વલસાડ: જિલ્લા ST વિભાગ દ્વારા કોરોના વાઇરસથી બચવા માટે સતર્કતા દાખવામાં આવી રહી છે, ત્યારે સરકાર દ્વારા જાહેર સ્થળો ઉપર તકેદારી રાખી સ્વચ્છતા જાળવવા માટે જણાવવામાં આવ્યું છે. વલસાડ જિલ્લા ST વિભાગ દ્વારા ડેપોના બાંકડા, ST બસો, સીટો, હેન્ડલો સહિત જ્યાં રોજિંદા મુસાફરી કરનારા લોકોના હાથ લાગતા હોય એવા સ્થળો ઉપર એન્ટી બેક્ટેરિયલ દવાનો છંટકાવ કરવામાં આવી રહ્યો છે. જેથી અહીં આવતાનારા લોકો કોરોના જેવા વાયરસના ચેપથી બચી શકે. વલસાડ ST વિભાગના અધિકારીએ જણાવ્યું કે, જાહેર સુખકારી માટે દર બીજા દિવસે એન્ટી બેક્ટેરિયલ દવાઓનો છંટકાવ કરવામાં આવે છે.
ઉલ્લેખનીય છે કે, વલસાડ ST ડેપોમાં રોજિંદા હજારો મુસાફરો અવર-જવર કરતાં હોય છે. એમાં પણ ધરમપુર અને કપરાડા જવા માટે વલસાડ ડેપોથી અનેક બસો રવાના થાય છે. જેના કારણે મોટી સંખ્યામાં લોકોની ભીડ ડેપો પર જોવા મળે છે. જેના કારણે તકેદારીના પગલાંરૂપે આ કામગીરી ખૂબ જ ઉત્તમ હોવાનું જણાઇ રહ્યું છે.
