કપરાડાની કરચોન્ડ બેઠક પર આમ આદમી પાર્ટીના ઉમેદવારે ઉમેદવારી નોંધાવી

સ્થાનિક સ્વરાજની ચૂંટણીમાં કપરાડા તાલુકામાં અનેક જિલ્લા પંચાયત અને તાલુકા પંચાયતની બેઠક માટે ઉમેદવારીપત્રો ભરવા માટે વહેલી સવારથી તાલુકા પંચાયત કચેરીએ લાંબી લાઈનો જોવા મળી હતી. ત્યારે કપરાડામાં આવેલી જિલ્લા પંચાયતની કરચોન્ડ બેઠક ઉપર જ્યાં ભારતીય જનતા પાર્ટીના 35 વર્ષ જૂના ઉમેદવારને ટિકિટ અપાઇ હતી.

• કરચોન્ડ બેઠક પર ત્રિપાંખિયો જંગ યોજાનાર હતો પરંતુ આમ આદમી પાર્ટીના ઉમેદવારએ ઉમેદવારી કરી
• કરચોન્ડ બેઠકમાં કોંગ્રેસમાંથી ભાજપમાં આવેલા ભગવાન બાતરીને ભાજપે ટિકિટ આપી
• બે અપક્ષ ઉમેદવાર નોંધાતા કુલ 5 ઉમેદવારો ચૂંટણી મેદાનમાં

વલસાડ: સ્થાનિક સ્વરાજની ચૂંટણીમાં આજથી કપરાડા તાલુકામાં અનેક જિલ્લા પંચાયત અને તાલુકા પંચાયતની બેઠક માટે ઉમેદવારીપત્રો ભરવા માટે વહેલી સવારથી તાલુકા પંચાયત કચેરીએ લાંબી લાઈનો જોવા મળી હતી. ત્યારે કપરાડામાં આવેલી જિલ્લા પંચાયતની કરચોન્ડ બેઠક ઉપર જ્યાં ભારતીય જનતા પાર્ટીના 35 વર્ષ જૂના ઉમેદવારની ટિકિટ અપાઈ હતી. તેઓએ અપક્ષ ઉમેદવારી કરવાની જાહેરાત કરી હતી. તે જ બેઠક પર વધુ એક ઉમેદવારે આમ આદમી પાર્ટીમાં ઉમેદવારી ભરતા હવે આ બેઠક ઉપર કુલ પાંચ જેટલા ઉમેદવારો ચૂંટણી મેદાનમાં જોવા મળી રહ્યા છે. જોકે, આમ આદમી પાર્ટીના ઉમેદવારે પ્રથમવાર કપરાડામાં પગ પેસારો કર્યો છે. જેને લઈને ભાજપ અને કોંગ્રેસ બંને પક્ષમાં ખળભળાટ જોવા મળી રહ્યો છે. આમ આદમી પાર્ટીમાંથી જયેન્દ્ર ગાંવીત નામના ઉમેદવારોએ ઉમેદવારી નોંધાવી હતી.

શિક્ષણ અને આરોગ્યના મુદ્દે આમ આદમી પાર્ટી ચૂંટણી મેદાનમાં ઉતરી

કપરાડા જિલ્લા પંચાયતની બેઠક માટે આજે રવિવારે વહેલી સવારથી તાલુકા પંચાયત કચેરીએ ઉમેદવારી ફોર્મ ભરવા માટે અનેક ઉમેદવારો પહોંચ્યા હતા. વહેલી સવારથી તાલુકા પંચાયત કચેરીએ ઉમેદવારોની ભીડ જામી હતી. બંને પક્ષોના ઉમેદવારો તાલુકા પંચાયત કચેરીએ ફોર્મ ભરવા માટે એકઠા થયા હતા. જેમાં જિલ્લા પંચાયતની કરચોન્ડ બેઠક પરથી જયેન્દ્ર લક્ષ્મણભાઈ ગાવીતે આમ આદમી પાર્ટીમાંથી પોતાની ઉમેદવારી નોંધાવી હતી. જેને લઇને હવે આ બેઠક પર ત્રિપાંખિયો જંગ યોજાવા જઇ રહ્યો હતો. ત્યાં વધુ એક ઉમેદવાર નોંધાયો છે. આમ કુલ 5 ઉમેદવારો એક જ બેઠક ઉપર નોંધાયા છે.

કરચોન્ડ જિલ્લા પંચાયત ઉપર પાંચ ઉમેદવારો મેદાનમાં નોંધાયા

કરચોન્ડ જિલ્લા પંચાયત બેઠક ઉપર ભારતીય જનતા પાર્ટીએ જાહેર કરેલા નામોમાં હાલમાં જ કોંગ્રેસમાંથી ભાજપમાં જોડાયેલા ભગવાન બાતરીનું નામ જાહેર થયું છે. જેને લઇને વર્ષોથી ભાજપમાં કામ કરી રહેલા અને કાર્યકર્તાઓ નારાજ થયા છે. તેઓએ અપક્ષમાંથી ચૂંટણી લડવાની જાહેરાત કરી છે. જ્યારે બીજી તરફ આજે ભગવાન બાતરીએ ભારતીય જનતા પાર્ટી તરફથી પોતાની ઉમેદવારી રજૂ કરી છે. આમ આ જિલ્લા પંચાયતની બેઠકો ઉપર કુલ 5 જેટલા ઉમેદવારો ચૂંટણી મેદાનમાં જોવા મળી રહ્યા છે. ત્યારે હવે આગામી દિવસમાં મતદારો ખૂણા તરફ પોતાનો મત આપે તે જોવું રહ્યું.

આદમી પાર્ટી જિલ્લા પંચાયત માટે પ્રથમવાર ઉમેદવારી નોંધાવી

સમગ્ર કપરાડા તાલુકામાં અત્યાર સુધીમાં ભારતીય જનતા પાર્ટી અને કોંગ્રેસ પક્ષ સિવાય આમ આદમી પાર્ટી ક્યાંય પણ જોવા મળતી ન હતી, પરંતુ સ્થાનિક સ્વરાજની ચૂંટણીમાં જિલ્લા પંચાયતની બેઠક માટે આમ આદમી પાર્ટી તરીકે ઉમેદવારે પોતાની ઉમેદવારી નોંધાવી પગ પેસારો કર્યો છે. ત્યારે આમ આદમી પાર્ટી દ્વારા આજે કપરાડામાં પગ પેસરો કરતા ઉમેદવારી નોંધાવીને કપરાડામાં ખાતું ખોલ્યું હતું.