हिमाचल च कोरोना संक्रमित होदे छात्र, सरकार चुनावां रे बाद लेई सकां ई बड्डा फैसला
हिमाचल प्रदेश रे स्कूलां च संक्रमित विद्यार्थियां री संख्या लगातार बढ़ती ही जादी है. ऐसे च प्रदेश सरकार चुनाव आचार संहिंता खत्म होणे रे बाद स्कूलां जो लेई ने कोई बड्डा फैसला करी सकां ए. स्वास्थ्य विभाग ते मिली जानकारी रे अनुसार प्रदेश च 27 सितंबर 2021 ते हुण तक राजकीय कन्ने निजी स्कूलां च 556 विद्यार्थी कोविड-19 ते संक्रमित पाए गए हन.
इक बार फिरी पार्टी लाइन ते अलग विक्रमादित्य रे विचार! कैप्टन अमरिंदर सिंह रा कितेया समर्थन
हिमाचल कांग्रेस रे युवा नेता कन्ने शिमला ग्रामीण ते विधायक विक्रमादित्य सिंह ए पंजाब रे पूर्व सीएम कैप्टन अमरिंदर सिंह रे फेसबुक पोस्ट रा समर्थन कितेया है. दरअसल, कैप्टन ए पाकिस्तानी पत्रकार अरूसा आलम री कई पार्टियां रे नेतेयां रे कन्ने तस्वीरा जो अपणे फेसबुक पेजा पर जारी करदे होए कांग्रेस नेतेयां सवाल कितेया है कि क्या ये सारे नेता भी ISI रे एजेंट हन.
विधायक मैं सिराज रा हूं लेकिन मुख्यमंत्री सूबे रा, 4 लाख रे मार्जिन ते जीतणी मंडी लोकसभा सीट: जयराम
हिमाचल प्रदेश रे मुखिया जयराम ठाकुर अर्की विधानसभा सीट ते प्रत्याशी रतन पाल सिंह रे समर्थन च कुनिहार इलाके च रैली कीती. इस दौरान तिनें सरकारा री योजनां गिनवाणे रे कन्ने ही विपक्ष पर भी तीखे प्रहार किते. इतना ही नहीं सीएम ए मंडी लोकसभा सीटा पर 4 ते ज्यादा मार्जिन रे कन्ने जीत दर्ज करने रा भी दावा कितेया.
कलबोग च केंद्र कन्ने राज्य सरकार पर बरसे पूर्व केंद्रीय मंत्री आनंद शर्मा, महंगाई-बेरोजगारी पर घेरेया
जुब्बल-कोटखाई विधानसभा क्षेत्र रे कलबोग च कांग्रेस रे स्टार प्रचारक पूर्व केंद्रीय मंत्री आनंद शर्मा ए चुनावी जनसभा जो संबोधित कितेया. आनंद शर्मा ए केहा कि आज देश च हालात ठीक नी चला दे हन. महंगाई चरम सीमा पर है कन्ने सरकार अपनी धुन च खोई होई है.
उपचुनाव रे बीच दिल्ली रवाना होए पीसीसी चीफ कुलदीप राठौर
उपचुनाव रे बीच हिमाचल प्रदेश कांग्रेस रे अध्यक्ष सोमवार देर शामी दिल्ली रवाना होए. 26 अक्टूबरा जो दिल्ली च बैठक होणी है. बैठक कांग्रेस प्रदेश अध्यक्ष, प्रदेश कांग्रेस महासचिव, प्रभारियां री आगामी नवंबर महीने ते शुरू होदे सदस्यता अभियान, जन जागरण अभियान, ट्रेनिंग प्रोग्राम कन्ने आगामी विधानसभा चुनाव लेई बुलाई गई है.
कांग्रेस नेता सुधीर शर्मा रे बयान पर बीजेपी रा पलटवार
भाजपा सह मीडिया प्रभारी करण नंदा ए कांग्रेस नेता सुधीर शर्मा रे बयाना पर पलटवार कितेया है. भाजपा सह मीडिया प्रभारी करण नंदा ए केहा कि मंडी री कांगणीधार च शिवधाम रा काम चला दा है. तिनें केहा कि प्रदेश री जयराम सरकार ए पूरी पारदर्शिता रे कन्ने इस प्रोजेक्ट निर्माण रा टेंडर कितेया है. 150 करोड़ रुपये ते प्रोजेक्ट तय समय पर बणी ने तैयार होणा. करण नंदा ए केहा कि आज वही सुधीर शर्मा मुंगेरी लाल रे हसीन सपने देखा दे हन, जिनें वीरभद्र सरकार च धर्मशाला री जनता जो मैक्लोडगंज तक रोपवे रा सपना दिखाया था.
मलाणा सड़क मार्ग पर खाई च गिरने ते पर्यटक री होई मौत
जिला कुल्लू च खाई च गिरने ते इक पर्यटक री मौत होई गई है. एसपी कुल्लू गुरुदेव शर्मा ए मामले री पुष्टि कीती है. पोस्टमार्टम रे बाद लाशी जो परिजनां जो सौंपी दितया जाणा. पर्यटक गुजरात राज्य री निवासी थी.
बीजेपी रे राज च महंगाई ते जनता परेशान, जनता देणा सरकारा जो जवाब: प्रतिभा सिंह
हिमाचल प्रदेश च जिनां-जिनां उपचुनाव रे दिन नजदीक आदे जादे हन. तिनां ही चुनावी सरगर्मियां तेज होई गई हन. मंडी लोकसभा सीट ते कांग्रेस प्रत्याशी प्रतिभा सिंह चुनाव प्रचार लेई कुल्लू पहुंची थी. इस दौरान तिनें प्रदेश च महंगाई जो लेई ने जयराम सरकारा पर निशाणा साधेया.
मंडी च अपणी हारा जो देखी ने क्षेत्रवाद रा नारा देदे सीएम जयराम: PCC चीफ
पीसीसी चीफ कुलदीप राठौर ए बीजेपी पर निशाना साधते हुए केहा कि भाजपा रे राज च प्रदेश च गोलियां चला दी हन. जनांनान रे कन्ने दुर्व्यवहार होदा है. पुलिस रे अधिकारी आपस च लड़ा दे हन. नशे रा जाल लगातार बढ़ता ही जादा है, लेकिन फिर भी भाजपा सरकार इसरी तरफ ध्यान नी दे दी. सीएम खुद हवाई यात्रा करा दे हन. सड़कां ते तां अहें जादे अहां जो पता है कि प्रदेश च सड़कां री क्या हालत है. पीसीसी चीफ ए केहा कि भाजपा ए हर चुनाव च क्षेत्र, जाति कन्ने धर्म रे नामा पर राजनीति करा दी है. सीएम रे अपणे घर च गुटबाजी चला दी है कन्ने आरोप कांग्रेस पर लगा दे हन.
जोगिंद्रनगर रे रहणे वाले ARMY जवान अमित कुमार री अरूणाचल प्रदेश च मौत, 9 महीने पहले हुई थी शादी
जोगिंद्रनगर उपमंडल रे भटवाड़ा गांव निवासी जवान अमित कुमार री अरूणाचल प्रदेश च पेट्रोलिंग रे दौरान मौत होई गई. एसडीएम डॉ. मेजर विशाल शर्मा ए सैनिक री मौत री पुष्टि करदे होए केहा कि सैनिक रा राजकीय सम्मान रे कन्ने अंतिम संस्कार होणा. 5 लाख रुपये री आर्थिक सहायता भी सैनिक रे परिजनां जो दीती जादी है.
ये भी पढ़ें- हिमाचल में कोरोना संक्रमित हो रहे छात्र, सरकार चुनावों के बाद ले सकती है बड़ा फैसला
