कांग्रेस च इक ही परिवार रे तीन लोक चला दे पार्टी : CM जयराम
सीएम जयराम ए चुनावी जनसभा जो संबोधित करदे होए केहा कि कांग्रेस च इक ही परिवार रे तीन लोक पार्टी चला दे कन्ने कांग्रेस रे नाश रा यही कारण है. CM जयराम ए केहा कि बीजेपी कार्यकर्तां री पार्टी है कन्ने पार्टी सबते बड्डी है, अहें पार्टीया ते बड्डे नी ए.
हिमाचल प्रदेश च आगामी 48 घंटेयां तक खराब रेहणा मौसम
हिमाचल प्रदेश च इक बार फिरी ते मौसमा करवट लेणी. प्रदेश च बरखा कन्ने बर्फबारी री संभावना विभाग ए जताई है. शनिवारा कन्ने तऔरा जो कई जिलेयां च भारी बरखा, अंधड़ कन्ने बर्फबारी री चेतावनी जारी कीती गई है. इस दौरान निचले क्षेत्रां च बरखा होई सकां ई, वहीं ऊपरले क्षेत्रां च बर्फबारी री संभावना जताई गई है.
न्यायाधीश सुरेश्वर ठाकुर रा तबादला, सम्माना च फुल कोर्ट रेफरेंस रा आयोजन
प्रदेश हाईकोर्ट रे न्यायाधीश सुरेश्वर ठाकुर रा तबादला पंजाब एन्ड हरियाणा हाईकोर्ट किते जाणे पर तिनां जो विदाई देणे लेई हिमाचल प्रदेश हाईकोर्ट च फुल कोर्ट रेफरेंस रा आयोजन कितेया गया. कार्यवाही रा संचालन रजिस्ट्रार जनरल वीरेंद्र सिंह ए कितेया. इस अवसरा पर मुख्य न्यायाधीश मोहम्मद रफीक ए केहा कि न्यायाधीश सुरेश्वर ठाकुर रे सौहार्दपूर्ण व्यवहार कन्ने विनम्रते तिनां जो बार कन्ने बेंच रे सदस्यां रा प्रिय बनाई दितेया.
सीएम रे बयाना पर नरेश चौहान रा पलटवार, केहा: कांग्रेस रे बल नेता कन्ने नीति दोनों
कांग्रेस प्रवक्ता नरेश चौहान ए केहा कि मुख्यमंत्री अपनी पार्टी कन्ने सरकारा री चिंता करें. कांग्रेस रे बल नेता भी है कन्ने नीति भी है. चौहान ए मुख्यमंत्री ते सवाल कितेया है कि तुहें क्या 2017 ते पहले नेता थे. तिनें केहा कि मुख्यमंत्री स्तर रे नेतेयां री कांग्रेस रे बल भरमार है, बल्कि कांग्रेस रे बल तिनां ते बेहतर नेता हन.
CM जयराम ए रामपुर च चुनावी जनसभा जो कितेया संबोधित, चारों सीटां पर जीत रा कितेया दावा
मुख्यमंत्री जयराम ठाकुर ए रामपुर च चुनावी जनसभा जो संबोधित करदे हुए दावा कितेया कि मंडी लोकसभा सीट रे कन्ने-कन्ने अन्य विधानसभा री सीटां पर भाजपा री ही जीत होणी. मुख्यमंत्री ए केहा कि भाजपा विकास रे नामा पर चुनाव लड़ा दी है.
मंडी लोकसभा चुनाव च NOTA रा प्रयोग करना सवर्ण समाजा
सामान्य वर्ग संयुक्त मंच ए ऐलान कितेया कि तिनां लोकसभा उपचुनाव रे दौरान किसी रा समर्थन नी करना. लोकसभा उपचुनाव च नोटा रा प्रयोग कितेया जाणा, ताकि सरकारां जो भी सवर्ण समाज री ताकत रा एहसास होई सके. मंच ए ये फैसला सरकार द्वारा सवर्ण आयोग रे गठन न करने जो लितेया है.
शादी समारोह ते लौटदे वक्त हादसा, दो युवकां री मौत, 3 गंभीर रूप से घायल
हरियाणा राज्य रे खिदराबाद च सड़क हादसे च पांवटा निवासी दो युवकां री मौत होई गई. हादसा हरियाणे रे यमुनानगर जिले रे खिदराबाद च होया. हादसे रे बाद परिवार रे कन्ने-कन्ने शहरा च भी मातम छाई गेया. पांवटा साहिब नगर परिषद रे वाइस चेयरमैन ओपी कटारिया रे भतीजे विशाल कटारिया री 21 अक्टूबरा जो ब्याह था. बारात री इक कार देर राती जो वापस लौटदे टाइम खिदराबाद रे बल दुर्घटनाग्रस्त होई गई. जिस च लाड़े रे फूफेरे भाई वैभव कन्ने दोस्त सोनू री मौत होई गई.
MLA जवाहर ठाकुर रे बयाना जो तोड़-मरोड़ी ने पेश कितेया गया: पायल वैद्य
भाजपा प्रदेश सचिव पायल वैद्य ए केहा कि पुराने टाइम च पहले ऐड़ी परंपराएं थी, लेकिन आज रे दौर च ये गल ठीक नी है. पायल वैद्य ए विधायक जवाहर ठाकुर रा बचाव करदे होए केहा कि तिनां रे बयाना जो तोड़ी-मरोड़ी करी ने पेश कितेया जादा. कांग्रेस अपणी हार जो देई ने बौखलाहट च मुद्देयां ते हटी ने बयानबाजी करा दी है.
त्योहारी सीजन पर दीती गई ढील रा गलत फायदा न चकें दुकानदार : डिप्टी मेयर
सोलन नगर निगम रे डिप्टी मेयर राजीव कौड़ा ए दसेया कि त्योहारी सीजना जो देखदे होए बाजारां च थोड़ी ढील दीती गई है, लेकिन जिस तरह ते बाजार कन्ने फुटपाथ पर अतिक्रमण बढ़दा जादा है सैं गलत है. तिनें केहा कि जिनां दुकानदारां लोकां रा रास्ता रोकणा तिस पर नगर निगमा कार्रवाई भी करनी.
भाजपा रे बल कोई मुद्दा नी, कारगिल युद्ध रे नामा पर लड़ा दी है चुनाव: सुखविंदर सिंह सुक्खू
प्रदेश कांग्रेस कमेटी रे पूर्व प्रदेशाध्यक्ष व कांग्रेस रे स्टार प्रचारक सुखविंदर सिंह सुक्खू ए जयराम सरकारा पर हमला बोलेया है. नाचन विधानसभा क्षेत्र रे दयारगी च इक जनसभा जो संबोधित करदे होए सुखविंदर सिंह सुक्खू ए केहा कि भाजपा विकास रे मुद्देयां जो छड्डी ने कारगिल युद्ध जो लेई ने उप चुनाव लड़ा दी है.
