દેહરાદૂનમાં માનવતા મરી ગઈ : પોલીસ VIDEO બનાવતી રહી, ઈજાગ્રસ્ત સૈનિકનું થયું મોત

ઉત્તરાખંડ પોલીસનો અમાનવીય ચહેરો રવિવારે રાત્રે સામે આવ્યો. ચિતા પોલીસના બે કોન્સ્ટેબલના કારણે રોડ અકસ્માતમાં ઈજાગ્રસ્ત થયેલા કોન્સ્ટેબલનું મોત (Death Of Constable In Uttarakhand) થયું હતું. ચિતા પોલીસના જવાનોએ થોડી માનવતા દાખવી હોત તો કદાચ કોન્સ્ટેબલ રાકેશ રાઠોડનો જીવ બચી ગયો હોત. જો કે આ મામલામાં હવે દેહરાદૂનના SSP અને DGP અશોક કુમાર તપાસ કરવાની વાત કરી રહ્યા છે. હકીકતમાં મોડી રાત્રે દેહરાદૂન પોલીસ લાઇનમાં તૈનાત કોન્સ્ટેબલ રાકેશ રાઠોડ બાઇક પર હરિદ્વારથી દેહરાદૂન આવી રહ્યા હતા. ત્યારે હરરાવલા પાસે મધ્ય રસ્તે કોન્સ્ટેબલ રાકેશ રાઠોડનું બાઇક ડિવાઈડર સાથે અથડાતા રાકેશ રાઠોડને ગંભીર ઈજા થઈ હતી. મામલાની માહિતી મળતા જ ચિતા પોલીસના જવાનો પણ ઘટનાસ્થળે પહોંચી ગયા હતા અને એમ્બ્યુલન્સને બોલાવી હતી. સિપાહી રાકેશ રાઠોડ રસ્તા પર રડતો હતો, પરંતુ તેને પાણી પીવડાવવા કે મદદ કરવાને બદલે ચિતા પોલીસ કર્મચારીઓ તેનો વીડિયો બનાવીને એમ્બ્યુલન્સની રાહ જોતા હતા. વીડિયોમાં સ્પષ્ટ દેખાઈ રહ્યું છે કે, રાકેશ હિંમત કરીને પોતાની મેળે ઊભો થઈ રહ્યો હતો, પરંતુ પોલીસકર્મીઓએ તેની મદદ કરી ન હતી.