Gyansetu books : વલસાડ જિલ્લાની પ્રાથમિક સ્કૂલોમાં શરૂ કરાયું વિતરણ

સમગ્ર રાજ્યમાં હાલમાં જ્ઞાનસેતુ પુસ્તકોના માધ્યમથી 10 જુલાઈ સુધી ઓનલાઇન પ્રશિક્ષણ આપવામાં આવી રહ્યું છે. વિદ્યાર્થીઓ ઘરે બેઠા અભ્યાસ કરી શકે તે હેતુસર જ્ઞાનસેતુના પુસ્તકોનું વિતરણ કરાયું છે, ત્યારે વલસાડની પ્રાથમિક શાળાઓમાં પણ આ પુસ્તકોનું વિતરણ શરૂ કરવામાં આવ્યું છે.

• ધોરણ 6થી 8ના કેટલાક ગણિત, વિજ્ઞાન જેવા પુસ્તકો પહોચ્યાં નથી
• પાઠ્યપુસ્તકો હજુ સુધી સ્કૂલ સુધી ન પહોંચતા નવા સત્રમાં કઈ રીતે અભ્યાસ ચલાવવો તે અંગે મૂંઝવણ
• હાલમાં 10 જુલાઈ સુધી જ્ઞાનસેતુના પુસ્તકોનો અભ્યાસક્રમ ચલાવવામાં આવી રહ્યો છે
• જ્ઞાનસેતુના પુસ્તકો પણ મોડે મોડે હમણાં જ પહોંચ્યા છે

વલસાડ : 1 જૂનથી શાળાકીય નવા સત્રનો પ્રારંભ થઇ જતો હોય છે, પરંતુ આ વખતે કોરોનાની મહામારીને કારણે આવેલા લોકડાઉન (lockdown)ને કારણે શિક્ષણકાર્ય ખોરંભે પડયું હતું. જેના કારણે અનેક વર્ગોમાં અભ્યાસ કરતા વિદ્યાર્થીઓને પરીક્ષા આપ્યા વિના માસ પ્રમોશન કરી આગળના વર્ગમાં મોકલી દેવામાં આવ્યા છે, જેથી પરિસ્થિતિએ પ્રકારે ઉદ્ભવી છે કે, હોશિયાર વિદ્યાર્થીઓની સાથે સાથે અભ્યાસક્રમમાં પાછળ રહેતા વિદ્યાર્થીઓ પણ માસ પ્રમોશનમાં આગળના વર્ગમાં આગળ વધી રહ્યા છે. જોકે આ બન્ને વચ્ચે તફાવત કરવા માટે હાલમાં જ્ઞાનસેતુ પુસ્તકો (Gyansetu books)ના માધ્યમથી 10 જુલાઈ સુધી ઓનલાઇન પ્રશિક્ષણ આપવામાં આવી રહ્યું છે. જ્ઞાનસેતુના પુસ્તકો (Gyansetu books) પણ મોડે મોડે હમણાં જ વિદ્યાર્થીઓ સુધી પહોંચતા કરવામાં આવી રહ્યાં છે.

આ પણ વાંચો : મહેસાણા જિલ્લામાં પ્રાથમિક માધ્યમિક શાળાઓમાં પૂરતા પુસ્તકો મળ્યા નથી

વલસાડમાં પણ 10 જુલાઈ સુધી જ્ઞાનસેતુના પુસ્તકોનો અભ્યાસક્રમ

ગુજરાત પાઠ્યપુસ્તક મંડળ દ્વારા પુસ્તકો છપાઈ ચુક્યા છે અને કેટલાક પુસ્તકો તૈયાર છે, પરંતુ તે હજુ સુધી સ્કૂલ સુધી પહોંચ્યા નથી, ત્યારે અભ્યાસક્રમ કઈ રીતે આગળ વધારવો તે અંગે શિક્ષકોમાં પણ મૂંઝવણ ઊભી થઈ રહી છે. જોકે માસ પ્રમોશનને કારણે હાલમાં શિક્ષણ વિભાગ દ્વારા જ્ઞાનસેતુના પુસ્તકો (Gyansetu books)થી ઓનલાઇન પ્રશિક્ષણ વિદ્યાર્થીઓને આપવામાં આવી રહ્યું છે. જે આગામી તારીખ 10 જુલાઈ સુધી ચલાવવામાં આવનારું છે. ત્યાં સુધીમાં જો પુસ્તકો નહીં આવે તો આગામી દિવસમાં વિદ્યાર્થીઓને અભ્યાસક્રમ પર અસર થઇ શકે તેમ છે.

જ્ઞાનસેતુના પુસ્તકો દ્વારા ચાલે છે અભ્યાસક્રમ

આ પણ વાંચો : યુનાઇટેડ વે ઓફ અમદાવાદ દ્વારા દિવ્યાંગોને રેશન કિટનું વિતરણ

વલસાડની તમામ પ્રાથમિક શાળાઓમાં જ્ઞાનસેતુના પુસ્તકોનું વિતરણ કાર્યક્રમ શરૂ

હાલમાં માસ પ્રમોશનના કારણે નીચલા વર્ગમાંથી ઉપલા વર્ગમાં પાસ કરીને મોકલવામાં આવેલા વિદ્યાર્થીઓને શિક્ષણનો પાયો પાકો કરવા માટે બન્ને વર્ષનો અભ્યાસક્રમ એક સાથે ઓનલાઈનમાં ભણાવવામાં આવી રહ્યો છે અને તે માટે સરકાર દ્વારા જ્ઞાનસેતુ ધોરણ 6થી 8ના પુસ્તકોનું વિતરણ તેમજ ધોરણ-1થી 8ના પુસ્તકોનું વિતરણ દરેક તાલુકાની વિવિધ સરકારી શાળાઓમાં કરવામાં આવ્યું છે. જેના થકી વિદ્યાર્થીઓ ઘરે બેઠા પણ online અભ્યાસક્રમ કરી શકે.

જ્ઞાનસેતુના પુસ્તકો દ્વારા ચાલે છે અભ્યાસક્રમ

પાઠ્યપુસ્તકોના અભાવ બાબતે કોઈપણ શિક્ષક કેમેરા સામે બોલવા તૈયાર નથી

હાલમાં જ્ઞાનસેતુ અંતર્ગત ઓનલાઇન (online) પુસ્તકોનો અભ્યાસક્રમ ચલાવવામાં આવી રહ્યો છે, ત્યારે ગુજરાત પાઠ્યપુસ્તક બોર્ડ દ્વારા દર વર્ષે ધોરણ 1થી 8ના પુસ્તકો નવા બહાર પાડવામાં આવતા હોય છે, પરંતુ આ વખતે કોઈ કારણસર જ કેટલાક ધોરણના પુસ્તકોનો અભાવ સર્જાઈ રહ્યો છે અને આ બાબતે જ્યારે શિક્ષકોનો સંપર્ક કરી જાણવાનો પ્રયાસ કરવામાં આવ્યો, ત્યારે કોઈપણ શિક્ષક કેમેરા સમક્ષ પુસ્તકો બાબતે બોલવા તૈયાર ન હતા. તેઓએ જણાવ્યું કે, 10 જુલાઈ બાદ જ વાસ્તવિક પરિસ્થિતિનો ખ્યાલ આવશે.

જ્ઞાનસેતુના પુસ્તકો દ્વારા ચાલે છે અભ્યાસક્રમ

પુસ્તકોના અભાવથી ઉભી થતી મુશ્કેલીઓ 10 જુલાઈ બાદ જ સામે આવી શકશે

આમ સમગ્ર વલસાડ જિલ્લામાં આવેલી વિવિધ સ્કૂલોમાં હાલમાં ધોરણ 1થી 8 માટે જ્ઞાનસેતુના પુસ્તકો (Gyansetu books)નો અભ્યાસક્રમ ઓનલાઇન ચલાવવામાં આવી રહ્યો છે. જે આગામી 10 જુલાઇ બાદ પૂર્ણ થશે. તે બાદ જ પુસ્તકોના અભાવથી ઉભી થતી મુશ્કેલીઓ સામે આવી શકે છે.