એવું ચોક્કસ પણે કહી શકીએ કે બાઈકમાં એવરેજ વધારવા માટે માત્ર પાણી નો ઉપયોગ કર્યો છે અને આ સફળ પ્રયોગ તેમણે પ્રથમ પોતાની કાર અને બાઈક ઉપર કર્યો છે.
વલસાડ જીલ્લાના કોપરલી ગામે રેહતા મુકેશભાઈ પટેલ જેઓ કપરાડા તાલુકામાં વોકેશન ટ્રેનીંગ સેન્ટર કપરાડા ખાતે નોકરી કરે છે. તેઓ પોતે ઈલેક્ટ્રીક એન્જીનિયર છે. તેમણે પાણીથી ચાલતી કીટ વિકસાવી છે.
પાણીમાં રહેલા હાઇડ્રોજનને છૂટો કરીને એન્જીનને બળતણ અને સ્ટ્રોકમાં વધુ બળ પૂરું પાડે છે. આ કીટ બનાવવા માટે તેમને અંદાજીત 2 વર્ષ જેટલો સમય થયો છે. તેમજ માત્ર 2500ના અદાંજીત ખર્ચે આ કીટ વિકસાવી પ્રથમ પોતાની બાઈકમાં તેનો ઉપયોગ શરુ કર્યો. તેમણે અને બાદ માં કારમાં પણ આ કીટ લગાવ્યા બાદ તેમને પરિણામ પણ ખુબ ઉત્તમ સાંપડ્યું હતું. બાઈક જે એવરેજ આપતી હતી એક લીટરમાં 50 કિ.મી થી વધીને 90 થી 95ની એવરેજ આપવા માંડી હતી. સાથે સાથે બાઈકની પીકઅપ પણ વધી ગઈ હતી. તો કારમાં પણ આવરેજ 50 ટકા વધારો થયો હતો.
મુકેશભાઈએ જણાવ્યું કે હાલ ગ્લોબલ વોર્મિંગથી વિશ્વ ઝઝૂમી રહ્યું છે ત્યારે પર્યાવરણને અનુકુળ રહેતે માટે તેમના દ્વારા કંઈક કરવાની તમ્મના હતી અને તેમણે સોશિયલ મીડિયા અને ઇન્ટરનેટના માધ્યમથી અને પોતાની ઈલેક્ટ્રોનિક ઈજનેર હોય પોતાની આગવી સુઝબુઝ વડે તેમણે આ કીટ બનાવી છે. હાલ તેમની પાસે અનેક લોકો આ કીટ બનાવવા માટે આવી રહ્યા છે. કેટલાક લોકો તો તે ફીટ કરાવી ચુક્યા છે.
કીટની ખાસિયત એ છે કે તે પાણી માંથી હાઈડ્રોજન છુટું કરીને એન્જીનને પહોંચાડે છે અને તેનો બળતણમાં ઉપયોગ થાય છે. જેથી એન્જીનમાં કાર્બન ડાયોક્સાઈડ નીકળતો નથી. માત્ર હાઇડ્રોજનજ બળતણ તરીકે ઉપયોગમાં આવે છે. આમ એવું કહીએ તો ખોટું નથી કે પાણી વડે ચાલતી કીટ હવે બાઈક અને કારની એવરેજ વધારવામાં મદદરૂપ બનશે
