વલસાડના કૈલાસ રોડ ઔરંગા નદીના પુલ ઉપરથી 32 વર્ષીય અમિત પટેલ BCAએ કર્યા બાદ ઘરે બેસી રહ્યો હતો. શુક્રવારે સાંજે વલસાડ અમિત તેના મિત્ર રાહુલ સાથે વલસાડ કામ અર્થે જઇ રહ્યો હતો. કૈલાસ રોડ ઔરંગા નદીના પુલ ઉપર રાહુલની મોટર સાઇકલ ઉભી રાખવી પુલ ઉપરથી નદીના વહેતા પાણીમાં ઝંપલવી આત્મહત્યા કરી લીધી છે.
અમિતે ક્યાં કારણોથી આત્મહત્યા કરી તે હજુ પણ રહસ્ય છે. ઘટનાની જાણકારી તાત્કાલિક સિટી પોલીસ અને વલસાડ ફાયર ફાઈટરને જાણ કરવામાં આવી હતી. તાત્કાલિક સિટી પોલીસના જવાનો અને ફાયર વિભાગ ઘટના સ્થળ ઉપર પહોંચી અમિત પટેલની તપાસ હાથ ધરવામાં આવી હતી.
નોંધનીય છે કે, ઘટનાની જાણકારી મળતા અમિતના સંબંધીઓ સ્થળ ઉપર ધસી આવ્યા હતા અને તેના મોતના કારણો અંગે ચર્ચા કરતા નજરે ચડ્યા હતા. ઘટનાની જાણકારી મળતા મામલતદાર પણ સ્થળ ઉપર પહોંચ્યા હતા. જો કે હજુ સુધી યુવકના મૃતદેહનો કોઈ પતો લાગ્યો નથી.
