દક્ષિણ ગુજરાતના રેન્જ આઇજી ડો.એસ પી રાજકુમારના વરદ હસ્તે શનિવારના રોજ તિથલના દરિયા કિનારે જંગલખાતા દ્વારા મૂકવામાં આવેલા ફાઇબરના ડોમમાં તિથલ પોલીસ ચોકીનો પ્રારંભ કરવામાં આવ્યો હતો, રેન્જ આઇજી દ્વારા રીબીન કાપી તકતીનું અનાવરણ કરી પોલીસ ચોકીનો ઉદ્ઘાટન કરવામાં આવ્યો હતો, તેમણે જણાવ્યું એક અઠવાડિયામાં પચાસ હજાર કરતા પણ વધુ લોકો તિથલના દરિયા કિનારાની મુલાકાત લે છે. આવા સમયે તેમની સુરક્ષા માટે પોલીસનું કર્તવ્ય છે, અહીં ગુનાખોરીનું પ્રમાણ ન વધે અને લોકો સુરક્ષિત રીતે તેમના પરિવાર સાથે હરી ફરી શકે તેવા હેતુથી અહીં વલસાડ જિલ્લા પોલીસ દ્વારા પોલીસ ચોકી શરૂ કરવામાં આવી છે. જેથી કરીને ફરી આવનારા લોકોને સુરક્ષા જળવાઈ રહે.
વલસાડના તિથલ દરિયા કિનારે પોલીસ ચોકીનું ઉદ્ઘાટન
