નવી દિલ્હી: આરોગ્ય નિષ્ણાંતોએ સોમવારે જણાવ્યું હતું કે, છેલ્લા બે વર્ષમાં કોવિડ-19 (COVID 19 Case India) દરમિયાન 10માંથી 9 લોકોએ અમુક અંશે દ્રષ્ટિ ગુમાવી છે. તેનુ તથ્ય એ છે કે, મોટાભાગના લોકોએ તેમની નિયમિત આંખની તપાસ અને પોસ્ટ-પેન્ડેમિક લોકડાઉન દરમિયાન ફોલો-અપ્સ છોડી દીધા છે.
90 ટકા દર્દીઓએ અમુક અંશે દ્રષ્ટિ ગુમાવી જાણો શું કામ?
ડાયાબિટીક રેટિનોપેથી (Diabetic retinopathy treatment) અથવા વય-સંબંધિત ડિજનરેશન જેવા રેટિના રોગોમાં શરૂઆતમાં થોડા અથવા હળવા લક્ષણો હોય છે, જેનુ આંખની તપાસ અથવા સ્ક્રીનીંગ દ્વારા જ સામે આવે છે. જો સમયસર કાળજી લેવામાં ન આવે તો આ પરિસ્થિતિઓ આંખોને ગંભીર નુકસાન પહોંચાડે છે. મુંબઈ રેટિના સેન્ટરના (Retina Center Mumbai) CEO વિટ્રેઓરેટિનલ સર્જન ડૉ. અજય દુદાનીએ IANSને કહ્યું, કોવિડની પ્રથમ અને બીજી લહેર (Second Wave of Corona) દરમિયાન નબળા ફોલો-અપને કારણે 90 ટકા દર્દીઓએ અમુક અંશે દ્રષ્ટિ ગુમાવી દીધી છે. ખાસ કરીને AAMDથી પીડિત દર્દીઓમાં આ સમસ્યા જોવા મળી છે. આ દર્દીઓ મોટે ભાગે તેમના ઇન્ટ્રાવિટ્રીયલ ઇન્જેક્શન લેવાનું ચૂકી ગયા હતા જેના કારણે આ સમસ્યા ઝડપથી આગળ વધી હતી.
જાણો બેંગલુરુના વરિષ્ઠ વિટ્રીઓ-રેટિનલ કન્સલ્ટન્ટનું શું કહેવું છે?
નારાયણ નેત્રાલય આઇ ઇન્સ્ટિટ્યૂટ, બેંગલુરુના વરિષ્ઠ વિટ્રીઓ-રેટિનલ કન્સલ્ટન્ટ ડૉ. ચૈત્રા જયદેવાએ જણાવ્યું હતું કે, કોવિડના ભયને કારણે, છેલ્લા 3-4 મહિનામાં નિયમિત આંખની તપાસ કરવાનું ટાળ્યું છે. જેના કારણે નિદાન અને સારવારમાં વિલંબ થયો છે, જે લાંબા ગાળે દ્રષ્ટિ માટે હાનિ પહોંચાડે છે. ડોકટરોએ જણાવ્યું હતું કે, રોગને કાબૂમાં લેવા અને દ્રષ્ટિ ગુમાવવાથી બચવા માટે વહેલાસર નિદાન અને સારવાર લેવી આવશ્યક છે.
આંખોની સમયસર સારવાર લેવી અતિઆવશ્યક
ક્લિનિકની મુલાકાતો જેટલી લાંબી બંધ રહેશે એટલું જ આંખો માટે ખરાબ છે. વિટ્રેરોરેટિનલ સોસાયટી ઑફ ઈન્ડિયાના જનરલ સેક્રેટરી ડૉ. રાજા નારાયણે IANSને કહ્યું કે, "આ કોવિડ દરમિયાન આપણે સાવચેત જરૂરી છે, દર્દીઓએ મેક્યુલર ડિજનરેશન અથવા ડાયાબિટીક મેક્યુલર એડીમા માટે મુલાકાતમાં વિલંબ કરવો જોઈએ નહીં. દુદાનીએ વધુમાં જણાવ્યું હતું કે, ત્રીજી લહેર સાથે, અમે ભૂતકાળની જેમ જ પેટર્ન જોઈ રહ્યા છીએ, કારણ કે દર્દીઓની મુલાકાત ખાસ કરીને વૃદ્ધોમાં લગભગ 50 ટકા જેટલો ઘટાડો જોવા મળ્યો છે. કારણ કે રેટિનાને બદલી શકાતી નથી અને ઇન્જેક્શન ન મળવાથી અથવા સારવારનું યોગ્ય રીતે પાલન ન કરવાથી આંખને નુકશાન પહોંચે છે.
ડોકટરોએ દર્દીઓને ટેલીકન્સલ્ટેશન લેવા માટે પણ પ્રોત્સાહિત કર્યા
ડોકટરોએ દર્દીઓને ટેલીકન્સલ્ટેશન લેવા માટે પણ પ્રોત્સાહિત કર્યા હતા. આંખના પરીક્ષણો છે, જે કોઈપણ વ્યક્તિ ઘરે બેસીને કરી શકે છે, ત્યારબાદ તેનો રિપોર્ટ ડૉક્ટરને તપાસ માટે મોકલી શકે છે. જયદેવે કહ્યું, જો દર્દીઓને અસ્પષ્ટ દેખાતું હોય, અચાનક દ્રષ્ટિ ગુમાવવી અથવા દ્રશ્યમાં શ્યામ ફોલ્લીઓ જેવા લક્ષણોનો અનુભવ થાય, તો તેઓએ તાત્કાલિક આંખની તપાસ કરાવી જોઇએ, કારણ કે આ ડાયાબિટીક રેટિનોપેથીના લક્ષણો હોઈ શકે છે. આવી ગૂંચવણોને ફેલાતા અટકાવવા માટે ડાયાબિટીસના દર્દીઓએ ખાતરી કરવી જોઈએ કે તેમનું સુગર લેવલ નિયંત્રણમાં છે કે નહી?
આ પણ વાંચો:
Eye Care During COVID19 : મહામારી દરમિયાન 90 ટકા લોકોની આંખોમાં અમુક અંશે ઝાંખપ આવી ગઇ છે
Daily Mail India: રેડ વાઇન કોવિડને દૂર કરવામાં અસરગ્રસ્ત: સંશોધનમાં કરાયો ઉલ્લેખ
