी बणे हन. हिमाचल च सफल होए इस प्रयोग रे बाद नॉर्थ ईस्ट रे राज्यां समेत पड़ोसी उत्तराखंड कन्ने जम्मू कश्मीर भी इसरा अध्ययन करी ने अपणे ऐथी बाइक एंबुलेंस मॉडल जो लागू करना.
उपचुनाव: मतदान रे दिन एग्जिट पोल पर रेहणी रोक, आदेश जारी
वोटिंग रे दिन हिमाचल प्रदेश च एग्जिट पोल पर रोक रेहणी. ये आदेश मुख्य निर्वाचन अधिकारी, हिमाचल प्रदेश सी.पालरासु ए भारत निर्वाचन आयोग रे दिशा-निर्देशां पर जारी किते हन. तिनें दसेया कि लोक प्रतिनिधित्व अधिनियम,1951 री धारा 126क च ये निर्दिष्ट कितेया गया है कि कोई भी व्यक्ति किसी भी प्रकार रा निर्गम मत सर्वेक्षण नी करना.
डीजीपी संजय कुंडू ए पुलिस विभाग रे अधिकारियां रे कन्ने कीती बैठक
चुनाव ते संबंधित आयोजित समीक्षा बैठक च डीजीपी संजय कुंडू ए राजपत्रित अधिकारियां कन्ने थाना प्रभारियां जो पोलिंग स्टेशनां रा दौरा करने रे निर्देश दिते. पुलिस प्रमुख ए केहा कि 28 अक्टूबर तक निर्वाचन क्षेत्रां च लाइसेंसी हथियारां जो शत-प्रतिशत जमा करना सुनिश्चित कितेया जाए. अवांछनीय तत्वां रे खिलाफ अपराध निवारक धारां रे अंतर्गत ज्यादा ते ज्यादा कार्रवाई करना सुनिश्चित कीती जाए.
कम महत्व वाली परियोजनां रे उद्घाटन री जरूरत नी: HC
हिमाचल हाईकोर्ट ए स्पष्ट कितेया कि ऐड़ी नई इमारतां या अन्य परियोजनाएं, जिनां री लागत बहुत ज्यादा है कन्ने जो ज्यादा सार्वजनिक महत्व री नी हैं तिनां रे उद्घाटन री आवश्यकता नी है. हाईकोर्ट ए इस रे राज्य सरकार को नीति तैयार करने रे आदेश जारी किते हन. मुख्य न्यायाधीश मोहम्मद रफीक कन्ने न्यायाधीश सबीना ए केहा कि उद्घाटन गतिविधियां पर बेफालतू खर्च जो बचाणे लेई ये जरूरी है.
HPTU च खाली पैईदी सीटां पर दाखिले लेई आज होणी स्पॉट काउंसलिंग
हिमाचल प्रदेश तकनीकी विश्वविद्यालय हमीरपुर च विभिन्न विभागां च खाली पैईदी सीटां लेई स्पॉट काउंसलिंग करने रा निर्णय लितेया है. तकनीकी विवि रे अधिष्ठाता शैक्षणिक प्रो. राजेंद्र गुलेरिया ए केहा कि जो अभ्यर्थी पहले ऑनलाइन काउंसलिंग रे किसी भी दौर च भाग लेई चुके थे कन्ने चयनित या चयनित नी थे या किसी भी कारण ते शामिल नी होए थे. सैं दस्तावेजों रे कन्ने आई सकां ए. स्पॉट काउंसलिंग च भी सीटां रा आवंटन शैक्षणिक योग्यता च नंहरां री वरीयता रे आधार पर ही होणा.
हमीरपुर: धमाके रे कन्ने टौणीदेवी च धंसी पहाड़ी, मलबे री चपेटा च आई 5 कारां कन्ने 1 बाइक
हमीरपुर जिले री टौणी देवी हॉस्पिटल रे करीब धमाके रे कन्ने ही पहाड़ी धंसी गई है. हादसे च कोई जानी नुकसान तां नी होया, लेकिन 5 कारां कन्ने इक बाइक मलबे च दबी गई हन. घटना स्थल पर रेस्क्यू टीमां मौजूद हन. डीसी देव श्वेता बनिक रा केहणा है कि घटना स्थल रे करीब बणे स्टाफ क्वार्टर जो एहतियातन खाली कराई दितेया गया है.
उपचुनाव: झूठ री राजनीति करा दे कांग्रेस रे नेता- CM जयराम
मंडी लोकसभा चुनावां जो लेई ने दोनां ही राजनीतिक दलां रे नेता लगातार चुनावी जनसभां जो संबोधित करने च लगे होए हन. वहीं, इक दूसरे राजनीतिक दल री कमियां जो भी जनता रे बीच गिणाया जादा है. मणिकर्ण घाटी रे शाट पहुंचे सीएम जयराम ठाकुर ए केहा कि चुनाव प्रचार रे दौरान कांग्रेस रे नेता झूठ रा सहारा लेदे हन.
सोलन: कंडाघाट रेलवे स्टेशन पर नींबू मसाला चाय रे दीवाने होए अभिनेता आशीष विद्यार्थी
मशहूर फिल्म अभिनेता आशीष विद्यार्थी कसौली री खूबसूरत वादियां रा दीदार करने सोलन पहुंचे थे. अभिनेता रेल गाड़ी रे सफर रा आनंद लेंदे होए कंडाघाट रेलवे स्टेशन पर पहुंचे थे. रेलवे स्टेशन पर अभिनेता ए करीब डेढ़ घंटे बिताए. इस दौरान तिनें स्टेशन री नींबू मसाला चाय रा भी लुत्फ उठाया.
