વલસાડની શાળાના કમ્પાઉન્ડમાં દીપડો, વિદ્યાર્થીઓના જીવ અદ્ધર તાલે

વલસાડઃ શહેરમાં હજુ બે દિવસ પહેલા જ દીપડાએ ઘરમાં ઘુસીને એક યુવક ઈજાગ્રસ્ત કર્યો હતો. જે બાદ શુક્રવારે અતુલ નજીકમાં આવેલી કલ્યાણી સ્કૂલના કમ્પાઉન્ડમાં વિદ્યાર્થીઓએ દીપડાને ફરતો જોયો હોવાને લઇને સ્થાનિક લોકો, શિક્ષકો અને વાલીઓના જીવ તાળવે ચોંટ્યા હતા. ઘટનાની ગંભીરતા જોતા વલસાડ વન વિભાગની ટીમ સ્થળ ઉપર પહોંચી હતી. જો કે દીપડાને પકડવા માટે અતુલના વિવિધ વિસ્તારમાં પાંજરા પણ મુકવામાં આવ્યા છે.

વલસાડના અતુલ પાસે આવેલી કલ્યાણી શાળાના કમ્પાઉન્ડમાં શુક્રવારે બાળકો રમી રહ્યા હતા. ત્યારે કમ્પાઉન્ડમાં દીપડો ફરતો દેખાતા કેટલાક વિદ્યાર્થીઓએ સ્કૂલ સંચાલકો શિક્ષકોને જાણ કરતા તરત જવલસાડ વન વિભાગને જાણકારી આપી હતી.વન વિભાગની ટીમ સ્થળ પર તાત્કાલીકપહોંચી હતી. ઘટના બનતા સ્કૂલની આસપાસના વિસ્તારમાં રહેતા લોકોના જીવ તાળવે ચોંટ્યા હતા.

હાલજંગલ વિભાગની ટીમે આસપાસમાં દીપડાને પકડી લેવા માટે 5 જેટલા પિંજરાઓ પણ ગોઠવ્યા છે. નોંધનીય છે કે, થોડા દિવસ પહેલાઅતુલ હાઇવે ક્રોસ કરતા એક અજાણ્યા વાહનની અડફટે દીપડીનું મોત થયુંહતું. તો 2 દિવસ પૂર્વે અતુલના એક ઘરમાં વહેલી સવારે દીપડો ઘુસી જઈ અંદર ઉંઘેલા એક યુવકને ઘરની બહાર ઘસડી લાવ્યો હતો અને માથાના ભાગે ઈજાઓ કરતા તે ગંભીર રૂપે ઘાયલ થયો હતો. ત્યારે આ હિંસક પ્રાણીના હુમલાને લઇને હાલમાં અતુલ વિસ્તારમાં લોકોમાં ભયનો માહોલ ફેલાયો છે.