પારડીમાં હાઈવે ક્રોસ કરતા સિનિયર સિટિઝનને બાઈકચાલકે ટક્કર મારી, બંને હોસ્પિટલમાં દાખલ

વલસાડમાં પારડી કુમાર શાળા પાસે નેશનલ હાઈવે નંબર 48 પરથી બજારમાં શાકભાજી લેવા જતા એક વયોવૃદ્ધને હાઈવે પરથી પૂર ઝડપે આવતી બાઈકે ટક્કર મારી હતી, જેમાં વયોવૃદ્ધ ગંભીર રીતે ઈજાગ્રસ્ત થયા હતા. જ્યારે બાઈકચાલકને ગંભીર ઈજા થઈ હતી. બંને ઈજાગ્રસ્તોને પારડીની હોસ્પિટલમાં સારવાર માટે દાખલ કરવામાં આવ્યા છે.

• અકસ્માતમાં વૃદ્ધ અને બાઈક ચાલક બંને ઘવાતા બંનેનેે હોસ્પિટલ ખસેડાયા
• શાકભાજી લેવા નીકળેલા હાઈવે ક્રોસ કરતા વૃદ્ધને બાઈક ચાલકે અડફેટે લીધા
• 71 વર્ષીય વૃદ્ધ શાકભાજીની ખરીદી કરવા જતા હતા તે વખતે બન્યો બનાવ

વલસાડઃ પારડી શહેરમાં સુલભ નગર ખાતે રહેતા વૃદ્ધ ઠાકોર મીઠ્ઠલભાઈ પટેલ (ઉ.વ. 71) બુધવારે સાંજે ઘરેથી પારડી બજારમાં શાકભાજી ખરીદી કરવા માટે નીકળ્યા હતા. પારડી શાકભાજી માર્કેટ જવા માટે તેઓ પારડી કુમાર કન્યા શાળા સામેનો નેશનલ હાઈવે નંબર 48 ક્રોસ કરી રહ્યા હતા. તે દરમિયાન વાપી તરફના ટ્રેક પરથી પૂર ઝડપે આવતા સ્પ્લેન્ડર પર સવાર જિગ્નેશ પંચાલે (રહે. વલસાડ) વૃદ્ધને અડફેટમાં લીધા હતા. આથી વૃદ્ધ લઇ હાઈવે પર ફેંકી દીધા હતા સાથે બાઈક ચાલક જીગ્નેશ પર હાઈવે પર પછડાયો હતો.

ઘટનામાં બંને ઈજાગ્રસ્તને સારવાર માટે ખસેડવામાં આવ્યારોડ ક્રોસ વૃદ્ધ અને બાઈક ચાલક આમ બંને ઈજાગ્રસ્ત બનતા 108 મારફતે પારડી કુરેશી હોસ્પિટલ ખસેડવામાં આવ્યા હતા. જોકે, બંનેને ગંભીર ઇજા પહોંચી હોવાનું જાણવા મળ્યું છે. ત્યારે પારડી શહેરમાં રહેતા લોકોએ હાઈવે ક્રોસ કરવા માટે પૂરતી તકેદારી રાખેએ જરૂરી બન્યું છે. બને તો દમણીઝાંપા કે ચાર રસ્તાનો માર્ગ ફરીને બજારમાં જાય એ પણ જરૂરી છે.