અમદાવાદ પાણી પાણી, વિકાસના કામોની વાતો પોકળ, કોર્પોરેશન ડ્રેનેજ સિસ્ટમ થઈ ફેલ

અમદાવાદમાં છેલ્લા ત્રણ દિવસથી સાર્વત્રિક વરસાદ (Ahmadabad rain update) જોવા મળી રહ્યો છે. ગત મોડી રાત્રે થયેલા 18 ઈંચ જેટલા વરસાદથી સમગ્ર શહેર બોટમાં ફેરવાયું ગયું હતું. જેના કારણે અનેક મકાનોમાં પાણી આવી ગયા હતા. જેના કારણે સ્થાનિક લોકો ભારે મુશ્કેલી અનુભવી રહ્યા છે. સ્થાનિક લોકો દ્વારા સ્થાનિક કોર્પોરેટરને ફરિયાદ કરી હોવા છતાં કોઈ ઉકેલ આવ્યો નથી. અમદાવાદ સ્માર્ટ સીટી પ્રોજેકટના (Smart City Project) અંતર્ગત કેટલો વિકાસ કરવામાં આવ્યો છે અને કોર્પોરેશન ડ્રેનેજ સિસ્ટમ કેટલી સફળ છે તે અમદાવાદવાસીઓ એ આ વરસાદમાં જોઈ લીઘી છે. અમદાવાદ કોર્પોરેશનની (Ahmedabad Corporation) આ કામગીરીની પોલ આ વરસાદે ખોલી નાખી છે.