પોરબંદરમાં હોળી પર મણિયારો રાસ સાથે અનોખી ઉજવણી, જુઓ વીડિયો

પોરબંદરઃ હોળીનો તહેવાર દરેક પ્રદેશમાં અલગ અલગ રીતે ઉજવાય છે, ત્યારે પોરબંદરના ગામડાઓમાં હોળી બાદ ત્રણ દિવસ સુધી પડવો ઉત્સવ ઉજવાય છે અને આ ત્રણ દિવસ સુધી ગામડાઓમાં મુખ્ય ચોકમાં ઢોલના તાલે અને શરણાઇના સૂરે યુવાનો રાસ રમી ઉજવણી કરે છે. પોરબંદરના બખરલા ગામમાં પણ ત્રણ દિવસ સુધી આ ઉત્સવનું આયોજન દર વર્ષે કરવામાં આવે છે. જેમાં મોટી સંખ્યામાં ગામ લોકોએ ઉપસ્થિત રહી આ કાર્યક્રમની મજા માણી હતી, તો મહેર જ્ઞાતિમાં મુખ્ય ગણાતા મણિયારો રાસ યુવાનોએ રમી લોકોને મંત્રમુગ્ધ કર્યા હતા.