પાટણના બાલીસણા ગામમાંથી પસાર થતી કેનાલમાં યુવક ડૂબ્યો

પાટણઃ તાલુકાના બાલીસણા ગામ પાસેથી પસાર થતી કેનાલમાં ગામના બે યુવાનો ધૂળેટી રમ્યા બાદ નાહવા પડ્યા પડ્યા હતા. કેનાલમાં પાણીની આવક વધુ હોવાથી એક યુવાન ડૂબી ગયો હતો. આ ઘટનાની જાણ થતાં લોકોના ટોળેટોળા ઉમટયા હતાં. આ અંગેની જાણ પાટણ નગરપાલિકાને કરાતા તરવૈયાઓએ ઘટનાસ્થળે પહોંચી કેનાલના પાણીમાં ઉતરી યુવકની શોધખોળ હાથ ધરી હતી. આ ઘટનાને પગલે પાટણના ધારાસભ્ય કિરીટ પટેલ પણ આવી પહોંચ્યા હતા. કલાકો સુધી યુવકની શોધખોળ કરી હોવા છતાં યુવકની ભાળ મળી નહોતી. જેથી અમદાવાદથી રેસ્ક્યુ ટીમ બોલાવવાની ફરજ પડી હતી.