વડોદરા તીબેટીયન માર્કેટમાં ડુપ્લીકેટ કપડાનું વેંચાણ કરતા 8 તીબેટીયનોની અટકાયત

વડોદરા : શહેરમાં નેત્રીકા કન્સ્ટ્રલટિંગ ઈન્ડિયા પ્રાઈવેટ લિમિટેડ કંપની તરફથી રાજમહેલ રોડ તીબેટીયન માર્કેટની દુકાનોમાં તેઓની કંપનીના રેડીમેડ કપડાંની પ્રોડક્ટનું ગેરકાયદેસર વેચાણ થતું હોવાની માહિતી મળતા શહેર પી.સી.બી એ સુપર ડ્રાય કંપનીના ફિલ્ડ એક્ઝિક્યુટિવ સની જૈનને સાથે રાખી તીબેટીયન માર્કેટમાં રેડ કરી હતી. જેમાં 9 દુકાનોમાંથી કંપનીના ડુપ્લીકેટ માર્કા વાળા ટી-શર્ટ, જેકેટ, પેન્ટ, શર્ટ મળી 312 નંગ મળી આવ્યા હતા. જે બનાવ સંદર્ભે PCB પોલીસે 8 તીબેટીયનોની અટકાયત કરી હતી. જેમાં 4,92,500 રૂપિયાનો મુદ્દામાલ રાવપુરા પોલીસ મથકને હવાલે કરતા રાવપુરા પોલીસે તેઓ વિરુદ્ધ કોપી રાઈટ એક્ટ હેઠળ ગુનો નોંધાવાની તજવીજ હાથધરી હતી.