વલસાડ: નિર્સગ વાવાઝોડાને લઇને જિલ્લા કલેક્ટરે જણાવ્યું કે, મંગળવારે NDRFની ટીમે જિલ્લાના કોસંબા ગામની મુલાકાત લીધી હતી. આ ઉપરાંત દરિયા કિનારાના 3 કિલોમીટરની ત્રિજ્યામાં રહેતા અનેક લોકોને કિનારો ખાલી કરી શેલ્ટર હોમમાં લઇ જવા માટે તજવીજ હાથ ધરી હતી. આ સાથે જ તેમણે વાવાઝોડું કેટલુ દૂર છે અને તેનાથી કેટલું નુકસાન થઇ શકે છે એ તમામ જાણકારી લોકોને આપી હતી.
વાવાઝોડા સામે જાન-માલનું રક્ષણ કરવા વલસાડ સક્ષમઃ કલેક્ટર
કોસંબા દિવાદાંડી વિસ્તારમાં 200થી વધુ ઘર આવેલા છે અને આ તમામ ઘરોમાં 4થી 5 વ્યક્તિઓ વસવાટ કરે છે. જેથી જિલ્લા વહીવટી તંત્રએ આ તમામ લોકોને શેલ્ટર હોમમાં ખસેડવાની તજવીજ હાથ ધરી હતી.
ઉલ્લેખનીય છે કે, જિલ્લામાંથી અંદાજીત 4,000 લોકોને ખસેડવામાં આવશે. આ લોકો માટે 35 ગામોમાં 35 શેલ્ટર હોમ પણ બનાવવામાં આવ્યા છે. આ તમામ સ્થળોએ કોરોનાને ધ્યાનમાં રાખીને સોશિયલ ડિસ્ટન્સિંગ સહિતની તકેદારી રાખવામાં આવી રહી છે.
