કોવિડની જટિલતાઓને વધારે છે ભાંગના નશાની ટેવઃ શોધ

સામાન્ય રીતે એવું માનવામાં આવે છે કે કોરોના સંક્રમણની જટિલ અસરો ડાયાબિટીસ અને સ્થૂળતા જેવા કોમોર્બીડ રોગોથી પીડિત લોકોમાં અને ધૂમ્રપાનની આદત ધરાવતા લોકોમાં જોવા મળે છે. પરંતુ તાજેતરના સંશોધનમાં જાણવા મળ્યું છે કે ગાંજાની ટેવથી કોરોનાના ગંભીર પરિણામો આવી શકે છે. જે લોકો ડ્રગ્સના વ્યસની છે અથવા "કેનાબીસ યુઝ ડિસઓર્ડર" એટલે કે સીયુડીથી પીડાતા લોકોમાં આમ જોવા મળે છે.

• કોરોના દર્દીઓ અને ગાંજાના નશા અંગે સર્વેક્ષણ
• "કેનાબીસ યુઝ ડિસઓર્ડર" કોરોના દર્દીમાં ગંભીર પરિણામ લાવી શકે
• વોશિંગ્ટન યુનિવર્સિટી દ્વારા CUD અંગે હાથ ધરાયેલા સંશોધનના તારણો

કોરોના સંક્રમણની શરૂઆતથી એવા લોકો જેઓ ધૂમ્રપાન અથવા કોઈપણ પ્રકારના નશામાં વ્યસની છે તેમને સંક્રમણના સંદર્ભમાં વધુ સાવચેત રહેવાની સલાહ આપવામાં આવી હતી. આ જ વિષય સાથે સંબંધિત એક નવા અભ્યાસમાં એવો પણ દાવો કરવામાં આવ્યો છે કે જે લોકો કેનાબીસ એટલે કે ગાંજાના વ્યસની હોય છે તેઓ માટે કોરોના સંક્રમણના ગંભીર પરિણામો લાવી શકે છે.

સેન્ટ લુઇસમાં વોશિંગ્ટન યુનિવર્સિટી દ્વારા હાથ ધરાયેલા સંશોધનમાં ગાંજાના બંધાણીઓમાં કોરોના સંક્રમણની તીવ્રતાને માપવા માટે "આનુવંશિક રોગચાળાના મોડેલ" નો ઉપયોગ કરવામાં આવ્યો હતો. તેણે એ પણ જાણવાનો પ્રયાસ કરાયો કે CUD માટે આનુવંશિક વલણ COVID-19 ને ગંભીર પ્રતિક્રિયાના જોખમ સાથે સંબંધિત છે કે નહીં.

આ અભ્યાસમાં સીયુડી પીડિતો અને સામાન્ય આરોગ્ય ધરાવતા લોકોના કોવિડ પરિણામોની તુલના સંક્રમણના પ્રકારને આધારે કરવામાં આવી હતી. જેમાં સંશોધકોએ શોધી કાઢ્યું હતું કે સીયુડી ધરાવતા લોકોમાં ગંભીર COVID-19 હાજરી હતી.

જર્નલ બાયોલોજિકલ સાઇકિયાટ્રી: ગ્લોબલ ઓપન એક્સેસમાં, સંશોધકો સૂચવે છે કે ભારે અને સમસ્યારૂપ ગાંજાનો ઉપયોગ ગંભીર COVID-19 હાજરીને ઘટાડવા માટે સંશોધિત માર્ગનું પ્રતિનિધિત્વ કરી શકે છે. યુનિવર્સિટીમાં પોસ્ટડોક્ટરલ સંશોધક એલેક્ઝાન્ડર એસ. હાટૌમ સમજાવે છે કે આ અભ્યાસમાં બે બાબતો સામે આવી છે, પ્રથમ, સીયુડી પીડિતોમાં ગંભીર કોવિડ -19 નું વલણ સામાન્ય જૈવિક પદ્ધતિને કારણે વિકસે છે. વિવિધ સિસ્ટમોમાં બળતરા જેવી સમસ્યાઓના કારણે પીડિતના લક્ષણો ગંભીર છે. ગાંજાના નશાની આદતને કારણે અન્ય અને સામાન્ય સમસ્યાઓ છે જે સંક્રમણ દરમિયાન વધુ જટિલતા તરફ દોરી શકે છે.

સંશોધક હાટૌમ કહે છે કે ગાંજાના ઉપયોગથી થતા વિકારોને અસર કરતા જનીનોને ઓળખીને તે જાણી શકાય છે કે વ્યક્તિમાં આ પ્રકારની દવાની આદત કોવિડ -19 ચેપ પીડિતોની તીવ્રતામાં વધારો કરી શકે છે જે હોસ્પિટલમાં દાખલ થવાની સંભાવના પણ વધારે છે.સંશોધનમાં જાણવા મળ્યું છે કે "કેનાબીસ યુઝ ડિસઓર્ડર (CUD) ધરાવતા વ્યક્તિ માટે આનુવંશિક જોખમ COVID-19 માટેના તેમના જોખમ સાથે સંકળાયેલું છે.

આ સંશોધનમાં કલા અને વિજ્ઞાનમાં વિભાગના સહયોગી પ્રોફેસર રયાન બોગડાન જણાવે છે કે કોવિડ 19 ના ફેલાવાને પગલે ગાંજાના ઉપયોગ અંગેના કેનાબીસ વ્યસન સંબંધિત કાયદાઓ અને આપણા સામાજિક-સાંસ્કૃતિક વલણ પર નજર રાખવાની જરૂર છે.

સંશોધક હાટૌમ સમજાવે છે કે "સીયુડી અને કોવિડ -19 વચ્ચેની આનુવંશિક કડી એ શક્યતા વધારે છે કે ગાંજાનો વધુ પડતો ઉપયોગ COVID-19 ના ગંભીર લક્ષણોને નિયંત્રિત કરી શકે છે." ઉદાહરણ તરીકે, જો ગાંજાના વ્યસની હોય તેવા લોકોમાં ગાંજાનો ઉપયોગ નિયંત્રિક કરવામાં આવે તો તેમનામાં COVID-19 ની અસરો ઘટાડવામાં મદદ કરે છે.

આ અભ્યાસ માટે સંશોધકોની ટીમે હાલના ડેટાસેટ્સને જોડીને પરીક્ષણ કર્યું કે કેનાબીસ યુઝ ડિસઓર્ડર (CUD) માટે ઉચ્ચ આનુવંશિક જોખમ COVID હોસ્પિટલમાં દાખલ થવાના જોખમ સાથે સંબંધિત હતું. ડેટાના એક સેટમાં 357,806 લોકોનો સમાવેશ કરવામાં આવ્યો હતો. જેમાં CUD ધરાવતા 14,080 લોકોનો સમાવેશ થાય છે. અન્ય 1,206,629 લોકોમાંથી 9,373 એવા હતાં જેમને કોવિડ સંક્રમણના કારણે હોસ્પિટલમાં દાખલ કરવામાં આવ્યાં હતાં. CUD અને ગંભીર કોવિડ વચ્ચેના જોડાણનું મૂલ્યાંકન કરવા માટે સંશોધનમાં 7 મિલિયન આનુવંશિક રુપની પણ તપાસ કરવામાં આવી હતી.

આ પણ વાંચોઃ 'લાઇક' અને 'શેર' લોકોને ઓનલાઈન વધુ ગુસ્સો વ્યક્ત કરવાનું શીખવે છે: અભ્યાસ

આ પણ વાંચોઃ જીવલેણ મચ્છરોથી સુરક્ષિત રહો અને સાવચેતી રાખો: વિશ્વ મચ્છર દિવસ